அதிக பயணிகள் விமானத்தில் பயணிக்க முடியாது! அரசின் முடிவு என்ன என்பதை அறிந்து கொள்ளுங்கள்

New Delhi: கொரோனா வைரஸ் (Coronavirus) காரணமாக விமானத் துறையில் கட்டுப்பாடுகள் தொடரும். சர்வதேச விமானங்களும் இயங்காது. மேலும் 60% பயணிகளின் எண்ணிக்கையுடன் யை உள்நாட்டு வழித்தடங்களில் (Domestic Route) விமானம் இயக்கலாம் என உத்தரவு உள்ளது. இதற்கிடையில், விமானத் தடையை 2021 பிப்ரவரி 24 வரை நீட்டிக்க விமான அமைச்சகம் முடிவு செய்துள்ளது. முன்னதாக 2020 நவம்பர் 24 ஆம் தேதி வரை தடை என அறிவித்திருந்த நிலையில், இப்போது மேலும் 3 மாதங்கள் நீட்டிக்கப்பட்டுள்ளது.

கொரோனா அச்சம் காரணமாக மார்ச் 22 முதல் ஊரடங்கு (Lockdown) வீதி அமல் செய்யப்பட்டதால், நாடு முழுவதும் ரயில்கள், பேருந்துகள் மற்றும் விமானங்கள் சேவை நிறுத்தப்பட்டன. அதன்பிறகு நாடு முழுவதும் மே 25 அன்று விமான சேவை தொடங்கியது. அதன் பிறகு படிப்படியாக விமான சேவை அதிகரிக்கப்பட்டது. தற்போது தினமும் சுமார் 2 லட்சம் பேர் விமானத்தில் பயணம் செய்கிறார்கள்.

தற்போது விமான அமைச்சகம் "மேலும் சில பல புதிய பாதைகளில் விமான சேவையை தொடங்கியுள்ளது. இந்த புதிய பாதைகளில் தேசிய விமான நிறுவனமான ஏர் இந்தியா (Air India) முதலில் சேவையை தொடங்கியது.

இந்த வழித்தடங்களில் விமான சேவை அதிகரித்துள்ளது:

டெல்லி-ராஞ்சி
மும்பை-ஹைதராபாத்
ஹைதராபாத்-விசாகப்பட்டினம்
டெல்லி-கோவை
மும்பை-போபால்
மும்பை-கொல்கத்தா
டெல்லி-இந்தூர்
பெங்களூரு-சண்டிகர்
டெல்லி-திருப்பதி
மும்பை-ராஜ்கோட்
மும்பை-கொச்சின்

இது தவிர, உள்நாட்டு மற்றும் சர்வதேச வழித்தடங்களில் 68 விமானங்களை தொடங்க ஏர் ஏசியா (Air Asia) மற்றும் ஸ்பைஸ்ஜெட் (Spicejet) முடிவு செய்துள்ளன. இதன் கீழ், டெல்லி (Delhi) மற்றும் அகமதாபாத் (Ahmedabad) முதல் மஸ்கட் வரை 4 சர்வதேச சேவைகள் உட்பட 62 புதிய வழித்தடத்தில் விமானங்களை இயக்க முடிவு செய்துள்ளதாக ஸ்பைஸ்ஜெட் (SpiceJet)அறிவித்துள்ளது.

அதேசமயம் ஏர் ஏசியா இந்தியா (Air Asia India) நிறுவனம் மேலும் 6 உள்நாட்டு விமான வழித்தடங்களில் விமான சேவையைத் தொடங்கியுள்ளது. சென்னையிலிருந்து அகமதாபாத் (Chennai-Ahmedabad) மற்றும் கோவா, மும்பை விசாகப்பட்டினம் மற்றும் கோவா மற்றும் ஜெய்ப்பூரிலிருந்து கொல்கத்தா (Jaipur-Kolkata) ஆகிய விமானங்கள் இதில் அடங்கும்.