யூரிக் அமிலத்தை வெளியேற்றும் ஆற்றல் கொண்ட கோதுமை புல் ஜூஸ்... தயாரிக்கும் முறை!

Uric Acid Home Remedies: இன்றைய காலகட்டத்தில், அதிக யூரிக் அமில பிரச்சனை முதியவர், இளையவர் என்ற பாரபட்சம் இல்லாமல் எல்லோருக்கும் உள்ள பிரச்சனையாக காணப்படுகிறது. அதற்குப் பின்னால் உள்ள முக்கிய காரணம் மோசமான வாழ்க்கை முறை மற்றும் தவறான உணவுப் பழக்கம். இது மிகவும் கடுமையான வலியை ஏற்படுத்தக்கூடிய பிரச்சனை. இதன் காரணமாக மூட்டுகள், முழங்கால்கள் மற்றும் விரல்கள் மற்றும் கால்விரல்களில் கடுமையான வலியை எதிர்கொள்ள வேண்டியிருக்கும்.

யூரிக் அமிலம் என்பது ஒரு வகையான கழிவுப் பொருளாகும். இது உடலில் இருந்து வெளியேற்றப்படாமல், உடலில் சேரத் தொடங்கும் போது, ​​​​அது பல கடுமையான பிரச்சினைகளை ஏற்படுத்தத் தொடங்குகிறது. அவை மூட்டுக்களின் இடையே படிமங்களாக மாறி, வலியை ஏற்படுத்தும். அப்படிப்பட்ட நிலையில், உடலில் தேங்கியுள்ள யூரிக் அமிலத்தை வெளியேற்றும் ஆற்றல் பெற்ற ஒரு சூப்பரான சாறு பற்றி இன்று அறிந்து (Health Tips) கொள்ளலாம்.

யூரிக் அமிலத்தை வெளியேற்றும் கோதுமை புல் ஜூஸ்

யூரிக் அமிலத்தை உடலி இருந்து வெளியேற்றி கட்டுப்படுத்தவும், கீல்வாத வலியில் இருந்து நிவாரணம் பெறவும் கோதுமை புல் சாறு உங்களுக்கு உதவும் என ஆயுர்வேதத்தில் குறிப்பிடப்பட்டுள்ளது. இதுமட்டுமின்றி, வைட்டமின் பி, வைட்டமின் ஈ, வைட்டமின் கே, துத்தநாகம், கால்சியம், அயோடின் மற்றும் மக்னீசியம் போன்ற அத்தியாவசிய ஊட்டச்சத்துக்கள் இதில் ஏராளமாக உள்ளன. குளுதாதயோன் போன்ற ஆன்டிஆக்ஸிடன்ட்கள் இதில் காணப்படுகின்றன. அதிக அளவு குளோரோபில் இருப்பதால், இது 'பச்சை இரத்தம்' என்றும் அழைக்கப்படுகிறது. இது ஹீமோகுளோபின் போலவே செயல்பட்டு உடலின் அனைத்து பகுதிகளுக்கும் ஆக்ஸிஜன் சப்ளையை மேம்படுத்துகிறது.

கோதுமை புல் ஜூஸ்  தயாரிக்கும் முறை

கோதுமை புல்லை காய வைத்து பொடி செய்து வைத்துக் கொண்டு, அதனை ஒரு கிளாஸ் தண்ணீரில் இரண்டு ஸ்பூன் கோதுமைப் பொடியைச் சேர்த்து நன்றாகக் கலக்கவும். உங்கள் கோதுமைப் புல் சாறு தயார். இது தவிர, பிரெஷ்ஷான கோதுமைப் புல்லை எடுத்து ஒரு கிளாஸ் தண்ணீரில் கலந்து அரைத்து சாறு தயாரிக்கலாம்.

கோதுமை புல் ஜூஸை எடுத்துக் கொள்ளும் சரியான முறை

கோதுமை புல் சாற்றின் முழு பலனைப் பெற, அதை உட்கொள்ளும் சரியான வழியை தெரிந்து கொள்ள வேண்டும். அதுமட்டுமின்றி, கோதுமைப் புல் ஜூஸ் குடிக்கும் போது சில முக்கிய விஷயங்களில் கவனம் செலுத்துவதும் அவசியம். முதலில், இந்த சாற்றை பிரெஷ்ஷாக தயாரித்து குடிக்கவும், இரண்டாவதாக, ஜூஸ் தயாரித்த பிறகு, அதை வடிகட்டிய பிறகு தான் குடிக்க வேண்டும். வடிகட்டாமல் குடிக்க கூடாது.

கோதுமை புல் சாற்றின் பிற நன்மைகள்

புற்றுநோய் செல்களை அழித்தும், அதனை வராமல் தடுக்கும் ஆற்றல் கோதுமை புல் ஜூஸுக்கு உண்டு. கோதுமைப் புல்லில் பல வைட்டமின்கள், தாதுக்கள், அமினோ அமிலங்கள் மற்றும் அத்தியாவசிய நொதிகள் உள்ளன. இதனால்தான் இது புற்றுநோய் எதிர்ப்பு மருந்து என்று அழைக்கப்படுகிறது. கூடுதலாக, கோதுமைப் புல் சாறு குடிப்பது பல் சிதைவைத் தடுக்கவும், உயர் இரத்த அழுத்தத்தைக் குறைக்கவும், மூட்டுவலி வலியைக் குறைக்கவும், சளி தொல்லைக்கு சிகிச்சையளிக்கவும், குமட்டலைப் போக்கவும் உதவும்.

(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!