மூட்டு வலிக்கான வீட்டு வைத்தியங்கள்: மூட்டு வலி பிரச்சனை இந்த நாட்களில் மிகவும் பொதுவானதாகிவிட்டது. மூட்டுவலி பொதுவாக முதுமையின் அறிகுறியாகும், ஆனால் இது வயதானவர்களிடம் மட்டுமல்ல, இளையவர்களிடமும் காணப்படுகிறது. இது மட்டுமின்றி, மோசமான வாழ்க்கை முறையாலும், சரியான உணவுத் திட்டம் இல்லாததாலும், சில சமயங்களில் குழந்தைகளுக்கு கூட மூட்டு வலி போன்ற பிரச்சனைகள் ஏற்படுகின்றன. பலர் மூட்டு வலியால் பாதிக்கப்பட்டுள்ளனர் . எல்லா முட்டு வலியும் நாள்பட்ட நோயுடன் (கீல்வாதம் அல்லது ஆஸ்டியோபோரோசிஸ் போன்றவை) தொடர்புடையது என கூற இயலாது. 


COMMERCIAL BREAK
SCROLL TO CONTINUE READING

மூட்டு வலியைச் சமாளிக்க மக்கள் பெரும்பாலும் வலி நிவாரணிகளை எடுத்துக்கொள்கிறார்கள், இது அவர்களுக்கு தற்காலிக நிவாரணத்தை மட்டுமே தருகிறது. இருப்பினும், சில வீட்டு வைத்தியங்கள் உள்ளன, இதன் உதவியுடன் மூட்டு வலியை நிரந்தர வழியில் படிப்படியாக குணப்படுத்த முடியும். இந்த கட்டுரையில், இதுபோன்ற சில வீட்டு வைத்தியங்களைப் பற்றி இன்று அறிந்து கொள்ளலாம். இதன் உதவியுடன் மூட்டு வலிக்கு சிகிச்சையளிக்க முடியும்.


மூட்டு வலிக்கு சூடான மற்றும் குளிர் ஒத்தடம்


உடலின் எந்த விதமான மூட்டு வலியிலிருந்தும் உடனடி நிவாரணம் பெற எளிதான மற்றும் முதல் வீட்டு வைத்தியம் ஒத்தடம் கொடுப்பது ஆகும். உங்களுக்கு ஏதேனும் மூட்டில் வலி இருந்தால், முதலில் ஐஸ் ஒத்தடம் செய்யுங்கள். ஐஸ் ஒத்தடம் கொடுக்க, நீங்கள் ஒரு துண்டில் ஐஸ் கட்டியை வைத்து கட்டி கொடுக்கலாம். குறைந்தது 10 நிமிடங்களுக்கு ஒத்தடம் கொடுக்க வேண்டும், பின்னர் 15 நிமிட இடைவெளியைக் கொடுத்து, சூடான துண்டினால் ஒத்தடம் கொடுங்கள். ஒரு பாட்டிலில் சூடான நீரை ஊற்றி  கொடுக்கலாம். இப்ப்போது சந்தையில் சூடான ஒத்தடம் கொடுக்க உதவும் வகையில் பல வகையான சாதனங்களும் கிடைக்கின்றன. 


மூட்டு வலியை போக்கும்  மஞ்சள் பால்


மஞ்சள் மற்றும் பால் இரண்டும் மூட்டு வலி மற்றும் வீக்கத்தைக் குறைக்க மிகவும் பயனுள்ளதாக இருக்கும். பாலில் உள்ள கால்சியம் எலும்புகளை வலுவாக்குகிறது, இது மூட்டு வலியைக் குறைக்க உதவுகிறது. அதேசமயம் மஞ்சளில் அழற்சி எதிர்ப்பு பண்புகள் உள்ளன. தினமும் மாலையில், இரவில் பால் குடிக்கும் போது அதில் சிறிது மஞ்சளை கலந்து குடிக்கவும்.


மேலும் படிக்க | சர்க்கரை நோயா... உடல் பருமன் குறையணுமா... ‘இந்த’ சர்க்கரைகளை தாராளமா சாப்பிடலாம்!


மூட்டு வலிக்கு லாவெண்டர் எண்ணெய் மசாஜ்


லாவெண்டர் எண்ணெயைப் பயன்படுத்துவது வலி மற்றும் வீக்கத்தைப் போக்க மிகவும் பயனுள்ளதாக இருக்கும். மூட்டு வலி இருந்தால், ஒரு டீஸ்பூன் லாவெண்டர் எண்ணெயை ஒரு டீஸ்பூன் தேங்காய் எண்ணெயுடன் கலந்து, கைகளால் மிருதுவாக மசாஜ் செய்யவும்.


மூட்டு வலிக்கு கற்பூர எண்ணெய் மசாஜ்


கடுமையான மூட்டு வலியைப் போக்க கற்பூர எண்ணெயைப் பயன்படுத்தலாம், இது உடனடி வலி நிவாரணியாக செயல்படுகிறது. கற்பூர எண்ணெயில் சம அளவு தேங்காய் அல்லது நல்லெண்ணெய் கலந்து மசாஜ் செய்யவும். தேங்காய் எண்ணெய்க்கு பதிலாக கற்பூர எண்ணெயில் நல்லெண்ணெய் கலந்து பயன்படுத்தினால் அதிக பலன் கிடைக்கும்.


மூட்டு வலிக்கு உடற்பயிற்சி மற்றும் ஓய்வு


உடலின் மூட்டுகளின் வலியைப் போக்க, உடற்பயிற்சி மற்றும் ஓய்வும் மிக முக்கியமானதாகக் கருதப்படுகிறது. உங்களுக்கு வலி உள்ள மூட்டுகளுக்கான பயிற்சிகளை தொடர்ந்து செய்ய வேண்டும். அதே சமயம் வலி அதிகம் இருந்தால் மூட்டுக்கு அதிகபட்ச ஓய்வு கொடுக்க வேண்டியது அவசியம். ஆனால்,  உடற்பறிற்சி செய்வது மிகவும் அவசியம். அது வலியை விரைவில் குணப்படுத்த உதவுகிறது.


(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது. அதை ஏற்றுக்கொள்ளும் முன் மருத்துவ ஆலோசனையைப் பெற வேண்டும். ZEE NEWS இதற்கு பொறுப்பேற்காது.)


மேலும் படிக்க | தினமும் வெற்றிலை பாக்கு போட்டால் போதும்... கருத்தரிப்பு மையம் போகவே வேண்டாம்!


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ