நரை முடிக்கு டை பயன்படுத்துனா, அப்போ இந்த இயற்கையான டை ட்ரை பண்ணுங்க

இன்றைய காலத்தில் பெரியவர் முதல் சிறியவர் வரை அனைவருக்கும் இந்த நரைமுடி பிரச்சனை இருக்கத் தான் செய்கிறது. அதிலும் சிறுவயது பிள்ளைகளுக்கு இந்த பிரச்சனை பெருமளவு மன உளைச்சலை ஏற்படுத்தி விடுகிறது. அவற்றை மறைக்க, விலையுயர்ந்த ஹேர் கலர் அல்லது டை பூசினாலும் உங்கள் தலைமுடியை நீண்ட நேரம் கருப்பாக வைத்திருக்க முடியவில்லை, மாறாக விலையுயர்ந்த ஹேர் டை முடிக்கு பெரும் சேதத்தை ஏற்படுத்தும், ஆனால் உங்கள் நரை முடியை கருமையாக்கும் இயற்கையான விஷயங்களைப் பற்றி இன்று நாம் காண உள்ளோம், அவற்றை பயன்படுத்தினால் கட்டாயம் நரை முடி பிரச்சனையில் இருந்து விடுபடலாம்.

ஹேர் கலர் சாயங்களில் முடிக்கு எல்லா வகையிலும் தீங்கு விளைவிக்கும் ரசாயனங்கள் அதிகமாக உள்ளது. அந்தவகையில் மருதாணியுடன் சில பொருட்களை கலந்து வீட்டிலேயே மிகவும் பயனுள்ள முடி நிறத்தை உருவாக்கலாம், இது முடிக்கு கருப்பு அல்லது பழுப்பு நிறத்தை கொடுப்பதோடு, முடியின் தரத்தையும் மேம்படுத்துகிறது, எனவே இந்த ஹேர் கலரை எவ்வாறு தயாரிப்பது என்று பார்ப்போம்.

இந்த பொருட்களைக் கொண்டு நான்கு வகையான இயற்கை முடி சாயத்தை உருவாக்குங்கள்

1- முதலில் ஒரு கடாயை எடுத்து ஒரு கிளாஸ் தண்ணீர், ஒரு டீஸ்பூன் நெல்லிக்காய் தூள், 4 தேக்கரண்டி மஞ்சள் தூள், 1 தேக்கரண்டி இலவங்கப்பட்டை தூள், 1 தேக்கரண்டி காபி தூள் மற்றும் நான்கு தேக்கரண்டி பீட்ரூட் சாறு மற்றும் தேயிலை இலைகளை சேர்க்கவும். இப்போது இந்த கலவையை நன்றாக கொதிக்க வைக்கவும். கெட்டியானதும் அதில் எலுமிச்சை சாறு கலந்து கேஸை அணைக்கவும். ஆறியதும் மருதாணியுடன் கலந்து, இந்த பேக்கை தலைமுடியில் சுமார் 1 மணி நேரம் விட்டு, பின் வெந்நீரில் கழுவவும். இந்த பேக் உங்களுக்கு கட்டாயம் பயனுள்ளதாக இருக்கும்.

2: உங்கள் தலைமுடிக்கு இயற்கையாகவே டார்க் பிரவுன் நிறத்தை கொடுக்க விரும்பினால், இதற்காக நீங்கள் 2 டீஸ்பூன் தேயிலை இலைகள் மற்றும் காபியை சம அளவு ஒரு கிளாஸ் தண்ணீரில் கொதிக்க வைக்க வேண்டும். கொதி வந்ததும், ஒரு ஸ்பூன் நெல்லிக்காய் தூள் மற்றும் ஐந்து முதல் ஆறு கிராம்பு சேர்த்து கொதிக்க வைக்கவும், அதன் பிறகு ஒரு கிண்ணத்தில் அரை கிண்ணம் மஞ்சள் மற்றும் ஒரு கிண்ணம் மருதாணி கலந்து, அதனுடன் தண்ணீர் சேர்த்து பேஸ்ட் செய்யவும். இதைப் பயன்படுத்துவதன் மூலம், முடி ஆழமான நிறத்தைப் தருகிறது. 1 மணி நேரம் கழித்து முடியை சாதாரண நீரில் கழுவவும்.

3: இந்த ஹேர் மாஸ்க்கை உருவாக்க, ஒரு இரும்பு பாத்திரத்தை எடுத்து அதில் ஒரு கிளாஸ் தண்ணீரை ஊற்றவும். இப்போது இரண்டு ஸ்பூன் கேட்சு பவுடர், நான்கு ஸ்பூன் நெல்லிக்காய் தூள் மற்றும் நான்கைந்து கிராம்பு சேர்த்து கொதிக்க வைக்கவும். கொதிக்க ஆரம்பித்ததும் கேஸை அணைத்துவிட்டு, ஆறியதும் மருதாணியுடன் கலந்து தலைமுடியில் தடவவும். 1 மணி நேரம் கழித்து முடியைக் கழுவவும். இது உங்கள் நரை முடிகள் அனைத்தையும் மறைத்து, அவற்றை பளபளப்பாக மாற்றும்.

4: உங்கள் தலைமுடி மிகவும் வெள்ளையாக இருந்தால், மருதாணி-இண்டிகோவைக் கொண்டு பேஸ்ட் செய்ய வேண்டும். இதற்கு ஒரு நாள் முன்பு மருதாணியை தலையில் தடவவும். மருதாணியில் தேயிலை இலைகள், காபி மற்றும் பீட்ரூட் சாறு கலக்கவும். இந்த பேஸ்ட்டினால், முடி முழுவதுமாக சிவந்து, மறுநாள் இரண்டு ஸ்பூன் மருதாணி மற்றும் இண்டிகோ பவுடரை கலந்து, வெதுவெதுப்பான நீரில் பேஸ்ட் செய்து, 5 நிமிடம் மூடி வைத்து, உடனே இந்த பேஸ்ட்டை 1 மணி நேரம் தடவவும். பின்னர் சாதாரண நீரில் கழுவவும். முடி கருப்பாக தெரிய ஆரம்பிக்கும்.

(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது. அதை ஏற்றுக்கொள்ளும் முன் மருத்துவ ஆலோசனையைப் பெற வேண்டும். ZEE NEWS இதற்கு பொறுப்பேற்காது.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ