அசத்தலான ஆரோக்கிய நன்மைகளை அள்ளித்தரும் தக்காளி: கண்டிப்பா சாப்பிடுங்க

Health Tips: பருவகால பழங்கள் மற்றும் காய்களை உட்கொள்வது நம் உடல் ஆரோகியத்திற்கு மிக நல்லது. இவை அந்தந்த பருவ காலத்திற்கு ஏற்ற ஊட்டச்சத்துகளையும், நோய் எதிர்ப்பு சக்தியையும் நம் உடலுக்கு அளிக்கின்றன். தற்போது குளிர் காலம் துவங்கிவிட்டது. இந்த காலத்தில் நமது உடல் ஆரோக்கியத்தை பேண சில காய்களை கண்டிப்பாக உட்கொள்ள வேண்டும். குளிர்காலத்தின் பிரத்யேகமாக கிடைக்கும் சில காய்கள் நம் உணவின் சுவையை அதிகரிப்பதோடு நம்மை ஆற்றலோடும் இருக்கச்செய்கின்றன. ஆனால், சில காய்கள் வருடத்தின் அனைத்து பருவங்களிலும் கிடைத்தாலும் இவற்றை குளிர்காலத்தில் உட்கொள்வது நமது ஆரோக்கியத்திற்கு அதிக நன்மை தரும். அவற்றில் ஒன்றை பற்றி இந்த பதிவில் காணலாம். 

பச்சை தக்காளியின் நன்மைகள் (Health Befits of Raw Tomatoes)

தக்காளியை பச்சையாக சாப்பிடுவதால் உடலுக்கு பல நன்மைகள் கிடைக்கும். தக்காளியில் வைட்டமின் சி மற்றும் ஆன்டிஆக்ஸிடன்ட்கள் நிறைந்துள்ளன. எனவே, குளிர்காலத்தில் இதை சாப்பிடுவதால் உடலுக்கு அதிக நன்மைகள் கிடைக்கும். குளிர்காலத்தில் தக்காளியை பச்சையாக சாப்பிட்டால், உடலில் நீர்ச்சத்து அதிகமாகும். இது உடலுக்கு ஏராளமான பன்முக ஊட்டச்சத்துக்களை வழங்குகிறது. குளிர்காலத்தில் தக்காளியை பச்சையாக சாப்பிடுவதால் பல நன்மைகள் கிடைக்கின்றன.

தினமும் தக்காளியை பச்சையாக சாப்பிடுவதால் கிடைக்கும் நன்மைகள்

இதயத்திற்கு நன்மை பயக்கும்

தக்காளியில் (Tomato) லைகோபீன் நிறைந்துள்ளது. இதில் உள்ள ஆன்டிஆக்ஸிடன்ட்கள் இதய நோய்க்கு மிகவும் நல்லது. இது இதய நோய் அபாயத்தை 14 சதவீதம் குறைக்கிறது. இரத்தத்தில் உள்ள கொலஸ்ட்ரால் மற்றும் ட்ரைகிளிசரைடுகளை குறைக்கிறது. மேலும் உடலில் HDL கொலஸ்ட்ராலை அதிகரிக்கிறது. இதனால் இது இதய நோய் அபாயத்தைக் குறைக்கிறது.

நீரிழிவு நோயில் நன்மை பயக்கும்

சர்க்கரை நோயாளிகள் தினமும் 1 தக்காளியை பச்சையாக சாப்பிட வேண்டும். தக்காளியில் உள்ள லைகோபீன் இன்சுலின் செல்களை மேம்படுத்துகிறது. இது செல்களை உடையாமல் பாதுகாக்கிறது. மேலும் உடலில் ஏற்படும் வீக்கத்தையும் குறைக்கிறது. இதன் மூலம் உடலின் நோய் எதிர்ப்பு சக்தி வலுப்பெறும். தக்காளி உங்கள் உடலின் நார்ச்சத்து வளர்சிதை மாற்றத்தை அதிகரிக்கிறது. மேலும் இது நீரிழிவு நோயையும் குறைக்கிறது.

தக்காளி நோய் எதிர்ப்பு சக்தியை அதிகரிக்கும்

தக்காளி சாற்றில் வைட்டமின் சி அதிகம் உள்ளது. இதில் பீட்டா கரோட்டின் உள்ளது, இது உங்கள் நோய் எதிர்ப்பு சக்தியை பலப்படுத்துகிறது. ஒரு ஆய்வின் படி, தக்காளி நோய் எதிர்ப்பு சக்தியை அதிகரித்து பல நோய்களிலிருந்து நம்மை பாதுகாக்கிறது. இது வைரஸைத் தடுக்கும் இயற்கையான செல்களைக் கொண்டுள்ளது.

மலச்சிக்கலைத் தடுக்க உதவும்

பச்சை தக்காளியில் (Raw Tomato) ஏராளமான ஊட்டச்சத்துக்கள் உள்ளன. இதில் நார்ச்சத்து அதிகம் உள்ளது. தக்காளியில் கரையக்கூடிய மற்றும் கரையாத கலவைகள் உள்ளன, இது வளர்சிதை மாற்றத்தை துரிதப்படுத்துகிறது. மேலும் இது மலச்சிக்கல் பிரச்சனையை குறைக்க உதவுகிறது. ஆகையால் தினமும் ஒரு தக்காளி சாப்பிடுவது ஆரோக்கியத்திற்கு நன்மை பயக்கும்.

(பொறுப்பு துறப்பு: அன்புள்ள வாசகரே, எங்கள் செய்திகளைப் படித்ததற்கு நன்றி. இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!