இங்கு இல்லத்தரசிகளுக்கு 3 சமையல் எரிவாயு சிலிண்டர்கள் இலவசம்

கோவா அரசு, அம்மாநில மக்களுக்கு ஒரு பெரிய அறிவிப்பை வெளியிட்டுள்ளது. புதிய அமைச்சரவையின் முதல் கூட்டத்தில் ஒரு பெரிய முடிவை எடுத்த கோவா அரசு, தனது தேர்தல் அறிக்கையில் பாரதீய ஜனதா கட்சி (பாஜக) அளித்த வாக்குறுதியின்படி, மாநிலத்தில் உள்ள ஒவ்வொரு குடும்பத்திற்கும் மூன்று எல்பிஜி சிலிண்டர்கள் இலவசமாக வழங்கப்படும் என்று கூறியுள்ளது.

திங்கள்கிழமை நடைபெற்ற புதிய அமைச்சரவையின் முதல் கூட்டத்திற்கு தலைமை வகித்து முதல்வர் பிரமோத் சாவந்த் இந்த அறிவிப்பை வெளியிட்டார். பிரமோத் சாவந்தின் அமைச்சரவையில் முதலமைச்சரும் மற்ற எட்டு அமைச்சர்களும் இடம் பெற்றனர் என்பது குறிப்பிடத்தக்கது. 

முதல்வர் பெரிய அறிவிப்பை வெளியிட்டார்
நேற்று மாலை ஒரு ட்வீட்டில், முதல்வர் பிரமோத் சாவந்த், 'முதலமைச்சராக பதவியேற்ற பிறகு முதல் கூட்டத்திற்கு தலைமை தாங்கினார். பாஜக தேர்தல் அறிக்கையில் உறுதியளித்தபடி புதிய நிதியாண்டு முதல் மூன்று சிலிண்டர்கள் இலவசமாக வழங்கும் திட்டத்தை தயாரிக்க அமைச்சரவை முடிவு செய்துள்ளது என்றார்.

கோவாவில் கடந்த மாதம் நடைபெற்ற சட்டப் பேரவைத் தேர்தலுக்கு முன், பாஜக தனது தேர்தல் அறிக்கையில், பாஜக ஆட்சிக்கு வந்தால், மாநிலத்தில் உள்ள ஒவ்வொரு குடும்பத்துக்கும் ஆண்டுக்கு மூன்று எல்பிஜி சிலிண்டர்கள் இலவசமாக வழங்கப்படும் என்று வாக்குறுதி அளித்திருந்தது குறிப்பிடத்தக்கது.

இந்நிலையில், செய்தியாளர்களிடம் பேசிய முதலமைச்சர் சாவந்த்,  இரும்புத் தாது சுரங்க தொழிலை மீண்டும் ஊக்குவிப்பது மற்றும் வேலை வாய்ப்பை உருவாக்குவது ஆகியவற்றிற்கு முன்னுரிமை அளிக்கப் போவதாகவும் தெரிவித்தார்.

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G
Apple Link - https://apple.co/3loQYeR