Maharashtra Election Results 2024 | மோடி கூட்டணிக்கு பெரிய வெற்றியை பரிசாக அளித்த மகாராஷ்டிரா மக்கள்

Maharashtra Election Results 2024 Latest News In Tamil: மகாராஷ்டிராவில் பாரதீய ஜனதா கட்சி தலைமையிலான (BJP) மஹாயுதி கூட்டணி மீண்டும் ஒரு பெரிய வெற்றியுடன் ஆட்சிக்கு வர உள்ளது, சட்டமன்ற தேர்தல் முடிவுகளின் போக்குகளின்படி. 2019 தேர்தலுடன் ஒப்பிடுகையில், கூட்டணிக்கு குறிப்பிடத்தக்க அளவில் ஆதரவு கிடைத்துள்ளது. அதன் வளர்ச்சியை மையமாகக் கொண்ட ஆட்சிக்கு வாக்காளர்கள் பெருமளவில் ஆதரித்துள்ளனர்.

மஹாயுதி கூட்டணி பெரும்பான்மை

பிற்பகல் 12.30 மணி நிலவரப்படி, பாஜக 125 இடங்களிலும், ஏக்நாத் ஷிண்டே தலைமையிலான சிவசேனா 55 தொகுதிகளிலும் முன்னிலை பெற்றுள்ளது. தேசியவாத காங்கிரஸ் கட்சியின் (என்சிபி) அஜித் பவாரின் அணி 37 இடங்களில் முன்னிலை பெற்றுள்ளது.

மகா விகாஸ் அகாடி பின்னடைவு

இதற்கு மாறாக, எதிர்க்கட்சியான மகா விகாஸ் அகாடி (எம்.வி.ஏ) தொகுதி குறிப்பிடத்தக்க பின்னடைவை சந்தித்துள்ளது. காங்கிரஸ் 19 இடங்களிலும், சிவசேனா (யுபிடி) 20 இடங்களிலும், சரத் பவார் தலைமையிலான என்சிபி (எஸ்பி) 13 இடங்களிலும் முன்னணியில் உள்ளன. சிறிய கட்சிகள் மற்றும் சுயேச்சைகள் 20 தொகுதிகளில் முன்னிலை பெற்றனர்.

மகாராஷ்டிரா தேர்தலில் அரசியல் கட்சிகள் போட்டியிட்ட இடங்கள்

இந்த முறை மகாராஷ்டிராவில் பாஜக 149 இடங்களிலும், சிவசேனா 81 இடங்களிலும், அஜித் பவாரின் என்சிபி அணி 59 இடங்களிலும் போட்டியிட்டன. எதிர்க்கட்சிகள் தரப்பில் காங்கிரஸ் 101 இடங்களிலும், சிவசேனா (யுபிடி) 95 இடங்களிலும், சரத் பவாரின் (என்சிபி) 86 இடங்களிலும், பிஎச்பி (BSP) 237 இடங்களிலும், எஐஎம்எம் (AIMIM) 17 இடங்களிலும் போட்டியிட்டன. 

மத்திய உள்துறை அமைச்சர் அமித் ஷா வாழ்த்து

2024 சட்டமன்றத் தேர்தலில் மகாயுதி கூட்டணி அமோக வெற்றியை நெருங்கியுள்ள நிலையில், மகாராஷ்டிர முதல்வர் ஏக்நாத் ஷிண்டே, துணை முதல்வர் அஜித் பவார் மற்றும் தேவேந்திர ஃபட்னாவிஸ் ஆகியோருக்கு மத்திய உள்துறை அமைச்சர் அமித் ஷா வாழ்த்து தெரிவித்தார்.

மஹாயுதி கூட்டணி பெரும்பான்மையை தாண்டி, மதியம் 1:00 மணி நிலவரப்படி 200 இடங்களுக்கு மேல் முன்னிலை வகித்தது. பாஜகவின் மும்பை அலுவலகத்தில் கட்சித் தொண்டர்கள் வெற்றியைக் கொண்டாடி வருகின்றனர். ஷிண்டே மற்றும் ஃபட்னாவிஸின் வீடுகளுக்கு இனிப்புகள் கொண்டு செல்லப்பட்டன.

மகாராஷ்டிர மக்களுக்கு வாழ்த்துக்கள் -நிதின் கட்கரி

மஹாயுதி மகத்தான வெற்றியை நெருங்கும் நிலையில் பாஜகவின் மத்திய அமைச்சர் நிதின் கட்கரி வாழ்த்துக்கள் தெரிவித்துள்ளார்.

செய்தியாளர்கள்' சந்திப்பு

மகாராஷ்டிர முதல்வர் ஏக்நாத் ஷிண்டே, துணை முதல்வர்கள் தேவேந்திர ஃபட்னாவிஸ் மற்றும் அஜித் பவார் ஆகிய இருவருடனும் மாலை 3 மணிக்கு வர்ஷாவில் செய்தியாளர்களை சந்திக்கிறார். அதைத் தொடர்ந்து, மகாராஷ்டிர நாரிமன் பாயின்ட்டில் உள்ள பாஜக அலுவலகத்தில் பிற்பகல் 3:30 மணிக்கு நடைபெறும் கொண்டாட்டத்தில் தேவேந்திர ஃபட்னாவிஸ் கலந்து கொள்கிறார்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!