Ramar Temple Inauguration Live : அயோத்தி ராமர் கோயில் திறப்பு விழாவில் பிரதமர் மோடி பங்கேற்பு Live..!
Ayodhya Ramar Temple Consecration Ceremony Live Updates : அயோத்தியில் கட்டப்பட்டுள்ள ராமர் கோயிலின் திறப்பு விழாவில் பிரதமர் மோடி பங்கேற்றுள்ளார்
Ayodhya Ramar Temple Consecration Ceremony Live Updates in Tamil : அயோத்தியில் கட்டப்பட்டுள்ள ராமர் கோயிலின் திறப்பு விழாவில் பிரதமர் மோடி பங்கேற்றுள்ளார்.. இந்த வரலாற்று நிகழ்வில் கலந்துகொள்ள பல்வேறு துறை சார்ந்த பிரபலங்கள் பங்கேற்றுள்ளனர். பிரம்மாண்டமாக கட்டப்பட்டுள்ள ராமர் கோயில் திறப்பு விழாவிற்கு நாட்டின் பல்வேறு பகுதிகளில் இருந்து பக்தர்கள் குவிந்து வருகின்றனர். குடமுழுக்கு விழாவிற்காக அயோத்தி நகரம் முழுவதும் மின்விளக்குகளினால் அலங்கரிக்கப்பட்டுள்ளது. ராமர் கோயில் வண்ண பூக்களினாலும், மின்விளக்குகளினாலும் அலங்கரிக்கப்பட்டுள்ளது.
பக்தர்களின் வருகையால் அயோத்தி நகரமே விழாக்கோலத்தில் காட்சியளிக்கிறது. அயோத்தியில் குவிந்துள்ள பக்தர்கள் ராமர் பாடல்களை பாடி கொண்டாடி வருகின்றனர்.
Latest Updates
ராமர் கோவில் கட்டும் பணியில் ஈடுபட்டுள்ள தொழிலாளர்களுக்கு மரியாதை
அயோத்தியில் ராமர் கோவில் கட்டும் குழுவைச் சேர்ந்த தொழிலாளர்கள் மீது பிரதமர் நரேந்திர மோடி மலர் மழை பொழிந்து மரியாதை செலுத்தினார். ஏராளமான தொழிலாளர்கள் வரிசையில் நின்ற நிலையில், பிரதமர் அவர்கள் மத்தியில் சென்று மலர் மழை பொழிந்தார்.
மத்திய அமைச்சர் சாத்வி நிரஞ்சனுடன் ராமர் கோவில் வளாகத்தில் பாஜக எம்பி ஹேமா மாலினி நடனமாடினார்
Ayodhya Ramar Temple Consecration Ceremony Live Updates : 'இதுதான் நேரம், சரியான நேரம்'-பிரதமர் மோடி
அயோத்தியில் பிரதமர் மோடி பேசுகையில், 'காலத்தின் சுழற்சி மாறி வருவதை இன்று நான் தூய்மையான இதயத்துடன் உணர்கிறேன். காலத்தால் அழியாத பாதையின் சிற்பியாக நம் தலைமுறை தேர்ந்தெடுக்கப்பட்டிருப்பது மகிழ்ச்சியான தற்செயல் நிகழ்வு. பல்லாயிரம் ஆண்டுகளுக்குப் பிறகு, நமது இன்றைய தேசத்தைக் கட்டியெழுப்பும் பணியை வரும் தலைமுறையினர் நினைவு கூர்வார்கள். முன்னோக்கிச்செல்ல இதுதான் நேரம், சரியான நேரம்’ என்று கூறினார்.
Ayodhya Ramar Temple Consecration Ceremony Live Updates : ராமர் இந்தியாவின் நம்பிக்கை - பிரதமர் மோடி
ராமர் கோயில் திறப்பு விழாவுக்குப் பிறகு பேசிய பிரதமர் மோடி "இது ராமர் வடிவில் உள்ள தேச உணர்வின் கோவில். ராமர் இந்தியாவின் நம்பிக்கை, ராமர் இந்தியாவின் அடித்தளம். ராமர் இந்தியாவின் கருத்து, ராமர் இந்தியாவின் சட்டம். ராமர் இந்தியாவின் மாண்பு, ராமர் இந்தியாவின் பெருமை" என்றார்
Ayodhya Ramar Temple Consecration Ceremony Live Updates : எல்லா இடத்திலும் ராமர் - பிரதமர் மோடி
பிரதமர் நரேந்திர மோடி கூறுகையில், "சாகரில் இருந்து சரயு வரை பயணிக்கும் வாய்ப்பு எனக்கு கிடைத்தது. சாகரில் இருந்து சரயூ வரை ராமர் மீதான உணர்வு எங்கும் காண முடிந்தது..."
Ayodhya Ramar Temple Consecration Ceremony Live Updates : ராமர் நம்மை மன்னிப்பார் - பிரதமர் மோடி
அயோத்தியில் பேசிய பிரதமர் நரேந்திர மோடி, "இன்று ஸ்ரீராமரிடம் மன்னிப்பு கேட்டுக்கொள்கிறேன். பல நூற்றாண்டுகளாக இந்த பணியை செய்ய முடியாமல் போனதற்கு, நமது முயற்சி, தியாகம், தவத்தில் ஏதோ குறை இருக்க வேண்டும். இன்று பணி நிறைவடைந்துள்ளது. இன்றைக்கு பகவான் ஸ்ரீராமர் நம்மை மன்னிப்பார் என்று நான் நம்புகிறேன்..."என தெரிவித்தார்
Ayodhya Ramar Temple Consecration Ceremony Live Updates : இந்திய நீதித்துறைக்கு எனது நன்றி - பிரதமர் மோடி
ராமர் இருப்பதற்கான சட்டப் போராட்டம் பல தசாப்தங்களாக நீடித்தது. நீதி வழங்கிய இந்திய நீதித்துறைக்கு எனது நன்றியைத் தெரிவித்துக் கொள்கிறேன் என்று பிரதமர் நரேந்திர மோடி தெரிவித்துள்ளார்.
Ayodhya Ramar Temple Consecration Ceremony Live Updates : பலநூறு ஆண்டு பிரிவினை - பிரதமர் மோடி
அயோத்தியில் பேசிய பிரதமர் நரேந்திர மோடி, "...அந்த காலகட்டத்தில் பிரிவினை 14 ஆண்டுகள் மட்டுமே நீடித்தது...இந்த காலத்தில் அயோத்தி மற்றும் நாட்டு மக்களும் பலநூறு ஆண்டுகால பிரிவினையை அனுபவித்து வருகின்றனர். நமது தலைமுறையினர் பலர் இந்த பிரிவினையை அனுபவித்து வருகின்றனர். ..." என தெரிவித்தார்.
Ayodhya Ramar Temple Consecration Ceremony Live Updates : ராமர் என்னை மன்னிக்க வேண்டும் - பிரதமர் மோடி
காலச்சக்கரத்தில் இன்றைய நாள் பொற்காலமாக அமைந்துள்ளது. இன்றைய நாளை மக்கள் ஆயிரம் ஆண்டுகள் நினைவில் வைத்திருப்பார்கள். பால ராமருக்கு அருமையான கோயில் கட்டப்பட்டுள்ளது. அவருக்கு கோயில் கட்ட இவ்வளவு நாள் ஆனதற்கு அவரிடம் நன் மன்னிப்பு கேட்டுக் கொள்கிறேன் என பிரதமர் மோடி பேச்சு
Ayodhya Ramar Temple Consecration Ceremony Live Updates : இனி வலிகள் இருக்காது - ஆர்எஸ்எஸ் தலைவர் மோகன் பகவத்
ஆர்எஸ்எஸ் தலைவர் ராமர் கோயில் திறப்பு விழாவிற்கு பிறகு பேசினார். அப்போது, " ராம் லல்லா இன்று இங்கு திரும்பியுள்ளார், அவருடைய முயற்சியால் இந்த பொன்நாளை இன்று காண்கிறோம், அவருக்கு எங்கள் மிகுந்த மரியாதையை செலுத்துகிறோம். இந்த சகாப்தத்தின் வரலாறு மிகவும் சக்தி வாய்ந்தது, ராம் லல்லாவின் கதைகள் மூலம் துக்கங்கள் மற்றும் வலிகள் அனைத்தும் மறையும்..."
Ayodhya Ramar Temple Consecration Ceremony Live Updates : பிரதமர் மோடி உரை
அயோத்தியில் உள்ள ஸ்ரீ ராம் ஜென்மபூமி கோவிலில் பிரதமர் நரேந்திர மோடி விரைவில் உரையாற்ற உள்ளார்.
Ayodhya Ramar Temple Consecration Ceremony Live Updates : எந்த தடையும் விதிக்கவில்லை - தமிழ்நாடு அரசு
அயோத்தியில் ராமர் கோவில் திறப்பையொட்டி தமிழக கோவில்களில் சிறப்பு பூஜைகள் நடத்த எந்த தடை உத்தரவும் பிறப்பிக்கவில்லை உச்ச நீதிமன்றத்தில் தமிழ்நாடு அரசு அதிகாரப்பூர்வமாக அறிவிப்பு. மனு அரசியல் உள்நோக்கத்துடன் தாக்கல் செய்யப்பட்டுள்ளது என தமிழ்நாடு அரசு கடுமையாக எதிர்ப்பு. தமிழ்நாடு அரசின் வாதங்களை பதிவு செய்து கொள்வதாக உச்ச நீதிமன்றம் அறிவிப்பு. பாஜகவை சேர்ந்த வினோத் உச்ச நீதிமன்றத்தில் மனுதாக்கல் செய்திருந்தார்
Ayodhya Ramar Temple Consecration Ceremony Live Updates : ராமருக்கு பூஜை செய்த பிரதமர் மோடி
அயோத்தியில் உள்ள ஸ்ரீராம ஜென்மபூமி கோவிலில் ராஜ அலங்காரத்தில் உள்ள ராமர் சிலைக்கு பிரமர் மோடி பூஜை செய்தார்
Ayodhya Ramar Temple Consecration Ceremony Live Updates : பிரதமர் மோடி, யோகி ஆதித்யநாத் வழிபாடு
அயோத்தியில் உள்ள ஸ்ரீராம ஜென்மபூமி கோவிலில் ராஜ அலங்காரத்தில் உள்ள ராமர் சிலை முன்பு பிரமர் மோடி மற்றும் உத்தரப்பிரதேச முதலமைச்சர் யோகி ஆதித்யநாத் ஆகியோர் வழிபாடு
Ayodhya Ramar Temple Consecration Ceremony Live Updates : ராஜ அலங்காரத்தில் ராமர் சிலை
அயோத்தியில் உள்ள ஸ்ரீராம ஜென்மபூமி கோவிலில் ராஜ அலங்காரத்தில் ராமர் சிலை
Ayodhya Ramar Temple Consecration Ceremony Live Updates : அயோத்தி ராமர் கோயில் திறக்கப்பட்டது..!
அயோத்தியில் உள்ள ஸ்ரீராம ஜென்மபூமி கோவிலில் பால ராமருக்கு கண் திறக்கப்பட்டு பிரதமர் மோடி வழிபட்டார்.
Ayodhya Ramar Temple Consecration Ceremony Live Updates : பூஜையில் பிரதமர் மோடி
அயோத்தியில் உள்ள ஸ்ரீராம ஜென்மபூமி கோவிலில் பிரதமர் நரேந்திர மோடி வழிபாடு நடத்துகிறார். ஆர்எஸ்எஸ் தலைவர் மோகன் பகவத் உடன் இருந்தார்.
Ayodhya Ramar Temple Consecration Ceremony Live Updates : ராமருக்கு கிரீடம் எடுத்துச் சென்ற பிரதமர்
அயோத்தி ராமர் கோயில் திறப்பு விழாவுக்கு சென்ற பிரதமர் மோடி, கையில் கிரீடம் எடுத்துச் சென்று வழிபாட்டில் கலந்து கொண்டார்.
Ayodhya Ramar Temple Consecration Ceremony Live Updates : ராமர் கோயிலில் சூப்பர் ஸ்டார் ரஜினிகாந்த்
சூப்பர் ஸ்டார் ரஜினிகாந்த் அயோத்தியில் உள்ள ஸ்ரீராம ஜென்மபூமி கோவிலுக்கு வந்து பிரான் பிரதிஷ்டை விழாவில் கலந்து கொண்டார்.
Ayodhya Ramar Temple Consecration Ceremony Live Updates : ராமர் கோயிலில் சச்சின் டெண்டுல்கர்
கிரிக்கெட் ஜாம்பவான் சச்சின் டெண்டுல்கர் அயோத்தியில் உள்ள ராமர் கோயில் பிரான் பிரதிஷ்டை விழாவில் பங்கேற்பதற்காக ஸ்ரீராம ஜென்மபூமி கோயிலுக்கு வந்தார்.
Ayodhya Ramar Temple Consecration Ceremony Live Updates : ராம பஜனை பாடிய சங்கர் மகாதேவன்
பாடகர்-இசையமைப்பாளர் சங்கர் மகாதேவன் அயோத்தியில் உள்ள ஸ்ரீ ராம் ஜென்மபூமி கோவிலில் பிரான் பிரதிஷ்டை விழாவை முன்னிட்டு ராமர் பஜனை பாடுகிறார்.
Ayodhya Ramar Temple Consecration Ceremony Live Updates : அம்பானி மற்றும் அவரது மனைவி வருகை
ரிலையன்ஸ் இண்டஸ்ட்ரீஸ் தலைவரும் எம்.டியுமான முகேஷ் அம்பானி மற்றும் அவரது மனைவி நீதா அம்பானி ஆகியோர் அயோத்தியில் உள்ள ஸ்ரீ ராம் ஜென்மபூமி கோவிலில் ராமர் கோயில் பிரான் பிரதிஷ்டை விழாவில் கலந்து கொண்டனர்.
Ayodhya Ramar Temple Consecration Ceremony Live Updates : அமித்ஷா டெல்லியில் வழிபாடு
மத்திய உள்துறை அமைச்சர் அமித் ஷா, அயோத்தியில் உள்ள ஸ்ரீ ராம் மந்திர் பிரான் பிரதிஸ்தாவை முன்னிட்டு டெல்லியில் உள்ள ஸ்ரீ லக்ஷ்மி நாராயண் கோயிலில் இன்று வழிபாட்டில் கலந்து கொண்டார்.
Ayodhya Ramar Temple Consecration Ceremony Live Updates : அம்பானி மகள் வருகை
அயோத்தி, உத்தரபிரதேசம் | இஷா அம்பானி மற்றும் அவரது கணவர் ஆனந்த் பிரமால் ஆகியோர் அயோத்தியில் உள்ள ராமர் கோயில் பிரன்பிரதிஷ்டை விழாவில் கலந்துகொள்வதற்காக ஸ்ரீராம ஜென்மபூமி கோயிலுக்கு வந்தனர். இஷா அம்பானி கூறுகையில், "இன்று எங்களுக்கு மிகவும் புனிதமான நாட்களில் ஒன்று. நான் இங்கு வந்ததில் மிகுந்த மகிழ்ச்சி அடைகிறேன்." என கூறினார்.
Ayodhya Ramar Temple Consecration Ceremony Live Updates : ஜேபி நட்ட டெல்லியில் வழிபாடு
பாஜக தேசிய தலைவர் ஜேபி நட்டா இன்று அயோத்தியில் உள்ள ஸ்ரீ ராம் மந்திர் பிரான் பிரதிஷ்டையை முன்னிட்டு டெல்லி ஜாண்டேவாலன் கோவிலில் பிரார்த்தனை செய்தார்.
Ayodhya Ramar Temple Consecration Ceremony Live Updates : ஜேபி நட்ட டெல்லியில் வழிபாடு
பாஜக தேசிய தலைவர் ஜேபி நட்டா இன்று அயோத்தியில் உள்ள ஸ்ரீ ராம் மந்திர் பிரான் பிரதிஷ்டையை முன்னிட்டு டெல்லி ஜாண்டேவாலன் கோவிலில் பிரார்த்தனை செய்தார்.
Ayodhya Ramar Temple Consecration Ceremony Live Updates : கத்ரீனா கைஃப்,ஆலியா பட் வருகை
நடிகர்கள் விக்கி கௌஷல், கத்ரீனா கைஃப், ஆயுஷ்மான் குரானா, ரன்பீர் கபூர் மற்றும் ஆலியா பட் ஆகியோர் அயோத்தியில் உள்ள ஸ்ரீ ராம் ஜென்மபூமி கோவிலில் பிரான் பிரதிஷ்டா விழாவில் கலந்து கொள்ள உள்ளனர்.
Ayodhya Ramar Temple Consecration Ceremony Live Updates : கிரீடத்துடன் வந்த பிரதமர் மோடி
பிரதமர் நரேந்திர மோடி அயோத்தியில் உள்ள ஸ்ரீராம ஜென்மபூமி கோவிலில் ராமர் கோவில் பிரான் பிரதிஷ்டா விழாவில் பங்கேற்றார்.
Ayodhya Ramar Temple Consecration Ceremony Live Updates : பிரதமர் மோடி வருகை
அயோத்தியில் உள்ள ஸ்ரீராம ஜென்மபூமி கோயிலில் பிரதமர் நரேந்திர மோடி
Ayodhya Ramar Temple Consecration Ceremony Live Updates : ராமர் கோயில் திறப்பு விழாவில் பிரதமர் மோடி
பிரதமர் நரேந்திர மோடி அயோத்தியில் உள்ள ஸ்ரீராம ஜென்மபூமி கோவிலில் ராமர் கோவில் பிரான் பிரதிஷ்டா விழாவில் பங்கேற்றார்.
Ayodhya Ramar Temple Consecration Ceremony Live Updates : மாயாஜாலம் என விவேக் ஓப்ராய் நெகிழ்ச்சி
நடிகர் விவேக் ஓபராய் மற்றும் பாடகர் சோனு நிகம் ஆகியோர் அயோத்தியில் உள்ள ஸ்ரீ ராம் ஜென்மபூமி கோவிலுக்கு பிரான்பிரதிஷ்டை விழாவில் கலந்து கொண்டுள்ளனர். இதுகுறித்து விவேக் ஓபராய் கூறுகையில், "இது மாயாஜாலம். நான் பல படங்களை பார்த்திருக்கிறேன். ஆனால் என் கண்களுக்கு முன்பாக இதைப் பார்க்கும்போது, ஏதோ மாயாஜாலத்தைப் பார்ப்பது போல் தெரிகிறது." என ராமர் கோயில் திறப்பு விழா நிகழ்ச்சியில் பங்கேற்றது குறித்து தெரிவித்துள்ளார்.
Ayodhya Ramar Temple Consecration Ceremony Live Updates : காஞ்சிபுரம் மாவட்ட காவல் கண்காணிப்பாளர் விளக்கம்
ராமர் கோயில் திறப்பு விழாவுக்கு காவல்துறை அனுமதி மறுக்கப்பட்டதாக கூறப்பட்ட நிலையில், காவல்துறை விளக்கம் அளித்துள்ளது. இது தொடர்பாக மாவட்ட காவல் கண்காணிப்பாளர் சண்முகம் தெரிவிக்கையில்,காமாட்சி அம்மன்கோவிலில் பஜனை மற்றும் பல்வேறு நிகழ்ச்சிகள் மட்டுமே நடத்த அனுமதி பெறப்பட்டது. கும்பாபிஷேக நிகழ்ச்சியை திரைகள் அமைத்து நேரடி ஒளிபரப்பு செய்யமாட்டோம் என்று கடிதம் கொடுத்து இருந்தனர். கோவிலில் பஜனை, அன்னதானம், சிறப்பு வழிபாடு நடத்த எந்த தடையும் இல்லை என்றார்.
Ayodhya Ramar Temple Consecration Ceremony Live Updates : ஆளுநர் பதிவுக்கு பட்டாச்சாரியார்கள் மறுப்பு
சென்னை மேற்கு மாம்பலம் கோதண்டராமர் கோயிலில் அடக்குமுறை போன்ற சூழலை கண்டதாக ஆளுநர் ஆர்என் ரவி கூறியிருந்த நிலையில், அவரின் அந்த கூற்றுக்கு பட்டாச்சாரியார்கள் மறுப்பு தெரிவித்துள்ளனர்.
Ayodhya Ramar Temple Consecration Ceremony Live Updates : எல்இடி திரை வைக்க அனுமதி கோரவில்லை - காவல்துறை
காஞ்சிபுரம் காமாட்சியம்மன் கோயிலில் எல்இடி திரை வைக்க அனுமதி கோரவில்லை. பஜனை மற்றும் பல்வேறு நிகழ்ச்சிகள் மட்டுமே நடைபெறுவதாக கூறி
அனுமதி கோரப்பட்டிருந்தது. பஜனை நிகழ்ச்சியில் நேரடி ஒளிபரப்பு செய்ய மாட்டோம் என கடிதத்தில் குறிப்பிட்டிருந்தனர் என காஞ்சிபுரம் காவல்துறை தெரிவித்துள்ளது.Ayodhya Ramar Temple Consecration Ceremony Live Updates : பழனியில் பொதுமக்களுக்கு அன்னதானம்
ராம பிரதிஷ்டையும் கொண்டாடும் விதமாக பழனியில் சிறப்பு பூஜைகள் செய்து பொதுமக்களுக்கு அன்னதானம் வழங்கப்பட்டது.
Ayodhya Ramar Temple Consecration Ceremony Live Updates : ராமர் கோவில் கும்பாபிஷேக விழா திரையிட மறுப்பு
அயோத்தியில் புதிதாக கட்டப்பட்ட ராமர் கோவில் இன்று கும்பாபிஷேக விழா விமர்சையாக நடைபெற்று வருகிறது. இந்த நிலையில் பாஜகவினர் தமிழகத்தில் உள்ள பல்வேறு கோவில்களில் கும்பாபிஷேக விழாவை பெரிய திரைகளில் பொதுமக்களுக்கு காண்பிப்பதற்கான ஏற்பாடுகளை செய்தனர். இந்நிலையில் பூந்தமல்லியில் உள்ள திருக்கச்சி நம்பிகள் மற்றும் வரதராஜ பெருமாள் கோவிலில் பெரிய திரையில் கும்பாபிஷேக விழாவை திரையிட்டு காண்பிப்பதற்காக கோயில் செயல் அலுவலரிடம் கேட்டபோது அனுமதி மறுக்கப்பட்ட விவகாரம் தொடர்ந்து இன்று காலை கோவில் வளாகத்தில் போலீஸ் பாதுகாப்பு பணியில் ஈடுபட்டனர்.
இந்த நிலையில் ஆவடி போலீஸ் கமிஷனர் எல்லைக்குட்பட்ட பூந்தமல்லியில் உள்ள கோவிலில் வெடிகுண்டு நிபுணர்கள் இன்று கோவில் வளாகம் மற்றும் கோவிலுக்கு வெளியே, கோவில் வளாகத்திற்கு வெளியே நிறுத்தி வைக்கப்பட்டிருந்த வாகனங்கள் மற்றும் சந்தேகத்திற்குரிய இடங்களில் மோப்ப நாய் உதவியுடன் வெடிகுண்டு நிபுணர்கள் சோதனை செய்தனர்.
Ayodhya Ramar Temple Consecration Ceremony Live Updates : நேரலைக்கு அனுமதிக்க தமிழக அரசுக்கு உத்தரவு
ராமர் கோயில் திறப்பு விழாவை கோயில்களில் ஒளிபரப்பு செய்ய தமிழ்நாடு அரசு சட்டப்படி அனுமதிக்க வேண்டும் என உச்சநீதிமன்றம் உத்தரவிட்டுள்ளது.
Ayodhya Ramar Temple Consecration Ceremony Live Updates : நிர்மலா சீதாராமன் குற்றச்சாட்டு
ராமர் கோயில் குடமுழுக்கை காண காஞ்சிபுரத்தில் அமைக்கப்பட்ட எல்இடி திரையை அகற்றி, தமிழ்நாடு காவல்துறை அதிகாரத்தை தவறாக பயன்படுத்துகிறது. கோயில்களில் இந்துக்களின் வழிபாட்டு உரிமை தடுக்கப்படுகிறது என காஞ்சிபுரம் கோயிலில் வழிபாடு நடத்த சென்ற மத்திய அமைச்சர் நிர்மலா சீதாராமன் குற்றச்சாட்டு. மேலும், ராமர் கோயில் குடமுழுக்கால் மக்கள் மகிழ்ச்சி அடைந்துள்ளனர் என்றும் தெரிவித்தார்.
Ayodhya Ramar Temple Consecration Ceremony Live Updates : சென்னை உயர்நீதிமன்றம் தீர்ப்பு
தமிழக கோயில்களில் ராமர் கோயில் திறப்பை நேரலை செய்ய செயல் அலுவலர் அனுமதியளிக்க வேண்டும் என்று சென்னை ஐகோர்ட் உத்தரவிட்டுள்ளது. கோயில்களில் நேரலைக்கு போலீசார் தடை விதித்ததை எதிர்த்து தொடரப்பட்ட வழக்கில், தனியார் கோயில் மற்றும் திருமண மண்டபங்களில் நேரலை
செய்ய அனுமதி தேவையில்லை என்றும், அறநிலையத்துறையின் கோயில்களில் செயல் அலுவலரிடம் தகவல் தெரிவிக்க வேண்டும் என்றும் தீர்ப்பில் குறிப்பிடப்பட்டுள்ளது.Ayodhya Ramar Temple Consecration Ceremony Live Updates : யோகி ஆதித்யநாத் சந்திப்பு
அயோத்தி ராமர் கோவில் திறப்பு விழாவுக்கு வருகை தந்திருக்கும் சிறப்பு அழைப்பாளர்களை உத்தரப்பிரதேச முதலமைச்சர் யோகி ஆதித்யநாத் நேரில் சந்தித்து கலந்துரையாடினார்.
Ayodhya Ramar Temple Consecration Ceremony Live Updates : சிறப்பு அனுமதி கேட்டு தொடரப்பட்ட வழக்கு
அயோத்தி ராமர் கோவில் திறப்பு விழா நடைபெற இருக்கும் நிலையில் தனியார் திருமண மண்டபங்களில் அன்னதானம் மற்றும் பஜனைகளை அனுமதிப்பது தொடர்பான வழக்கை விசாரிக்க சென்னை உயர்நீதிமன்ற நீதிபதி என் ஆனந்த் வெங்கடேஷ் இன்று காலை தனது அறையில் சிறப்பு அமர்வை நடத்தினார். இந்த வழக்கின் உத்தரவு தொடர்பான விவரம் விரைவில் வெளியாகும் என தகவல்.
Ayodhya Ramar Temple Consecration Ceremony Live Updates : ஆளுநர் ரவி பரபரப்பு குற்றச்சாட்டு
சென்னை மேற்கு மாம்பலத்தில் உள்ள ஸ்ரீ கோதண்டராமஸ்வாமி கோவிலுக்குச் சென்று பிரார்த்தனை செய்தேன். இந்த கோவில் HR&CE துறையின் கீழ் உள்ளது.
பூசாரிகள் மற்றும் கோயில் ஊழியர்களின் முகங்களில் கண்ணுக்குத் தெரியாத பயம் மற்றும் பயத்தின் ஒரு பெரிய உணர்வு இருந்தது. நாட்டின் பிற பகுதிகளில் உள்ள பண்டிகை சூழலுக்கு முற்றிலும் இது மாறுபட்டது. ராமர் கோயில் திறப்பு விழா நாடு முழுவதும் கொண்டாடப்படும் நிலையில், இங்குள்ள கோவில் வளாகம் கடுமையான அடக்குமுறை உணர்வை வெளிப்படுத்துகிறது என ஆளுநர் ரவி பரபரப்பு குற்றச்சாட்டை முன்வைத்துள்ளார்.Ayodhya Ramar Temple Consecration Ceremony Live Updates : ராகுல்காந்தி தடுத்து நிறுத்தம்
அயோத்தி ராமர் கோயில் திறப்பு விழா நடைபெற இருக்கும் நிலையில், அசாமில் கோவிலுக்கு சென்ற ராகுல்காந்தி தடுத்து நிறுத்தம். யார் கோயிலுக்கு செல்ல வேண்டும் என்பதையும் பிரதமர் மோடி தான் தீர்மானிப்பாரா? என்றும் அவேசமாக கேள்வி
Ayodhya Ramar Temple Consecration Ceremony Live Updates : அத்வானி பங்கேற்கவில்லை
அயோத்தி ராமர் கோயில் திறப்பு விழாவில் பாஜக மூத்த தலைவர் அத்வானி பங்கேற்கவில்லை. கடும் குளிர் காரணமாக இந்த விழாவில் அவர் பங்கேற்கவில்லை என கூறப்பட்டுள்ளது.
Ayodhya Ramar Temple Consecration Ceremony Live Updates : ராமர் கோயில் திறப்பு விழா: நிர்மலா சீதாராமன் குற்றச்சாட்டு
ராமர் கோயில் திறப்பு விழாவை பொதுமக்கள் பொது இடங்களில் வைக்கப்பட்ட எல்இடி திரை வீடியோ மூலம் பார்க்க காவல்துறை அனுமதி மறுப்பதாக மத்திய நிதியமைச்சர் நிர்மலா சீதாராமன் குற்றச்சாட்டு.
முன் அனுமதியின்றி பொதுஇடங்களில் எல்இடி திரைகள் வைத்து ராமர் கோயில் திறப்பு விழாவை ஒளிபரப்ப ஏற்பாடு செய்ததற்கு மட்டும் அனுமதி மறுக்கப்பட்டுள்ளதாக காவல்துறை விளக்கம்
Ayodhya Ramar Temple Consecration Ceremony Live Updates : காவல்துறை அனுமதி மறுப்பு
ராமர் கோயில் திறப்பு விழாவையொட்டி பொது இடங்களில் முறையான அனுமதியற்ற டிஜிட்டல் வீடியோ மூலமான திரையிடலுக்கு காவல்துறை அனுமதி மறுத்துள்ளது. முன் அனுமதி பெற்ற இடங்களில் சிறப்பு பூஜைகளுக்கு காவல்துறை அனுமதி கொடுத்துள்ளது.
Ayodhya Ramar Temple Consecration Ceremony Live Updates : காஞ்சிபுரம் கோயிலில் எல்இடி திரை அகற்றம்
காஞ்சிபுரம் கோயிலில் அனுமதியின்றி வைக்கப்பட்டிருந்த எல்இடி திரை அகற்றப்பட்டது. அயோத்தி ராமர் கோயில் திறப்பு விழாவை மத்திய நிதியமைச்சர் நிர்மலா சீதாராமன் பொதுமக்களுடன் அமர்ந்து காணும் வகையில் எல்இடி திரை வைக்கப்பட்டிருந்தது.
Ayodhya Ramar Temple Consecration Ceremony Live Updates : 300 இடங்களில் தீபங்கள் ஏற்றி வழிபாடு
அயோத்தியில் ராமர் கோயில் திறப்பு விழாவையொட்டி அமெரிக்காவின் பல்வேறு பகுதிகளில் தீபங்கள் ஏற்றி வழிபாடு நடத்தப்பட்டது.
Ayodhya Ramar Temple Consecration Ceremony Live Updates : பகவான் ஸ்ரீ ராம் லல்லாவின் திவ்ய தரிசனங்கள்
அயோத்தியில் கும்பாபிஷேகம் நடைபெற இருக்கும் ராமர் திவ்ய தரிசனங்கள்
Ayodhya Ramar Temple Consecration Ceremony Live Updates : அயோத்தியில் ராமர் கோயில்
அயோத்தியில் கும்பாபிஷேகம் நடைபெற இருக்கும் நிலையில் ராமர் கோயில் நுழைவு வாயிலின் பிரத்யேக காட்சிகள்
Ayodhya Ramar Temple Consecration Ceremony Live Updates : அயோத்தியில் மகிழ்ச்சி வெள்ளத்தில் பக்தர்கள்
அயோத்தியில் கும்பாபிஷேகம் நடைபெற இருக்கும் நிலையில் பக்தர்கள் ஆடிப் பாடி மகிழ்ந்து வருகின்றனர்.
Ayodhya Ramar Temple Consecration Ceremony Live Updates : பிரதமர் மோடி தலைமையில் கும்பாபிஷேகம்
பிரதமர் மோடி முன்னிலையில் அயோத்தி ராமர் கோயில் கும்பாபிஷேகம் நடைபெற இருக்கிறது. மதியம் 12.15 மணியில் இருந்து 12.45 மணி வரை கும்பாபிஷேகம் நடைபெற இருக்கிறது. சுமார் 40 நிமிடங்கள் பிரதமர் மோடி அயோத்தி ராமர் கோயிலில் இருப்பார் என கூறப்பட்டுள்ளது.
Ayodhya Ramar Temple Consecration Ceremony Live Updates : அயோத்தி ராமர் கோயில் விவரங்கள்
ராமர் கோயிலுக்கு கடந்த 2020ஆம் தேதி பிரதமர் மோடி அடிக்கல் நாட்டினார். அயோத்தி ராமர் கோயிலை ஸ்ரீ ராம ஜென்ம புமி தீர்த்த ஷேஷ்த்ரா அதிகாரிகள் நிர்வகிக்க உள்ளனர். இந்த கோயில், கிட்டத்தட்ட 2.7 ஏக்கர் அளவிற்கு கட்டப்பட்டுள்ளது. அதாவது, 380 அடி, 250 அகலம், 161 அடி உயரத்தில் கட்டப்பட்டுள்ளது. இந்த கோயில் மூன்று மாடி கட்டிடமாக கட்டப்பட்டுள்ளது. ஒரு மாடியின் தரைக்கும் அடுத்த மாடிக்கும் 20 அடி உயரம் என கோயிலின் நிர்வாக அதிகாரிகள் தெரிவித்துள்ளனர்
இந்த கோயில் 392 தூண்களும், 44 கதவுகளும் உள்ளது. மேலும், 5 மண்டாங்கள், ஒரு ஹால் ஆகியவை உள்ளதாம். இந்த கோயிலின் கிழக்கு திசையில் நுழையும் பக்தர்கள், 32 படிகள் ஏறி கோயிலுக்குள் நுழைய வேண்டுமாம். இதில், வயது முதிந்தவர்களுக்கும் மாற்று திறனாளிகளுக்கும் லிஃப்ட் மற்றும் ராம்ப் இருப்பதாக கோயில் நிர்வாகத்தினர் கூறுகின்றனர். இந்த கோயிலில் ஒரு இடத்தில் கூட இரும்பு உபயோகிக்கப்படவில்லை என்று கூறப்படுகிறது.
Ayodhya Ramar Temple Consecration Ceremony Live Updates : பால ராமர் சிலை சிறப்புகள்
இந்த சிலையின் மீது ஒவ்வொரு ஆண்டின் ராமநவமி தினத்தில் சூரியஒளி விழுவது போன்று வடிமைக்கப்பட்டுள்ளது. ராமநவமி தினத்தில் மதியம் 12 மணிக்கு சூரிய ஒளி நேரடியாக ராமரின் நெற்றியின் விழும்படி கோவில் கருவறை வடிவமைக்கப்பட்டுள்ளது.
Ayodhya Ramar Temple Consecration Ceremony Live Updates : பால ராமர் சிலை சிறப்புகள்
ராமர் சிலையை சுற்றிய அலங்காரத்தில் சங்கு, சக்கரம், தாமரை, கதை, பிரணவம், சுவத்திகம், போன்ற சிற்பங்கள் இடம் பெற்றுள்ளன. சிலையின் கீழ் பகுதியில் நவகிரங்களான சூரியன், புதன், சுக்கிரன், குரு, ராகு கேது, வெள்ளி, சந்திரன், செவ்வாய், சனி உள்ளிட்டவற்றின் சிற்பங்கள் உள்ளன.
Ayodhya Ramar Temple Consecration Ceremony Live Updates : பால ராமர் சிலை சிறப்புகள்
அயோத்தி ராமர் கோயிலில் இருக்கும் சிலை ராமர் விஷ்ணுவின் அவதாரமாக உள்ளார். இந்நிலையில் தான் ராமர் சிலையை சுற்றி விஷ்ணுவின் 10 அவதார வடிவங்கள் சிற்பமாக இடம்பெற்றுள்ளது. மச்சம், கூர்மம், வராகம், நரசிம்மம், வாமனம்,பரசுராமர், ராமர், கண்ணன், புத்தர், கல்கி ஆகிய தசாவதாரங்கள் சிற்பங்களாக உள்ளன. அதுமட்டுமின்றி பிரம்மனும், ருத்திரனும் இரண்டு பக்கமும் சிற்பங்களாக செதுக்கப்படுள்ளன. ஒரு பக்கம் அனுமனும் மற்றொரு பக்கம் கருடனும் சிற்பங்களாக செதுக்கப்பட்டுள்ளன.
Ayodhya Ramar Temple Consecration Ceremony Live Updates : பால ராமர் சிலை சிறப்புகள்
அயோத்தி ராமர் கோயிலில் இருக்கும் சிலை வடிவமைக்கப்பட்டுள்ள கல்லின் பெயர் கிருஷ்ண ஷிலா. இது கர்நாடகாவின் மைசூரு மாவட்டத்தில் உள்ள எச்டி கோட் தாலுகாவில் உள்ள புஜ்ஜேகவுடனபுரா கிராமத்தில் உள்ள பாறையில் இருந்து வெட்டி எடுக்கப்பட்டுள்ளது. அதன்பிறகு பல டன் எடை கொண்ட ஒற்றை கல்லில் இருந்து 200 கிலோ எடையுடன் கலைநுட்பத்துடன் சிலை செதுக்கப்பட்டுள்ளது. இந்த சிலைக்கு தொடர்ந்து தண்ணீர், பால் அபிேஷகம் செய்தாலும் எந்த பிரச்சனையும் ஏற்படாது.
Ayodhya Ramar Temple Consecration Ceremony Live Updates : மிகப்பெரிய பால ராமர் சிலை
அயோத்தி ராமர் கோயிலில் இருக்கும் சிலையானது, இந்தியாவிலேயே மிகப்பெரிய பால ராமர் சிலையாகும். இந்த சிலையின் வடிவமைப்பு மிகவும் அழகாகவும், நேர்த்தியாகவும் உள்ளது.
Ayodhya Ramar Temple Consecration Ceremony Live Updates : பால ராமர் சிலையில் சிறப்புகள்
அயோத்தியில் அமைக்கப்பட்டுள்ள ராமர் கோயிலில் இடம்பெற்றுள்ள பால ராமர் நின்ற கோலத்தில் இருக்கிறார். தாமரை பீடத்தின் மேல் வீற்றிருப்பது போல் வடிவமைக்கப்பட்டுள்ளது.
Ayodhya Ramar Temple Consecration Ceremony Live Updates : முதன்முறையாக மின்னொயில் அயோத்தி ராமர் கோயில்
அயோத்தி ராமர் கோயில் கும்பாபிஷேகத்தையொட்டி முதன்முறையாக புதிதாக கட்டப்பட்ட ராமர் கோயில் மின்னொளியில் மிளிர்ந்தது.
Ayodhya Ramar Temple Consecration Ceremony Live Updates : குஜராத்தில் தொடங்கிய விளக்கு வழிபாடு
அயோத்தி ராமர் கோயில் கும்பாபிஷேகத்தையொட்டி குஜராத் உள்ளிட்ட பல்வேறு முக்கிய பகுதிகளில் விளக்கு ஏற்றி பெண்கள் வழிபட தொடங்கியுள்ளனர்.
Ayodhya Ramar Temple Consecration Ceremony Live Updates : அயோத்தி ராமர் கோயிலின் பிரத்யேக காட்சிகள்
Ayodhya Ramar Temple Consecration Ceremony Live Updates : ராமர் கோயிலுக்கு குவியும் நன்கொடை
அயோத்தி ராமர் கோயிலுக்கு உலகெங்கும் இருந்து நன்கொடைகள் குவிகின்றன. இந்தியாவைப் பொறுத்தவரை பக்தர்கள் அதிகம் நன்கொடை தரும் கோவிலாக திருப்பதி வெங்கடாஜலபதி கோவில் உள்ளது. கடந்த 3 ஆண்டுகளாக சராசரியாக ஆண்டுக்கு ரூ.1,500 கோடி வீதம் மொத்தம் ரூ.4 ஆயிரத்து 500 கோடி வரை பக்தர்கள் நன்கொடை தந்து உள்ளனர்.
அதே போல் ராமர் கோவில் கட்டுமானத்திற்காக கடந்த 3 ஆண்டுகளில் மட்டும் சுமார் ரூ.5 ஆயிரம் கோடி வரை பக்தர்கள் நன்கொடை தந்து உள்ளனர். இது சராசரியாக ஆண்டுக்கு ரூ.1666 கோடியாக இருக்கிறது. எனவே வருங்காலங்களிலும் இதேநிலை நீடிக்கும்பட்சத்தில் ராமர் கோவில் வருமானம், திருப்பதி ஏழுமலையான் கோவிலை மிஞ்சுவதற்கு வாய்ப்பு இருக்கிறது.
Ayodhya Ramar Temple Consecration Ceremony Live Updates : கும்பாபிஷேகத்தில் பங்கேற்கும் முக்கிய பிரபலங்கள்
அயோத்தி ராமர் கோயில் கும்பாபிஷேக விழாவில் பங்கேற்க அமிதாப் பச்சன், கங்கனா ரனாவத், சூப்பர் ஸ்டார் ரஜினிகாந்த் உள்ளிட்ட நாடு முழுவதும் சுமார் 7 ஆயிரம் முக்கிய பிரபலங்களுக்கு அழைப்பு விடுக்கப்பட்டுள்ளது. ரஜினிகாந்த் உள்ளிட்ட முக்கிய பிரபலங்கள் அயோத்தியை சென்றடைந்தனர்.
Ayodhya Ramar Temple Consecration Ceremony Live Updates : காவல்துறை கட்டுப்பாட்டில் அயோத்தி
அயோத்தி ராமர் கோயில் கும்பாபிஷேகம் நடைபெற இருக்கும் நிலையில், காவல்துறையின் முழுக்கட்டுப்பாட்டில் அயோத்தி நகரம் வந்தடைந்தது. மத்திய, மாநில காவல்துறைகளைச் சேர்ந்த சுமார் 30 ஆயிரத்துக்கும் மேற்பட்ட காவல்துறையினர் பாதுகாப்பு பணியில் ஈடுபட்டுள்ளனரம். நகரம் முழுவதும் சுமார் 10 ஆயிரம் கண்காணிப்பு கேமராக்கள் பொருத்தப்பட்டுள்ளது.
Ayodhya Ramar Temple Consecration Ceremony Live Updates : அயோத்தி ராமர் விழா: சங் பரிவார்களின் சதி அரசியல்
அப்பாவி இந்து மக்களை ஏய்க்கும் தேர்தல் பிரச்சார அரசியல் விழா. சங் பரிவார்களின் சதி அரசியலை முறியடிக்க அனைத்து தரப்பு இந்து மக்கள் அணிதிரள வேண்டும் என திருமாவளவன் வேண்டுகோள்.
Ayodhya Ramar Temple Consecration Ceremony Live Updates : வண்ண விளக்குகளால் ஜொலிக்கும் ராமர் கோயில்
அயோத்தி ராமர் கோவிலில் இன்று கும்பாபிஷேவிழா நடைபெற உள்ளது. இந்த நிலையில், அயோத்தி ராமர் கோவில் வண்ண விலக்குகளால் அலங்கரிக்கப்பட்டு இருந்தது. இதனால் ராமர் கோவில் வளாகம் முழுவதும் அலங்கார விளக்குகளால் ஜொலிக்கிறது.
Ayodhya Ramar Temple Consecration Ceremony Live Updates : விழாக்கோலம் பூண்டுள்ள அயோத்தி
உத்தரப்பிரதேச மாநிலம் அயோத்தியில் இன்று நடைபெறும் ராமர் கோவில் திறப்பு விழாவை முன்னிட்டு, நாடு முழுவதும் திருவிழா கோலம் பூண்டுள்ளது. அயோத்தி நகரில் சாரை சாரையாக பெரும் எண்ணிக்கையில் பக்தர்கள் குவிந்துள்ளனர்.
Ayodhya Ramar Temple Consecration Ceremony Live Updates : அயோத்தி ராமர் கோயில் சிலை எப்படி இருக்கும்?
அயோத்தி ராமர் கோயிலின் கருவறையில் வைப்பதற்கான 51 அங்குல உயரம் கொண்ட பால ராமர் சிலை, மைசூருவை சேர்ந்த சிற்பி அருண் யோகிராஜ் என்பவரால் வடிவமைக்கப்பட்டுள்ளது. ராஜ உடையில், நின்ற கோலத்தில் செதுக்கப்பட்ட பால ராமர் சிலை, வேத மந்திரங்கள் முழங்க, சிறப்பு பூஜைகளுக்கு பின்னர் கோவில் கருவறையில் வைக்கப்பட்டது. தற்போது, சிலையில் கண்கள் மஞ்சள் துணியால் மூடிவைக்கப்பட்டு உள்ளது. சிலை பிரதிஷ்டை செய்யப்படும்போது துணி அகற்றப்படும்.
Ayodhya Ramar Temple Consecration Ceremony Live Updates : அயோத்தி ராமர் கோயில் கும்பாபிஷேக ஏற்பாடுகள்
கும்பாபிஷேகத்துக்கான சிறப்பு பூஜைகள் கடந்த 16-ந் தேதி தொடங்கின. சரயு நதியில் இருந்து புனித நீர் நிரப்பப்பட்ட கலசங்கள், சிறப்பு பூஜைக்கு பிறகு ஊர்வலமாக கோவில் வளாகத்துக்கு எடுத்து வரப்பட்டன. கோவில் வளாகத்தில் அமைக்கப்பட்டுள்ள பிரமாண்ட யாகசாலையில் அந்த கலசங்கள் வைக்கப்பட்டு சிறப்பு பூஜை செய்யப்பட்டு வருகிறது. 100க்கும் மேற்பட்ட ஆச்சார்யார்கள் இந்த பூஜைகள் மற்றும் யாகங்களை நடத்தி வருகிறார்கள்.
Ayodhya Ramar Temple Consecration Ceremony Live Updates : அயோத்தி ராமர் கோயிலின் அமைப்பு
அயோத்தியில் ராமர் பிறந்த இடமாக கருதப்படும் இடத்தில் ராமர் கோவில் கட்ட கடந்த 2019-ம் ஆண்டு சுப்ரீம் கோர்ட்டு அனுமதி அளித்தது. அதைத்தொடர்ந்து, ராமர் கோவில் கட்டுமான பணிகளை கடந்த 2020-ம் ஆண்டு ஆகஸ்டு 5-ந் தேதி பிரதமர் மோடி அடிக்கல் நாட்டி தொடங்கி வைத்தார். கட்டுமான பணிகள் ஸ்ரீராமஜென்மபூமி தீர்த்த ஷேத்ர அறக்கட்டளை மேற்பார்வையில் நடந்து வந்தது.
உலகம் முழுவதும் இருந்து பக்தர்கள் அளித்த நன்கொடை மூலம் கோவில் கட்டுமான பணிகள் நடந்தது. நாகரா பாணியில் கட்டப்பட்ட கோவில் வளாகம், 380 அடி நீளம், 250 அடி அகலம் மற்றும் 161 அடி உயரம் கொண்ட பிரமாண்டமாக உள்ளது. கோவிலின் ஒவ்வொரு தளமும் 20 அடி உயரம் கொண்டது. மொத்தம் 392 தூண்கள் மற்றும் 44 வாயில்களை கொண்டுள்ளது.
Ayodhya Ramar Temple Consecration Ceremony Live Updates : கோவிலின் கும்பாபிஷேகம் மற்றும் பால ராமர் சிலை பிரதிஷ்டை ஆகியவை இன்று பகல் 12.20 மணிக்கு நடக்கிறது.
Ayodhya Ramar Temple Consecration Ceremony Live Updates : அயோத்தி ராமர் கோயில் கும்பாபிஷேகம் இன்று காலை கோலாகலமாக நடைபெற இருக்கிறது.