உடல் எடை எகிறுதா? இப்படி பண்ணி பாருங்க.. ஜிம் போகாமலேயே ஜம்முனு குறைக்கலாம்!!

எடை இழப்பு குறிப்புகள்: நம்மில் பலர் உடல் எடை அதிகரிப்பால் அவதிப்படுகிறோம். உடல் எடையை குறைக்க பல வித முயற்சிகளை மேற்கொள்கிறோம். நீங்கள் என்ன சாப்பிடுகிறீர்கள் என்பது எவ்வளவு முக்கியமோ, எப்போது சாப்பிடுகிறீர்கள் என்பதும் அவ்வளவு முக்கியம்தான். அதிகரித்து வரும் எடையைக் குறைக்க நம்மில் பலர் மிகவும் கடினமாக முயற்சி செய்கிறோம். ஆனால் எவ்வளவு முயற்சி செய்தாலும், விரும்பிய பலனை அடைய முடிவதில்லை. எனினும், உடற்பயிற்சியுடன் சில இயற்கையான வழிகளின் மூலமும் உடல் எடையை எளிதாக குறைக்கலாம். அப்படி சில எளிய இயற்கையான வழிகளை பற்றி இந்த பதிவில் காணலாம்.

இன்றைய பிஸியான உலகில், அதிகரிக்கும் உடல் எடையை கட்டுப்படுத்துவது மிகவும் ஒரு கடினமான பணியாக உள்ளது. இதைக் கருத்தில் கொண்டு, நீங்கள் எளிதாக செய்யும் வகையில், வீட்டில் இருந்தபடியே எடையை குறைக்க சில வழிமுறைகளை இங்கே காணலாம். ஜிம் செல்ல நேரம் ஒதுக்க முடியாதவர்களுக்கு இந்த வழிமுறைகள் மிக உதவியாக இருக்கும். 

கலோரி பற்றாக்குறையை உருவாக்கவும்: 

குறைவான கலோரிகளை உட்கொள்ளும்போது எடை இழப்பு ஏற்படுகிறது. உங்கள் வயது, எடை, உயரம் மற்றும் தொழில் ஆகியவற்றின் அடிப்படையில் உங்கள் தினசரி கலோரி தேவையை சரிபார்க்கவும். இதைச் செய்ய, உங்கள் உணவிற்கான ஒரு உணவு குறிப்பு அல்லது மொபைல் செயலியைப் பயன்படுத்தி உங்கள் கலோரி அளவைக் கண்காணிக்கவும். உங்கள் தினசரி உட்கொள்ளலை விட சற்று குறைவான கலோரிகளை உட்கொண்டு மூலம் கலோரி பற்றாக்குறையை உருவாக்குவதை நோக்கமாகக் கொள்ளுங்கள்.

சமச்சீரான உணவை உண்ணுங்கள்: 

பழங்கள், காய்கறிகள், முழு தானியங்கள், புரதம் ஆகிய  அனைத்தையும் சேர்த்து உங்கள் உணவை ஒரு சமச்சீரான உணவாக்குங்கள். இப்படி சாப்பிடுவது வயிற்றை நீண்ட நேரம் நிரம்பிய உணர்வுடன் வைத்திருக்கும். மேலும் இந்த வகையான உணவு அத்தியாவசிய ஊட்டச்சத்துக்களையும் வழங்கும். மேலும் சர்க்கரையை குறைவாக சாப்பிடுங்கள், அதற்கு பதிலாக இயற்கை சர்க்கரை கொண்ட உணவுகளை சாப்பிடுங்கள்.

அளவு கட்டுப்பாட்டைப் பயிற்சி செய்யுங்கள்: 

அதிகமாக சாப்பிடுவதைத் தவிர்க்க, உங்கள் உணவை பகுதிகளாக சாப்பிடுங்கள். இதனுடன், நீங்கள் சிறிய தட்டுகள் மற்றும் கிண்ணங்களைப் பயன்படுத்தலாம், இதனால் குறைந்த உணவை உட்கொள்வதில் உதவி கிடைக்கும். பசிக்கும் போது பழங்களை உண்ணுங்கள்

போதுமான அளவு தண்ணீர் உட்கொள்ளுங்கள்: 

போதுமான அளவு தண்ணீர் குடிப்பது எடையைக் குறைக்க உதவும். சில நேரங்களில் நாம் தாகத்தை பசி என்று தவறாக நினைக்கிறோம், இது தேவையற்ற சிற்றுண்டிகளை நாம் உண்ண வழிவகுக்கிறது. உங்கள் பசியைக் கட்டுப்படுத்த நாள் முழுவதும் அதிக அளவு தண்ணீர் குடிக்கவும். உணவுக்கு முன் தண்ணீர் குடித்து உங்களை ஹைட்ரேட் செய்துகொள்வது நல்லது. 

வழக்கமான உடல் செயல்பாடு: 

உங்கள் தினசரி பழக்கத்தில் யோகா மற்றும் உடற்பயிற்சியை சேர்த்துக் கொள்ளுங்கள். தினசரி நடைப்பயிற்சி, ஜாகிங், சைக்கிள் ஓட்டுதல், நடனம் ஆடுதல் அல்லது ஆன்லைன் ஒர்க்அவுட் வீடியோக்களைப் பார்த்து அப்படியே செய்வது மற்றும் யோகா செய்வது ஆகியவை கொழுப்பை வேகமாகக் குறைக்கவும் அதே நேரத்தில் எடை கூடாமல் இருக்கவும் உதவுகிறது.

செயல்பாடில்லாத வாழ்க்கை முறையை தவிர்க்கவும்: 

ஒரே இடத்தில் அமர்ந்திருக்கும் நேரத்தை குறைக்கவும். உங்கள் பணி நிமித்தமாக நீங்கள் நீண்ட நேரம் அமர்ந்திருக்க வேண்டிய அவசியம் ஏற்பட்டால், இடையிடையே சிறிய பிரேக் எடுத்து சிறிது தூரம் நடந்துவிட்டு வாருங்கள். கை கால்களை நீட்டி மடக்கி, லேசான உடற்பயிற்சிகளை செய்வதும் பலன் அளிக்கும். 

போதுமான உறக்கம் அவசியம்: 

போதுமான உறக்கத்துக்கு முன்னுரிமை கொடுங்கள். ஏனெனில் இது எடை நிர்வாகத்தில் முக்கிய பங்கு வகிக்கிறது. தூக்கமின்மை பசியின்மை ஒழுங்குமுறை தொடர்பான ஹார்மோன்களை சீர்குலைக்கும். இது அதிகரித்த பசி மற்றும் அதிகப்படியான உணவு உட்கொள்ளலுக்கு வழிவகுக்கும். தினமும் இரவில் 7-9 மணி நேரம் உறங்குவதை வழக்கமாக்கிக் கொள்ளுங்கள். 

மன அழுத்தத்தை நிர்வகித்தல்: 

மன அழுத்தத்தின் விளைவுகள் அதிகமாக உண்பதற்கு வழிவகுக்கும். மேலும் இது எடை குறைப்பு முயற்சிகளுக்கு இடையூறு விளைவிக்கும். மன அழுத்தத்தைக் குறைப்பதற்கான ஆரோக்கியமான வழிகளைக் கண்டறியவும், அதாவது நினைவாற்றலை அதிகரிக்கும் பயிற்சிகள், ஆழ்ந்த சுவாசப் பயிற்சிகள், யோகா, அல்லது உங்களை அமைதிப்படுத்தும் பொழுதுபோக்குகள் மற்றும் செயல்பாடுகளில் ஈடுபடுவது நல்ல பலன்களை அளிக்கும். 

(பொறுப்புத் துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை ஏற்றுக்கொள்ளும் முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ