தனிநபர் கடன் வட்டி விகிதம் உயரும் வாய்ப்பு... விதிமுறைகளை கடுமையாக்கும் RBI...!

இந்திய ரிசர்வ் வங்கி ரிஸ்க் வெயிட் நெறிமுறைகளை திருத்திய பிறகு, சில வகையான கடன்களின் கடன் விகிதங்கள் 30-40 அடிப்படை புள்ளிகள் அதிகரிக்கப்படலாம் என்று வணிக நிபுணர்கள் கூறுகின்றனர். ரிசர்வ் வங்கி நடவடிக்கையைத் தொடர்ந்து கடன் நடவடிக்கைகளின் கூடுதல் செலவு, கடன் வாங்குபவர்கள் மீது சுமத்தப்படும் நிலையில், விகித உயர்வு தவிர்க்க முடியாதது என்றும் அவர்கள் தெரிவித்தனர். "ரிஸ்க்  அதிகரிப்பால் ஈக்விட்டியில் வருமானம் குறையும். எனவே, வங்கிகள் சில வட்டி விகிதங்களில் மாற்றங்களைச் செய்யும். தனிநபர் கடனில், 30-40 பிபிஎஸ் அல்லது அதற்கும் அதிகமான அளவில் கடன் விகிதங்களில் மாற்றத்தை எதிர்பார்க்கலாம்," வங்கியாளர்கள் தெரிவித்தனர்.

வட்டி விகிதங்கள் அதிகரிப்பதால், பாதுகாப்பற்ற கடன்களுக்கான வட்டி அதிகமாக இருக்கும். பணவீக்கத்தைக் கட்டுப்படுத்த கடந்த ஆண்டு முதல் ரிசர்வ் வங்கி ரெப்போ விகிதத்தை 250 அடிப்படை புள்ளிகள் உயர்த்தியுள்ளது. முக்கிய விகிதம் கடைசியாக பிப்ரவரியில் 25 அடிப்படை புள்ளிகள் என்ற அளவில் 6.5 சதவீதமாக உயர்த்தப்பட்டது. இது ஐந்து ஆண்டுகளில் மிக உயர்ந்த அளவாகும்.

முக்கிய வங்கிகளின் கடனுக்கான வட்டி விகிதம்

HDFC வங்கியின் தனிநபர் கடன்களுக்கான வட்டி விகிதங்கள் தற்போது மூன்று மாதங்கள் முதல் 72 மாதங்கள் வரையிலான காலத்திற்கான கடன்களுக்கு, ஆண்டுக்கு 10.50 சதவீதம் முதல் 25 சதவீதம் வரை இருக்கும் என அதன் இணையதளத்தில் தெரிவிக்கப்பட்டுள்ளது. வட்டி விகிதங்கள் 10.50 சதவீதம் முதல் 16 சதவீதம் வரை இருக்கும் என்று ஐசிஐசிஐ வங்கியின் இணையதளம் கூறுகிறது. பொதுத்துறை கடன் வழங்கும் நிறுவனங்களில், பாரத ஸ்டேட் வங்கியின் (State Bank of India) வட்டி விகிதம் 10.55 சதவீதத்திலும், பாங்க் ஆஃப் பரோடாவின் வட்டி விகிதம் 12.40 சதவீதத்திலிருந்து 17.45 சதவீதத்திலும் உள்ளது.

அதிக மூலதனம்

பாதுகாப்பற்ற நுகர்வோர் கடன்களின் எண்ணிக்கை பெருகுவதை கட்டுப்படுத்த, வங்கிகள் மற்றும் வங்கி அல்லாத நிதி நிறுவனங்களின் தனிநபர் கடன்களுக்கான இடர் அம்ச அளவீடுகளை நவம்பர் 16 அன்று மத்திய வங்கி 25 சதவீத புள்ளிகளாக அதிகரித்தது. அதாவது வங்கிகளும் NBFC களும் அத்தகைய கடன்களை நீட்டிக்கும் போது அதிக மூலதனத்தை ஒதுக்க வேண்டும். நுகர்வோர் கடன்களில் கிரெடிட் கார்டுகள், சில தனிநபர் மற்றும் சில்லறை கடன்கள் ஆகியவை அடங்கும்.

பிற கடன்கள்

வீட்டுக் கடன்கள், கல்விக் கடன்கள், வாகனக் கடன்கள் மற்றும் தங்கம் மற்றும் தங்க நகைகள் மூலம் பெறப்படும் கடன்கள் ஆகியவை, இது போன்ற மதிப்பிட்டு நடவடிக்கையில் இருந்து விலக்கப்பட்டன. NBFC களுக்கு வழங்கப்படும் கடன் மீதான இடர் அம்சத்தையும் RBI அதிகரித்தது.

சமீப காலமாக, வங்கிகள் மூலம் உத்தரவாதமில்லாத கடன்கள் அளிப்பது அதிகரித்துள்ளன. நாட்டின் மிகப்பெரிய தனியார் துறை வங்கியான HDFC வங்கி, 24 நிதியாண்டின் இரண்டாவது காலாண்டில் அதன் தனிநபர் கடன் போர்ட்ஃபோலியோவில் 15.5 சதவீதம் வளர்ச்சி கண்டு ரூ.1.78 லட்சம் கோடியாக உள்ளது.

ஐசிஐசிஐ வங்கியின் தனிநபர் கடன் அளவுகள் ஜூலை-செப்டம்பர் காலாண்டில் 40 சதவீதம் அதிகரித்து ரூ.1.04 லட்சம் கோடியாகவும், கிரெடிட் கார்டு கடன்கள் 29.5 சதவீதம் அதிகரித்து ரூ.43,230 கோடியாகவும் உள்ளது. கோடக் மஹிந்திரா வங்கியின் பாதுகாப்பற்ற கடன் அளவுகள் 50 சதவீதம் உயர்ந்து ரூ.38,311 கோடியாக உள்ளது.

அக்டோபர் மாத நிதிக் கொள்கைக் குழுக் கூட்டத்திற்குப் பிறகு, ரிசர்வ் வங்கியின் ஆளுநர் சக்திகாந்த தாஸ், நுகர்வோர் கடனின் சில கூறுகளின் உயர் வளர்ச்சியைக் கொடியிட்டு, வங்கிகள் மற்றும் NBFC களுக்கு எதிராக எச்சரித்தார். உள் கண்காணிப்பு பொறிமுறைகளை வலுப்படுத்துவதும், அபாயங்கள் ஏதேனும் இருந்தால் அவற்றை நிவர்த்தி செய்வதும், அவர்களின் சொந்த நலன் கருதி தகுந்த பாதுகாப்புகளை ஏற்படுத்துவதும் அவசியம் என்று தாஸ் கூறினார். "வலுவான இடர் மேலாண்மை மற்றும் வலுவான எழுத்துறுதி தரநிலைகள் காலத்தின் தேவை ஆகும்," என்று அவர் கூறினார்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!