புதுடெல்லி: தைராய்டு என்பது, கழுத்தின் நடுவில் அமைந்துள்ள ஒரு சிறிய பட்டாம் பூச்சி வடிவிலான சுரப்பி. இது ஒரு சிறிய உறுப்பு என்றாலும், நம் உடல் செயல்பாடுகளில் முக்கிய பங்கு வகிக்கிறது. தவறான வாழ்க்கை முறை மற்றும் உணவுப் பழக்கவழக்கங்கள் தைராய்டு பிரச்சனையை அதிகரிக்கின்றன. 


COMMERCIAL BREAK
SCROLL TO CONTINUE READING

தைராய்டு நோய்களில் இரண்டு முக்கிய வகைகள் உள்ளன. அவை ஹைப்போ தைராய்டிசம் என்னும் குறைவான ஹார்மோன்கள் உற்பத்தி நிலை, மற்றும் ஹைப்பர் தைராய்டிசம் என்னும் அதிக ஹார்மோன்கள் உற்பத்தி நிலை ஆகும். 


தைராய்டு பிரச்சனைகளுக்கும் உணவு முறைக்கும் இடையே உள்ள தொடர்பு உள்ளது. தைராய்டு சுரப்பியை நிர்வகிப்பதில் மருந்துகளுடன் ஊட்டச்சத்து நிறைந்த மற்றும் சமச்சீர் உணவு பயனுள்ளதாக இருக்கும். தைராய்டு பிரச்சனையில், அயோடின், கால்சியம் மற்றும் வைட்டமின் டி நிறைந்த உணவு அவசியம். சரியான மருந்துகளுடன் நீங்கள் ஊட்ட சத்து நிறைந்த உணவுகளை சாப்பிடும் போது, தைராய்டு பிரச்சனைகளால் ஏற்படும் அறிகுறிகளைக் குறைகின்றன. தைராய்டு பிரச்சனையில் சில பழங்களை சாப்பிடுவது நன்மை பயக்கும் என வல்லுநர்கள் கருதுகின்றனர்.


ALSO READ | நாக்கின் நிறமும் ஆரோக்கியமும்; ‘இந்த’ நிறங்கள் தீவிர நோயின் எச்சரிக்கை மணி!


1. ஆப்பிள்
தைரய்டு பிரச்சனை உள்ளவர்கள் ஆப்பிள் பயனுள்ளதாக இருக்கும். தினமும் ஒரு ஆப்பிள் சாப்பிடுவது உடல் எடையை குறைக்க உதவும். இரத்தத்தில் உள்ள சர்க்கரையின் அளவைக் கட்டுப்படுத்தப்படும் என்பதோடு, தைராய்டு சுரப்பியும் சரியாக வேலை செய்யும். ஆப்பிளை உட்கொள்வது உடலில் உள்ள நச்சுத்தன்மை வெளியேறுவதன் காரணமாக தைராய்டு சுரப்பி சரியாக செயல்பட முடியும் என ஆய்வுகள் தெரிவிக்கின்றன. ஆப்பிள் சாப்பிடுவது கொலஸ்ட்ரால் அளவைக் குறைக்கவும் உதவுகிறது. நீரிழிவு, உடல் பருமன் மற்றும் இதய நோய்களில் இருந்து உங்களைப் பாதுகாக்கும்.


2. பெர்ரி


பெர்ரிகளில் ஆன்டி-ஆக்ஸிடன்ட்கள் நிறைந்துள்ளன. தைராய்டு ஹார்மோன் உற்பத்தியை சீர் செய்து தைராய்டு சுரப்பியின் செயல்பாட்டை மேம்படுத்துகிறது. பெர்ரிகளில் அதிக அளவிலான வைட்டமின்கள் மற்றும் தாதுக்கள் உள்ளன. இது நீரிழிவு நோயாளிகளுக்கும் நன்மை பயக்கும். தைராய்டு பிரச்சனை உள்ள நோயாளிகள் இரத்த சர்க்கரை மற்றும் எடை அதிகரிப்பு போன்ற பிரச்சனைகளை சந்திக்க நேரிடும். எனவே, ஸ்ட்ராபெர்ரி, ப்ளூபெர்ரி மற்றும் பிளம்ஸ் போன்றவற்றை உணவில் சேர்த்துக் கொள்ளுங்கள்.


ALSO READ | Kidney Health: சிறுநீரகத்தை டேமேஜ் செய்யும் இந்த '5' உணவுகளை தவிர்க்கலாமே..!!


3. ஆரஞ்சு
ஆரஞ்சு பழத்தில் அதிக அளவு வைட்டமின் சி மற்றும் ஆன்டிஆக்ஸிடன்ட்கள் உள்ளன. ஆரஞ்சுகளை உட்கொள்வது ஃப்ரீ ரேடிக்கல்களை நடுநிலையாக்குவதால் செல்கள் மேலும் சேதமடையாமல் பாதுகாக்கும். ஃப்ரீ ரேடிக்கல்கள் தைராய்டு சுரப்பியின் வீக்கத்தை ஏற்படுத்தும். இது தைராய்டு சுரப்பியின் செயல்பாட்டை பாதிக்கிறது. ஆரஞ்சு பழத்தில் உள்ள வைட்டமின் சி நோய் எதிர்ப்பு சக்தியை அதிகரிக்கிறது. இது இரத்த சர்க்கரையை சீராக்குவதுடன், கொலஸ்ட்ராலையும் கட்டுப்படுத்துகிறது.


4. அன்னாசி


அன்னாசிப்பழத்தில் அதிக அளவு வைட்டமின் சி மற்றும் மாங்கனீசு உள்ளது. இந்த இரண்டு ஊட்டச்சத்துக்களும் உங்கள் உடலை ஃப்ரீ ரேடிக்கல் சேதத்திலிருந்து பாதுகாக்கின்றன. அன்னாசிப்பழத்தில் வைட்டமின் பி உள்ளதால் தைராய்டு பிரச்சனைகளினால் ஏற்படும் சோர்வை நீக்குகிறது. இது மலச்சிக்கல் பிரச்சனையை போக்கவும் உதவியாக இருக்கும்.


(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது. அதை ஏற்றுக்கொள்வதற்கு முன், கண்டிப்பாக மருத்துவ ஆலோசனையைப் பெறுங்கள். ZEE NEWS இதை உறுதிப்படுத்தவில்லை.)


ALSO READ | Omicron: ஒமிக்ரானில் இருந்து காக்கும் ‘5’ எளிய ஆயுர்வேத நடைமுறைகள்..!!


உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.


முகநூலில் @ZEETamilNews மற்றும் டிவிட்டரில் @ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!


Android Link - https://bit.ly/3hDyh4G


Apple Link - https://apple.co/3loQYeR