இன்று உங்களுக்கு பேரீச்சம்பழம் அல்வா செய்வதற்கான செய்முறையைக் கொண்டு வந்துள்ளோம். இந்த அல்வா சுவையாகவும், சத்தானதாகவும் இருக்கும். உலர் பேரீச்சம்பழங்களை உட்கொள்வது உங்கள் உடலுக்கு வலிமையைத் தரும் என்பதை நீங்கள் அறிந்திருப்பீர்கள். ஆனால் அல்வா செய்து சாப்பிட்டால் கிடைக்கும் கூடுதல் நன்மைகளை அறிவீர்களா?. மழைக்காலத்தில் வரும் மலச்சிக்கல் பிரச்சனையில் இருந்து முழுமையாக விடுபடலாம்.


COMMERCIAL BREAK
SCROLL TO CONTINUE READING

மேலும் படிக்க | தொங்கும் தொப்பை தொல்லை செய்கிறதா? 'இந்த' தண்ணீர் டெய்லி குடிங்க


பேரீச்சம்பழம் அல்வா செய்ய தேவையான பொருட்கள்


- 200 கிராம் பேரீச்சம்பழம்
-1/2 லிட்டர் பால்
- 100 கிராம் சர்க்கரை
- 4 டீஸ்பூன் தேசி நெய்
- 2 டீஸ்பூன் தேங்காய்
- 10-12 துண்டுகள் பாதாம்
- 10-12 முந்திரி
- திராட்சை 10-12 துண்டுகள்
- 1 டீஸ்பூன் ஏலக்காய் தூள்


உலர் பேரிச்சம்பழம் அல்வா செய்முறை; 


இதைச் செய்ய, முதலில் பேரீட்சை பழத்தில் இருக்கும் விதைகளை நீக்கவும். பிறகு, பேரீச்சம்பழத்தை பாலில் சுமார் ஆறு மணி நேரம் ஊற வைக்கவும். அதன் பிறகு, பேரீச்சம்பழத்தை மிக்ஸி ஜாரில் போட்டு நைசாக அரைக்கவும். பிறகு தேங்காயையும் துருவவும். அதன் பிறகு, பாதாம் மற்றும் முந்திரியை சிறு துண்டுகளாக நறுக்கி வைக்கவும். அதனையடுத்து ஒரு பாத்திரத்தில் நெய் ஊற்றி லேசான தீயில் சூடாக்கவும். அதன் பிறகு, கடாயில் மிதமான தீயில் பேரீச்சம்பழம் ஜூஸை போடவும். பின்னர் சுமார் 15-20 நிமிடங்கள் பொன்னிறமாகும் வரை வறுக்கவும். அதன் பிறகு, அதில் சர்க்கரை மற்றும் பால் சேர்த்து, குறைந்த தீயில் கிளறி இறக்கவும். பிறகு ஹல்வாவை நன்கு காய்ந்து நெய் பிரியும் வரை வேகவைக்கவும். அதன் பிறகு, திராட்சை, பாதாம், முந்திரி மற்றும் ஏலக்காய் தூள் சேர்க்கவும். பிறகு சுமார் 2 நிமிடம் கலக்கி மூடி வைக்கவும். இப்போது உங்களின் சுவையான பேரீச்சம்பழ அல்வா தயார். கடைசியாக உலர் பழங்களால் அலங்கரித்து குளிரவைத்து குடும்ப உறுப்பினர்களுக்கு பரிமாறவும்.


மேலும் படிக்க | உருளைக்கிழங்கு சாப்பிட்டால் உடல் எடை குறையுமா..?


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ