Migraine: மைக்ரைன் தலைவலியை ஓட விரட்டும் மெக்னீஷியம்.... சாப்பிட வேண்டிய ‘சில’ உணவுகள்!

ஒற்றைத் தலைவலி (Migraine) என்பது மூளையில் திடீரென ஏற்படும் ஒரு நிகழ்வின் தாக்கமே.  மைக்ரோன் தலைவலி  என்பது உடல் உணர்வுகளில் ஏற்படும் மாற்றங்கள், தீவிரமான தலைவலி, குமட்டல் போன்ற அறிகுறிகளைக் கொண்ட நரம்பியல் தொடர்பான ஒரு நோய். ஒற்றைத் தலைவலி உங்கள் அன்றாட வாழ்க்கையை சீர்குலைக்கும். ஒற்றைத் தலைவலிக்கு பங்களிக்கும் பல்வேறு காரணிகளுடன், மெக்னீசியம் ஒரு முக்கிய பங்கு வகிக்கிறது. தேசிய சுகாதார நிறுவனங்களின் (NIH) அறிக்கைகளில், மெக்னீசியம் குறைபாடு மற்றும் ஒற்றைத் தலைவலிக்கு இடையே நேரடி தொடர்பு உள்ளது என குறிப்பிடப்பட்டுள்ளது. 

மெக்னீசியத்தின் முக்கியத்துவம்

 நரம்பு பரவுதல், தசைச் சுருக்கம் மற்றும் இரத்த நாளங்களின் ஆரோக்கியம் (Health Tips)  உள்ளிட்ட பல்வேறு உடல் செயல்பாடுகளை ஒழுங்குபடுத்துவதற்கு மெக்னீசியம் முக்கியமானது. இந்த அத்தியாவசிய கனிமத்தின் குறைபாடு ஒற்றைத் தலைவலி தாக்குதல்களை தூண்டுகிறது அல்லது அதிகரிக்கலாம். ஒற்றைத் தலைவலியை எதிர்த்துப் போராடுவதற்கான சில பயனுள்ள வீட்டு வைத்தியங்கள் மற்றும் உடலில் மெக்னீசியம் அளவை மேம்படுத்துவதற்கான வழிகளை அறிந்து கொள்ளலாம்

மெக்னீசியம் நிறைந்த உணவுகள்

உடலில் மெக்னீஷியம் சத்தை மேம்படுத்துவதற்கான சிறந்த வழிகளில் ஒன்று, உங்கள் உணவில் மெக்னீசியம் நிறைந்த உணவுகளைச் சேர்ப்பதாகும். கீரை, பாதாம் மற்றும் சூரியகாந்தி விதைகள் போன்ற நட்ஸ் மற்றும் விதைகள், பருப்பு வகைகள், முழு தானியங்கள் மற்றும் சால்மன் போன்ற கொழுப்பு நிறைந்த மீன்கள்   போன்ர உணவுகளில் மெக்னீசியம் ஏராளமாக உள்ளன. இந்த உணவுகள் மெக்னீசியத்தின் சிறந்த ஆதாரங்களாகவும், ஒற்றைத் தலைவலியை நிர்வகிப்பதற்கும் உதவுகின்றன என  தேசிய சுகாதார நிறுவனங்களின் அறிக்கைகள் கூறுகின்றன.

ஊட்டசத்து மாத்திரை

உணவு உட்கொள்ளல் போதுமானதாக இல்லாதபோது, சரியான மெக்னீசியம் அளவைப் பராமரிக்க சப்ளிமெண்ட்ஸ் உதவும் என்று பல ஆய்வுகள் தெரிவிக்கின்றன. இந்த பொருட்கள் ஒற்றைத் தலைவலி ஏற்படுவதைக் குறைக்க உதவுகின்றன. இருப்பினும், மெக்னீசியம் சப்ளிமெண்ட்ஸ் உங்களுக்கு ஏற்றதா என்பதை தீர்மானிக்க உங்கள் மருத்துவரை அணுகுவது முக்கியம்.

போதுமான தண்ணீர்

உடலில் போதுமான நீர்ச்சத்தை பராமரிப்பது தலைவலியை எதிர்த்துப் போராட உதவுகிறது. மெக்னீசியம் நிறைந்த தண்ணீரை உட்கொள்வது மெக்னீஷியம் சத்தை அதிகரிக்கவும் உதவும், உங்களை நீரேற்றமாகவும் வைத்திருக்க உதவும்.

 எப்சம் உப்புக் குளியல்

 எப்சம் உப்புக் குளியல், சருமத்தின் மூலம் மெக்னீசியம் உறிஞ்சுதலை மேம்படுத்தும். இது மேலும் மன அழுத்தத்தை போக்கி ரிலாக்ஸ் உணர்வை தருகிறது. ஒற்றைத் தலைவலி அறிகுறிகளை கட்டுப்படுத்தலாம். குளியல் போது மெக்னீசியம் சல்பேட் (எப்சம் உப்பு) சருமத்தின் வழியாக உறிஞ்சப்படும் மெக்னீசியம் அளவை ஆதரிக்கும் மற்றும் ஒற்றைத் தலைவலியிலிருந்து நிவாரணம் அளிக்கும் என்று ஆராய்ச்சி கூறுகிறது.

மூலிகை தேநீர்: 

இஞ்சி அல்லது கெமோமில் போன்ற மூலிகைகளிலிருந்து தயாரிக்கப்படும் தேநீர் தலைவலியை எதிர்த்துப் போராடுவதற்கும், மனதிற்கு புத்துணர்ச்சி அளிக்கவும் சிறந்ததாக அறியப்படுகிறது. இந்த மூலிகை தேநீர் ஒற்றைத் தலைவலி அறிகுறிகளில் இருந்து நிவாரணம் அளிக்கக்கூடிய சிறந்த சிகிச்சைகளி ஒன்றாக கருதப்படுகிறது.

மன அழுத்தம்:

தசை செயல்பாட்டில் மெக்னீசியம் முக்கிய பங்கு வகிக்கிறது. தசை திசுக்களை ரிலாக்ஸ் நிலையை அடைய உதவுகிறது. உடலில் போதிய மெக்னீசியம் அளவுகள் இல்லாதது மன அழுத்தத்தை அதிகரிக்கலாம், அதே சமயம் அதிக மன அழுத்தம் மெக்னீசியத்தை குறைக்கலாம். போதுமான மெக்னீசியம் அளவை பராமரிக்க மற்றும் ஒற்றைத் தலைவலி ஏற்படுவதை தவிர்க்க நாள்பட்ட மன அழுத்தத்தை நிர்வகிப்பது முக்கியம். மன அழுத்தத்தைக் குறைக்க யோகா, தியானம் அல்லது ஆழ்ந்த சுவாசப் பயிற்சிகள் போன்றவற்றில் ஈடுபடுவது பரிந்துரைக்கப்படுகிறது.

இருப்பினும், குறிப்பிடத்தக்க உணவுமுறை மாற்றங்களைச் செய்வதற்கு முன் அல்லது சப்ளிமெண்ட்களைத் தொடங்குவதற்கு முன், அவை உங்கள் உடல்நலத் தேவைகளுடன் ஒத்துப்போவதை உறுதிசெய்ய மருத்துவரை அணுகி ஆலோசிக்கவும்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!