ஜார்க்கண்டில் காங்கிரஸ்க்கு பின்னடைவு; காங்., MLA-க்கள் பாஜகவில் இணைவு!

ஜார்க்கண்டில் காங்கிரஸ் மற்றும் JMM எம்.எல்.ஏ-க்கள் பாஜகவில் இணைந்தனர்..!

காங்கிரசின் சில முக்கிய சட்டமன்ற உறுப்பினர்கள் மற்றும் ஜார்கண்ட் முக்தி முக்தி மோர்ச்சா (JMM) பாரதீய ஜனதா கட்சியில் (BJP) இணைந்ததை அடுத்து ஜார்க்கண்டில் எதிர்க்கட்சி புதன்கிழமை ஒரு அதிர்ச்சியை சந்தித்துள்ளது. ஜார்க்கண்ட் மாநிலத்தில் ரகுபர் தாஸ் தலைமையிலான பாரதிய ஜனதா கட்சியின் ஆட்சி நடந்து வருகிறது. இந்த நிலையில் காங்கிரஸ் கட்சியை சேர்ந்த சுக்தியோ பகத், மனோஜ் யாதவ், ஜார்க்கண்ட் முக்தி மோர்ச்சாவை சேர்ந்த குணால் சாரங்கி, ஜெயபிரகாஷ் பாய் படேல்.

ஜார்க்கண்ட் காங்கிரஸ் முன்னாள் தலைவரும், எம்.எல்.ஏ.வுமான சுக்தியோ பகத், கட்சியின் மூத்த தலைவரும், சட்டமன்ற உறுப்பினருமான மனோஜ் யாதவுடன் பாஜகவில் இணைந்தார். பகதும் யாதவும் லோஹர்டாகா மற்றும் சத்ராவிலிருந்து 2019 மக்களவைத் தேர்தலில் போட்டியிட்டனர், கட்சித் தலைவர்கள் தங்கள் வாய்ப்புகளை கெடுத்துவிட்டதாக உணர்ந்ததால் இருவரும் மகிழ்ச்சியடையவில்லை. பிரிக்கப்படாத பீகாரில் யாதவ் அமைச்சராகவும் இருந்தார்.

சுயேச்சை எம்.எல்.ஏ. பானுபிரதாப் சாகி ஆகியோர் பா.ஜ.க அலுவலகத்தில் முதலமைச்சர் ரகுபர் தாஸ் முன்னிலையில் பாஜகவில் சேர்ந்தனர். ஜார்க்கண்ட் மாநில முன்னாள் டி.ஜி.பி. டி.கே.பாண்டே, முன்னாள் ஐ.ஏ.எஸ். அதிகாரிகள் சுசித்ரா சின்கா, ஆர்.பி.சின்கா ஆகியோரும் பா.ஜக.வில் இணைந்தனர்.

இதையடுத்து செய்தியாளர்களை சந்தித்த தாஸ் கூறுகையில்; "பாஜகவுக்கு இன்று ஒரு முக்கியமான நாள். காங்கிரஸின் மூத்த தலைவர்களான சுக்தியோ பகத் மற்றும் மனோஜ் யாதவ், ஜேஎம்எம் சட்டமன்ற உறுப்பினர் குணால் சாரங்கி மற்றும் முன்னாள் ஐஏஎஸ் மற்றும் ஐபிஎஸ் அதிகாரிகள் வளர்ச்சி மற்றும் தேசியவாத பிரச்சினைகள் தொடர்பாக கட்சியில் இணைந்துள்ளனர்" என்று தாஸ் கூறினார்.

"2014 மற்றும் 2019 மக்களவைத் தேர்தல்கள் சாதி, மதம், வம்ச அரசியலை வளர்ச்சி அரசியலுக்கு ஆதரவாக நிராகரித்தன. இந்த சட்டமன்ற உறுப்பினர்கள் வளர்ச்சி, தேசியவாதம் மற்றும் ஒரு நிலையான அரசாங்கத்திற்காக பாஜகவில் இணைகிறார்கள்" என்று தாஸ் மேலும் கூறினார்.