அமலாக்க இயக்குநரகம் அதிகாரிகளுக்கு கொரோனா; சீல் வைக்கப்பட்டது தலைமையகம்!

தேசிய தலைநகரில் கான் மார்க்கெட்டில் உள்ள லோக் நாயக் பவனில் அமைந்துள்ள அமலாக்க இயக்குநரகத்தின் (ED) தலைமையகத்தில் 5 அதிகாரிகளுக்கு COVID-19 தொற்று உறுதிப்படுத்தப்பட்டுள்ளது.

இதனையடுத்து, இந்த கட்டிடம் வெள்ளிக்கிழமை சுத்திகரிக்கப்பட்டு ஜூன் 7 வரை சீல் வைக்கப்பட்டுள்ளது. ஆதாரங்களின்படி, அமலாக்க இயக்குநரக அதிகாரிகளின் சில குடும்ப உறுப்பினர்களும் பாதிக்கப்பட்டுள்ளனர்.

டெல்லியில் இதுவரை 26,334 COVID-19 நேர்மறை வழக்குகள் பதிவாகியுள்ளதாக சுகாதார மற்றும் குடும்ப நல அமைச்சகம் தெரிவித்துள்ளது.

சுகாதார அமைச்சின் ஜூன் 6 தரவுகளின்படி, கடந்த 24 மணி நேரத்தில் 9,887 புதிய நேர்மறையான வழக்குகள் பதிவாகியுள்ள நிலையில், இந்தியாவின் COVID-19 எண்ணிக்கை 2,36,657-ஐத் தொட்டது, இதனால் இத்தாலியின் சமீபத்திய எண்ணிக்கை 2.34 லட்சத்திற்கும் அதிகமான தொற்றுகளை இந்தியா பதிவு செய்துள்ளது.

இதன் மூலம், இந்தியா இப்போது வைரஸின் அதிக தொற்றுகளை பதிவு செய்த நாடுகளின் பட்டியலில் ஆறாவது இடத்திற்கு முன்னேறியது.

இந்த பட்டியிலில் (இன்று 11:28AM நேரப்படி) அமெரிக்க 19,35,432 தொற்றுகளுடன் முதல் இடத்தில் உள்ளது. தொடர்ந்து பிரேசில் (6,46,006 தொற்றுகள்), ரஸ்யா (4,49,834 தொற்றுகள்), ஸ்பெயின் (2,88,058 தொற்றுகள்), இங்கிலாந்து (2, 83,311 தொற்றுகள்) என இந்தியாவிற்கு முன் உள்ளன.