பாகிஸ்தானின் எந்தவொரு தவறான செயலும் இந்தியாவில் இருந்து தண்டனைக்குரிய பதிலுடன் முறியடிக்கப்படும் என்று இந்திய ராணுவ தலைமை ஜெனரல் பிபின் ராவத் எச்சரித்தார்.


COMMERCIAL BREAK
SCROLL TO CONTINUE READING

கார்கில் போரின் 20-வது ஆண்டை நினைவுகூறும் வகையில் புதுடெல்லியில் நடைப்பெற்ற கருத்தரங்கில் ஜெனரல் ராவத் பங்கேற்று உரையாற்றினார். தனது உரையின் போது, இராணுவத் தலைவர் எந்தவொரு எதிர்கால மோதல்களும் இன்னும் "வன்முறை மற்றும் கணிக்க முடியாதவை" என்று நிரூபிக்கும் என்றும் எச்சரித்தார், இதன் போது மனித காரணியின் முக்கியத்துவம் குறையாமல் இருக்கும் எனவும் தெரிவித்தார்.


மேலுல் பாகிஸ்தான் இராணுவம், குறைபாடுள்ள பினாமி மற்றும் அரசால் வழங்கப்பட்ட பயங்கரவாதம், ஊடுருவல்கள் மூலம் தவறாக வழிநடத்துகிறது. இந்திய இராணுவம் நமது பிரதேசத்தை பாதுகாக்க உறுதியுடன் நிற்கிறது. எந்தவொரு தவறான செயலும் தண்டனையான பதிலுடன் விரட்டப்படும் என்பதில் சந்தேகமில்லை,'' என்று ராணுவ தலைமை ஜெனரல் பிபின் ராவத் தெரிவித்துள்ளார்.



தொடர்ந்து பேசிய அவர் காஷ்மீரின் லடாக்கின் டெம்சோக் பகுதியில் சீன ராணுவ வீரர்கள் ஊடுருவவில்லை எனவும் தெரிவித்தார். ஜம்மு காஷ்மீரின் லடாக் பகுதியில், டெம்சோக் என்ற கிராமம் உள்ளது. 



கடந்த 6-ஆம் தேதி இங்கு புத்த மத தலைவர் தலாய் லாமாவின் பிறந்த நாளை முன்னிட்டு, டெம்சோக் கிராமத்தில், திபெத்தியர்கள் சிலர் திபெத் கொடியை ஏற்றியுள்ளனர். இதனை தொடர்ந்து சீன வீரர்கள், அங்கு நுழைந்ததாக தகவல் வெளியானது.



ஆனால்.., சீன படையினர் தங்கள் எல்லை கட்டுப்பாட்டு கோடு பகுதி வழியாக ரோந்து சென்றனர். அப்போது, உள்ளூர் மக்கள் கொண்டாட்டத்தில் இருந்தனர். டெம்சோக்கில் வசிக்கும் திபெத்தியர்கள் கொண்டாட்டத்தில் ஈடுபட்டனர். இதனையறிந்த சீன வீரர்கள், அங்கு என்ன நடக்கிறது என பார்க்க வந்தனர். ஆனால், ஊடுருவல் எதுவும் நடக்கவில்லை. அங்கு நிலைமை சுமூகமாக உள்ளது என பிபின் ராவத் தெரிவித்தார்.