பெங்களூரு: தன் காதலனுக்காக வீட்டில் இருந்த தன் தாயின் சுமார் ஒரு கிலோ எடையுள்ள தங்க நகைகளை திருடி போலி தங்க நகைகளை கொண்டுவந்து வீட்டில் வைத்த மகள் மற்றும் அவளுடைய காதலன் அம்ருதஹள்ளி போலீசார் கைது செய்துள்ளனர். இப்படி ஒரு சம்பவம் கர்நாடகா மாநிலத்தில் அரங்கேறியுள்ளது. 


COMMERCIAL BREAK
SCROLL TO CONTINUE READING

அம்ருதஹள்ளியின் ஜக்கூர் லே அவுட்டில் வசிக்கும் ரத்னம்மா என்பவர் கொடுத்த புகாரின் மீது வழக்கு பதிவு செய்து அவருடைய மகள் தீப்தி (24), மற்றும் அவளுடைய காதலன் மதன் (27) என்பவனை கைது செய்து விசாரணை நடந்து வருவதாக டி சி பி டாக்டர் அனூப் ஷெட்டி தெரிவித்தார். 


மேலும் படிக்க: 100க்கும் மேற்பட்ட கொள்ளை வழக்குகள் ; கைதேர்ந்த கொள்ளையனின் பகீர் பின்னணி..!


கைது செய்யப்பட்டவர்களிடமிருந்து 36 லட்சம் மதிப்புள்ள 725 கிராம் எடையுள்ள பல தங்க நகைகள் மற்றும் திருடிய நகைகளை விற்றதால் வந்த பணத்தில் வாங்கிய சுமார் 6 லட்ச ரூபாய் மதிப்புள்ள 3 கார்களையும் போலீசார் கைப்பற்றியுள்ளனர்.



ஜக்கூர் லேஅவுட்டில் ரத்னம்மா மற்றும் அவருடைய மகள் தீப்தி இருவரும் வசித்து வந்தனர். ரத்னம்மா தையல் பணி செய்துவந்தார். மகள் சிறிய வேலைகள் செய்து வந்துள்ளாள். ஏற்கெனவே திருமணம் ஆகியிருந்த தீப்தி கணவனிடமிருந்து விவாகரத்து பெற்றிருந்தார். 


இதற்கிடையில் வாகனம் ஓட்டும் பயிற்சிக்காக மதன் நடத்திவந்த ஓட்டுநர் பயிற்சி நிலையத்தில் சேர்ந்து கொண்டாள் . இங்கு மதனுக்கும் தீப்திக்கும் ஆரம்பித்த நட்பு நாளடைவில் காதலாக மாறியுள்ளது. மதனுக்கு திருமணமாகி இரண்டு குழந்தைகள் இருந்தும் தீப்தியின் காதலுக்கு ஒப்புக்கொண்டுள்ளான். 


மதனின் காதலுக்கு அடிமையாகிவிட்ட தீப்தி தன் காதலனை மகிழ்விக்க வீட்டிலிருந்து தங்க நகைகளை திருடி வந்துள்ளாள் என அனூப் ஷெட்டி தெரிவித்தார்.


மேலும் படிக்க: தகாத உறவை கைவிட சொன்ன இரண்டாவது காதலனை அடித்து கொலை செய்த பெண்..!



சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link - https://bit.ly/3hDyh4G


Apple Link - https://apple.co/3loQYeR