கண்ணுக்கு கண்ணா கண்களை பாதுகாக்க..... இந்த காய்கள், பழங்களை சாப்பிடுங்க போதும்

Fruits and Vegetables for Good Eyesight: நம் உடலில் உள்ள உறுப்புகளில் கண்களுக்கு முக்கிய இடம் உள்ளது. நாம் இந்த உலகை பார்க்க நமக்கு உதவும் ஜன்னல்களாய் கண்கள் இருக்கின்றன. ஆகையால் கண்களை மிக ஆரோக்கியமாக பார்த்துக்கொள்ள வேண்டியது மிக அவசியமாகும். நம் கண்களை பத்திரமாக பாதுகாக்க நாம் கண்டிப்பாக உட்கொள்ள வேண்டிய சில காய்கள் மற்றும் பழங்கள் பற்றி இந்த பதிவில் காணலாம்.

கேரட் (Carrot)

கேரட் கண் ஆரோக்கியத்திற்கு மிகவும் தேவையான காய்கறிகளில் ஒன்றாகும். இதில் பீட்டா கரோட்டின் என்ற கலவை உள்ளது, இதை நம் உடல் வைட்டமின் ஏ ஆக மாற்றுகிறது. வைட்டமின் ஏ கண்களுக்கு, குறிப்பாக இரவில் பார்க்கும் திறனுக்கு அவசியமானதாக இருக்கின்றது. தினமும் கேரட் சாப்பிட்டால் கண் பார்வை மேம்படும்.

கீரை (Spinach)

கீரை ஒரு பச்சை இலைக் காய்கறி. இதில் லுடீன் மற்றும் ஜியாக்சாண்டின் எனப்படும் ஆண்டிஆக்சிடெண்டுகள் உள்ளன. இந்த ஆன்டிஆக்ஸிடன்ட்கள் தீங்கு விளைவிக்கும் புற ஊதா கதிர்கள் மற்றும் நீல ஒளியில் இருந்து கண்களைப் பாதுகாக்கின்றன. இதுமட்டுமின்றி, கண் ஆரோக்கியத்திற்கு தேவையான வைட்டமின் சி, வைட்டமின் ஈ மற்றும் பீட்டா கரோட்டின் ஆகியவையும் கீரையில் உள்ளதால் இது கண் ஆரோக்கியத்தை பாதுகாக்க மிகவும் உதவியாக இருக்கின்றது.

குடைமிளகாய் (Capsicum)

குடைமிளகாயில் வைட்டமின் சி நிறைந்துள்ளது. இது கண்களுக்கு முக்கியமான ஒரு ஆண்டிஆக்சிடெண்ட் ஆகும். இது கண்களின் நரம்புகளை ஆரோக்கியமாக வைத்து கண்புரை அபாயத்தைக் குறைக்கிறது. இதை கறியாகவும், பிற வகைகளிலும், சாலடிலும் சேர்த்து உட்கொள்ளலாம். 

ப்ரோக்கோலி (Broccoli)

ப்ரோக்கோலியில் லுடீன், ஜீயாக்சாண்டின் மற்றும் வைட்டமின் சி ஆகியவை உள்ளன. இவை கண் ஆரோக்கியத்திற்கு மிகவும் நன்மை பயக்கும். இந்த கூறுகள் ஃப்ரீ ரேடிக்கல்களால் ஏற்படும் சேதத்திலிருந்து கண்களைப் பாதுகாக்க உதவுகின்றன. மேலும் இவை கண்புரை மற்றும் பிற கண் பிரச்சனைகளின் அபாயத்தையும் குறைக்கின்றன.

சர்க்கரை வள்ளிக்கிழங்கு (Sweet Potatoes)
சர்க்கரை வள்ளிக்கிழங்கில் அதிக அளவில் பீட்டா கரோட்டின் உள்ளது. இது கண் ஆரோக்கியத்திற்கு மிகவும் அவசியமானதாகும். இதில் வைட்டமின் ஈ உள்ளது. இது கண்களின் நரம்புகளை ஆரோக்கியமாக வைத்திருப்பதோடு மட்டுமல்லாமல், வயதுக்கு ஏற்ப வரும் பார்வை பிரச்சனைகளை குறைக்கிறது.

நெல்லிக்காய் (Amla)

நெல்லிக்காயில் வைட்டமின் சி அதிகமாக உள்ளது. இது கண் ஆரோக்கியத்திற்கு மிகவும் நன்மை பயக்கும். நெல்லிக்காயை தொடர்ந்து உட்கொள்வது கண்பார்வையை மேம்படுத்துகிறது. மேலும் இது கண் தொடர்பான பிரச்சனைகளின் அபாயத்தைக் குறைக்கிறது. இதை பச்சையாகவோ அல்லது சாறு வடிவிலோ சாப்பிடலாம்.

சிட்ரஸ் பழங்கள் (Citrus Fruits)

ஆரஞ்சு, எலுமிச்சை போன்ற சிட்ரஸ் பழங்களில் வைட்டமின் சி நிறைந்துள்ளது. இது கண்களின் இரத்த நாளங்களை ஆரோக்கியமாக வைத்திருக்க உதவுகிறது. இந்த பழங்களில் உள்ள வைட்டமின் சி கண்புரை அபாயத்தைக் குறைக்கவும் உதவுகிறது. இந்த பழங்கள் கண் ஆரோக்கியத்திற்கும் நன்மை அளிப்பதோடு கண்களை புத்துணர்ச்சியுடனும் வைத்துக்கொள்கின்றன. 

அவுரிநெல்லிகள் மற்றும் பிற பெர்ரி பழங்கள் (Blueberries and Other Berries)

அவுரிநெல்லிகள், ஸ்ட்ராபெர்ரிகள் மற்றும் பிற பெர்ரி பழங்களில் கண் ஆரோக்கியத்திற்கு நன்மை பயக்கும் ஆண்டிஆக்சிடெண்டுகள் மற்றும் வைட்டமின் சி உள்ளன. இவை ஃப்ரீ ரேடிக்கல்களால் ஏற்படும் பாதிப்பிலிருந்து கண்களைப் பாதுகாத்து விழித்திரையை ஆரோக்கியமாக வைக்கிறது. இவை கண்களுக்கு புத்துணர்ச்சியும் அளிக்கின்றன. 

(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!