ஜிகிஷா கொலை வழக்கு: 2 பேருக்கு தூக்கு தண்டனை

டெல்லியில் தனியார் ஐ.டி நிறுவனத்தில் செயல் அதிகாரியாக பணியாற்றியவர் ஜிகிஷா கோஷ் (28).  இவரை கடத்தி கொலை செய்யப்பட்ட வழக்கில், இரண்டு பேருக்கு தூக்கு தண்டனை விதிக்கப்பட்டுள்ளது. ஒருவருக்கு ஆயுள் தண்டனை விதிக்கப்பட்டது.

2009-ம் வருடம் மார்ச் 18-ம் தேதி பணி முடித்து அலுவலக வாகனத்தில் வீடு திரும்பினார். டில்லியின் வசந்த் விஹார் பகுதியில், வாகனத்தில் இருந்து இறங்கிய அவரை மர்ம நபர்கள் கடத்தி சென்றனர். அரியானா மாநிலம் சூரஜ்குந்த் அருகே ஒதுக்குப்புறமான இடத்தில் இருந்து 3 நாட்களுக்குப் பின்னர், 21-ம் தேதியன்று கோஷின் சடலத்தை போலீசார் மீட்டெடுத்தனர். தீவிர விசாரணைக்குப் பின்னர், இது தொடர்பாக அமித் சுக்லா, பல்ஜித் சிங் மாலிக், ரவி கபூர் ஆகிய மூவரை போலீசார் கைது செய்தனர். பிடிபட்ட 3 பேர் மீதும் கொலை, கொள்ளை குற்றச்சாட்டு பதிவு செய்யப்பட்டது.

இந்த வழக்கு டெல்லியில் உள்ள ஷெசன்சு நீதிமன்றத்தில் நடைபெற்று வந்தது. வழக்கின் இன்று தீர்ப்பு வழங்க வழங்கப்பட்டது. குற்றவாளிகள் 3 பேரில் இருவருக்கு மரண தண்டனையும் ஒருவருக்கு ஆயுள் தண்டனையும் விதித்து நீதிமன்றம் பரபரப்பு தீர்ப்பளித்தது.