பாலிவுட் பிரபலம் `சசி கபூர்` மும்பையில் காலமானார்!

நீண்ட காலமாக உடல்நல குறைவால் பாதிக்கப்பட்டிருந்த நடிகர் சசி கபூர் இன்று மும்பை கோகிலாபென் அம்பானிய மருத்துவமனையில் காலமானார். 

79 வயதான அவர் நேற்று (ஞாயிற்றுக்கிழமை) இரவு மருத்துவமனையில் அனுமதிக்கப்பட்டார். சிகிச்சை பலனின்றி மருத்துவமனையில் இன்று மாலை 5.20 மணியளவில் காலமானதாக தகவல்கள் தெரிவிக்கின்றன.

சினிமா துறையில் தனது இணையில்லா பங்களிப்பிற்காக 2011-ஆம் ஆண்டு, சஷி கபூர் பத்ம பூஷன் விருது பெற்றார். 

2014-ஆம் ஆண்டில் அவருக்கு தாதாசாஹேப் பால்கே விருது வழங்கப்பட்டது.

தேவார் (1974), கபி கபி (1975), சத்யம் சிவாம் சுந்தரம் (1977), சில்சீலா (1981) மற்றும் நாமக் ஹலால் (1982) போன்ற படங்கள் அவருக்கு பெரும் பெயர் வாங்கித் தந்த படங்களாகும்.

திரையுலகில் கொடிக்கட்டி பறந்த இவருக்கு கரண் கபூர், குணால் கபூர் மற்றும் சஞ்சனா கபூர் என மூன்று குழந்தைகள் உள்ளனர்