சர்க்கரை வள்ளிக்கிழங்கு.... இந்த பிரச்சனைகள் இருந்தால் கொஞ்சம் தள்ளியே இருங்க

Side Effects of Sweet Potato: சர்க்கரை வள்ளிக்கிழங்கு இனிப்பாக இருப்பதோடு, ஊட்டச்சத்துக்கள் பலவற்றை கொண்டுள்ளது. வைட்டமின் ஏ, டி, சி, பொட்டாசியம், மெக்னீசியம், இரும்புச்சத்து போன்ற ஏராளமான ஊட்டச்சத்துக்கள் இதில் உள்ளன. சர்க்கரை வள்ளிக்கிழங்கை காலையில் உட்கொண்டால், அது ஆரோக்கியத்திற்கு மிகவும் நன்மை பயக்கும். ஏனென்றால், இதில் சிக்கலான கார்போஹைட்ரேட்டுகள் உள்ளன. இது உடலுக்கு நீண்ட நேரம் ஆற்றலைக் கொடுக்கும். நாள் முழுவதும் சிறந்த புத்துணர்ச்சியுடன் இருக்க ஏற்ற உணவு.

சர்க்கரை வள்ளிக்கிழங்கு நார்ச்சத்து நிறைந்த காய்கறி என்பதால் செரிமானத்தையும் சீராக வைக்கிறது. இதனை உட்கொள்வதால் நோய் எதிர்ப்பு சக்தி அதிகரித்து உடலை நோய்களில் இருந்து பாதுகாக்கிறது. உடல் நலத்திற்கு அற்புதமான பலன்களை கொடுக்கக் கூடியது என்றாலும், இந்த காய்கறியை சில உடல் நல பிரச்சனை இருப்பவர்கள் உட்கொண்டால், பிரச்சனை தீவிரமாகும். சில நோய்களால் பாதிக்கப்பட்டவர்கள், சர்க்கரை வள்ளிக்கிழங்கு (Sweet Potato) சாப்பிடுவது உடலில் எதிர்மறையான விளைவுகளை ஏற்படுத்துகிறது. இது குறித்து விரிவாக அறிந்து கொள்ளலாம்

சிறுநீரக நோயாளிகள் (Kidney Issues)

சிறுநீரகம் தொடர்பான பிரச்சனை உள்ளவர்கள் சர்க்கரை வள்ளிக்கிழங்கை சாப்பிடவே கூடாது. இதில் ஆக்சலேட்டுகள் உள்ளன, இது சிறுநீரக கற்கள் அபாயத்தை அதிகரிக்கும். எனவே, உங்களுக்கு ஏதேனும் சிறுநீரக பிரச்சனை இருந்தால், இந்த காய்கறியை தவிர்க்க வேண்டியது அவசியம்.

இதய நோய்கள் (Heart Problems)

சர்க்கரை வள்ளிக்கிழங்கில் அதிக அளவு பொட்டாசியம் உள்ளது. இதயத்திற்கு அவசியம் என்றாலும், அளவிற்கு அதிக பொட்டாசியம் உட்கொள்வது ஹைபர்கேமியா அல்லது பொட்டாசியம் நச்சுத்தன்மை ஏற்பட வழி வகுக்கும். இது சில சமயங்களில் மாரடைப்பு அபாயத்தை ஏற்படுத்துகிறது. எனவே, இது இதய நோயாளிகளின் பிரச்சனைகளை அதிகரிக்கும். இதயம் சம்பந்தமான பிரச்சனைகள் இருப்பவர்கள் மற்றும் மருந்துகளை உட்கொள்பவர்கள், மருத்துவர் ஆலோசனை இல்லாமல் தவறுதலாகக் கூட சர்க்கரை வள்ளிக்கிழங்குகளை சாப்பிடக்கூடாது.

செரிமான பிரச்சனை (Digestion Issues)

உங்கள் செரிமானம் பலவீனமாக இருந்தால் சாப்பிட வேண்டாம். பலவீனமான செரிமானம் உள்ளவர்கள் இதை சாப்பிட்டால், அவர்கள் வாயு பிரச்சனையை சந்திக்க நேரிடும். பலவீனமான செரிமானம் உள்ளவர்கள் சர்க்கரை வள்ளிக் உருளைக்கிழங்கை உட்கொண்டால், அது அவர்களின் உடலை விஷம் போல பாதிக்கும். இந்த காய்கறியை சாப்பிடுவதால் வாயு, அமிலத்தன்மை மற்றும் அஜீரணம் போன்ற பிரச்சனைகள் ஏற்படும். 

உடல் பருமன் (Obesity)

உடல் எடை அதிகம் உள்ளவர்கள், உடல் எடையை குறைக்க (Weight Loss Tips) நினைப்பவர்கள் அதிக கலோரிகள் மற்றும் கார்போஹைட்ரேட்டுகள் நிறைந்த சர்க்கரை வள்ளிக் கிழங்கை அளவோடு சாப்பிட வேண்டும். ஏனெனில் இதனால், உடல் பருமன் மேலும் அதிகரிக்கலாம்.

தலைவலி மற்றும் சருமப் பிரச்சினைகள் (Skin Issues)

சர்க்கரை வள்ளிக்கிழங்கில் பீட்டா கரோட்டின் என்னும் விட்டமின் ஏ அதிகம் உள்ளது. இது கண் ஆரோக்கியத்திற்கு மிக அவசியம். எனினும், தலைவலி மற்றும் அரிப்பு போன்ற சருமப் பிரச்சினைகள் இருப்பவர்கள் இதனை உட்கொண்டால், பிரச்சனை அதிகரிக்கலாம்.

(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!