மூட்டு வலி பிரச்சனை இந்த நாட்களில் மிகவும் பொதுவானதாகிவிட்டது. மூட்டுவலி பொதுவாக முதுமையின் அறிகுறியாகும், ஆனால் இது வயதானவர்களிடம் மட்டுமல்ல, இளையவர்களிடமும் காணப்படுகிறது. இது மட்டுமின்றி, மோசமான வாழ்க்கை முறையாலும், சரியான டயட் இல்லாததாலும், சில சமயங்களில் குழந்தைகளுக்கு கூட மூட்டு வலி போன்ற பிரச்சனைகள் ஏற்படுகின்றன. மூட்டுவலி அல்லது கீல்வாதம் என்பது மூட்டுகளை பாதிக்கும் ஒரு பொதுவான நிலை. இது வலி, விறைப்பு மற்றும் வீக்கத்தை ஏற்படுத்தும். கீல்வாதத்திற்கு எந்த சிகிச்சையும் இல்லை. ஆனால் அறிகுறிகளை நிர்வகிக்க பல வழிகள் உள்ளன. மூட்டுவலி வலியை நிர்வகிக்க பெரும்பாலும் மருந்துகள்  பயன்படுத்தப்படுகிறது. மூட்டு வலியைச் சமாளிக்க மக்கள் பெரும்பாலும் வலி நிவாரணிகளை எடுத்துக்கொள்கிறார்கள், இது அவர்களுக்கு தற்காலிக நிவாரணத்தை மட்டுமே தருகிறது. ஆனால் மருந்துகள் இல்லாமலேயே, உணவு பழக்கத்திலும், வாழ்க்கை முறையிலும் மாற்றத்தை ஏற்படுத்துவதன் மூலமும் சில எளிய வீட்டு வைத்தியங்கள் மூலமும் வீக்கத்தைக் குறைத்து, மூட்டு செயல்பாட்டை மேம்படுத்தி, மூட்டு வலியில் இருந்து விடுபடலாம்.


COMMERCIAL BREAK
SCROLL TO CONTINUE READING

மூட்டு வலிக்கு சூடான மற்றும் குளிர் ஒத்தடம்


உடலின் எந்த விதமான மூட்டு வலியிலிருந்தும் (Joint Pain Remedies) உடனடி நிவாரணம் பெற எளிதான மற்றும் முதல் வீட்டு வைத்தியம் ஒத்தடம் கொடுப்பது ஆகும். உங்களுக்கு ஏதேனும் மூட்டில் வலி இருந்தால், முதலில் ஐஸ் ஒத்தடம் கொடுங்கள். ஐஸ் ஒத்தடம் கொடுக்க, நீங்கள் ஒரு துண்டில் ஐஸ் கட்டியை வைத்து கட்டி கொடுக்கலாம். குறைந்தது 10 நிமிடங்களுக்கு ஒத்தடம் கொடுக்க வேண்டும். பின்னர் 15 நிமிட இடைவெளியைக் கொடுத்து, சூடான துண்டினால் ஒத்தடம் கொடுங்கள். ஒரு பாட்டிலில் சூடான நீரை ஊற்றி  கொடுக்கலாம். இப்ப்போது சந்தையில் சூடான மற்றும் குளிர் ஒத்தடம் கொடுக்க உதவும் வகையில் பல வகையான சாதனங்களும் கிடைக்கின்றன. 


கால்சியம் மற்றும் வைட்டமின் டி  நிறைந்த சமச்சீர் உணவு


மூட்டு வலியில் இருந்து விடுபட, உங்கள் உடல் போதுமான அளவிற்கு கால்சியம் மற்றும் வைட்டமின் டி பெறுவது மிகவும் முக்கியம். உங்கள் எலும்பு ஆரோக்கியத்திற்காக, கால்சியம் நிறைந்த பால், ப்ரோக்கோலி மற்றும் பலப்படுத்தப்பட்ட தானியங்களை உட்கொள்வதை உறுதி செய்வதோடு, சூரிய ஒளியில் சிறிது நேரம் இருப்பது முக்கியம். சூரிய ஒளி விட்டமின் டிக்கான சிறந்த ஆதாரம். விட்டமின் டி போதுமான அளவு இருந்தால் தான், உடல் கால்ஷியத்தை கிரகித்துக் கொள்ளும்.


உயர் புரத உணவு


மூட்டு வலியில் இருந்து விடுபட கால்ஷியம் மட்டுமின்றி புரதமும் அவசியம். ல்ல தரமான புரதங்களை உட்கொள்வது மூட்டு திசு பராமரிப்பு மற்றும் பழுதுபார்க்க உதவுகிறது. உடலைப் பொறுத்தவரை, ஆரோக்கியமான மூட்டுகளை பராமரிக்க உதவும் முக்கியமான கட்டுமானத் தொகுதிகளாக புரதங்கள் செயல்படுகின்றன. லீன் இறைச்சிகள், மீன், முட்டை, பருப்பு மற்றும் கொட்டைகள், முழு தானியங்கள் ஆகியவை புரத சத்தின் ஆதாரங்கள்.


குறைவான கொழுப்பு மற்றும் மாவுச்சத்து


மூட்டு வலி அதிகரிக்க உடல் பருமனும் ஒரு முக்கிய காரணம், எனவே பருமனை தடுக்கவும் உடலில் வீக்கத்தைத் தவிர்ப்பதற்கும், நிறைவுற்ற கொழுப்பு மற்றும் சுத்திகரிக்கப்பட்ட கார்போஹைட்ரேட்டுகளை உட்கொள்வதைக் குறைப்பது முக்கியம். ஏனெனில் இவை, கீல்வாதம் தொடர்பான அழற்சியின் அபாயத்தை குறைக்கிறது.


மேலும் படிக்க | Prune For Health: அனீமியா, செரிமானக் கோளாறுகளை போக்கும் கொடிமுந்திரி!


நடைபயிற்சி & உடற்பயிற்சி


மூட்டு ஆரோக்கியத்தை மேம்படுத்தும் எளிய பயிற்சிகளில் ஒன்று நடைபயிற்சி. ஒரு நாளைக்கு குறைந்தது 8,000 அடிகள் என்னும் இலக்கை அடைய முயற்சி செய்யுங்கள். ஏனெனில் இது மூட்டுகளை நெகிழ்வாக வைத்திருக்கவும் கீல்வாதத்தைத் தடுக்கவும் உதவும். அதே போன்று, கீல்வாதம் வருவதற்கான வாய்ப்புகளை நீங்கள் வெகுவாகக் குறைக்க, உங்கள் தினசரி நடைமுறைகளில்  உங்கள் உட்டல் நிலைக்கு ஏற்ற மூட்டு வலிக்கான பயிற்சிகளை செய்வது அவசியம். 50 வயதுக்கு மேற்பட்ட நபர்கள் மூட்டு ஆரோக்கியத்தை பாதிக்கக்கூடிய வகையிலான கடுமையான பயிற்சிகளையோ அல்லது விளையாட்டுக்களையோ விளையாடுவதை தவிர்க்கவும். மருத்துவரின் ஆலோசனைப்படி பயிற்சிகளை செய்வது சிறந்தது. 


மது பழக்கம் மற்றும் புகை பழக்கம்


எலும்புகளில் இருந்து கால்ஷியத்தை குடிப்பழக்கம் மற்றும் புகைபிடித்தல் போன்றவற்றில் சிலருக்கு மூட்டுவலி போன்ற பிற நோய்களும் ஏற்படுகின்றன. இந்த பழக்கங்களை கட்டுப்படுத்துவது அல்லது கைவிடுவது உங்கள் ஒட்டுமொத்த ஆரோக்கியத்தை மேம்படுத்துவதோடு கீல்வாதத்தின் அபாயத்தையும் குறைக்கும்.


உடல் பருமன் மற்றும் மன அழுத்தம் 


மூட்டு ஆரோக்கியம் சிறப்பாக இருக்க உடல் எடை கட்டுக்குள் இருக்க வேண்டும். அதிக எடை உங்கள் எலும்புகளை அதிக அழுத்தத்திற்கு உட்படுத்தலாம், இதனால் உங்களுக்கு மூட்டுவலி ஏற்படும் வாய்ப்புகள் அதிகரிக்கும். மேலும், நாள்பட்ட மன அழுத்தத்தை நிர்வகிக்க வேண்டும், ஏனெனில் மன அழுத்தத்தினால் உடலில் வீக்கம் ஏற்படலாம். இது கீல்வாதத்திற்கு வழிவகுக்கும்.


(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது. அதை ஏற்றுக்கொள்ளும் முன் மருத்துவ ஆலோசனையைப் பெற வேண்டும். ZEE NEWS இதற்கு பொறுப்பேற்காது.)


மேலும் படிக்க | அதிக கால்சியமும் ஆபத்து தான்! தமனிகளில் கால்சியம் படிந்தால் என்ன ஆகும்?


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..


முகநூல் - @ZEETamilNews


ட்விட்டர் - @ZeeTamilNews


டெலிக்ராம் - https://t.me/ZeeTamilNews 


வாட்ஸ்-அப் - https://whatsapp.com/channel/0029Va5XFvI90x2plF9cKY1r


அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ