எல்லை தாண்டிய PUBG காதல்... இந்துவாக மாறிய பாகிஸ்தான் பெண்...!

பப்ஜி காதலர் சச்சின் மீனாவுடன் இணைந்து வாழ தனது நான்கு குழந்தைகளுடன் சட்டவிரோதமாக இந்தியாவுக்குள் நுழைந்த பாகிஸ்தான் பெண்ணான சீமா ஹைதரை, உத்தர பிரதேசத்தின் ரபுபுரா காவல்துறை கடந்த ஜூலை 3ஆம் தேதி, கைது செய்தது. சீமா ஹைதர், நொய்டாவில் வசிக்கும் அவரது காதலன் சச்சினுடன் வாழ்வதற்காக இந்தியா வந்ததாக தகவல்கள் தெரிவித்தன. இந்த சம்பவம் நடந்து சில நாள்களுக்கு பின், தற்போது சீமாவின் கணவர் குலாம் ஹைதர், தனது நான்கு குழந்தைகளையும் பாகிஸ்தானுக்கு பாதுகாப்பாகத் திரும்பப் அனுப்ப உறுதிசெய்யுமாறு இந்திய அரசிடம் வேண்டுகோள் விடுக்கும் வகையில் உருக்கமான வீடியோ ஒன்றை வெளியிட்டார். 

முன்னதாக, சீமா சவூதி அரேபியாவில் இருந்து ஷார்ஜா வழியாக நேபாளத்திற்குச் சென்று காத்மாண்டுவில் சச்சினுடன் ஒரு வாரத்திற்கு மேல் நாள்களைச் செலவிட்டுள்ளார். அதைத் தொடர்ந்து, சீமா நேபாளத்திலிருந்து பேருந்து மூலம் இந்தியாவிற்குள் நுழைந்து, மே 13ஆம் தேதி முதல் சச்சினுடன் வசிக்கத் தொடங்கினார். இருப்பினும், அவர்கள் இருப்பது கண்டுபிடிக்கப்பட்ட பின் கைது செய்யப்பட்டனர். 

சவுதி அரேபியாவில் டைல்ஸ் தொழிலில் பணிபுரியும் குலாம் ஹைதர், தனது வீடியோவில், தனது நான்கு மகள்களையும் பாகிஸ்தானுக்கு திருப்பி அனுப்புவதற்கு வசதியாக இந்திய அரசிடம், குறிப்பாக பிரதமர் நரேந்திர மோடியிடம் பணிவுடன் வேண்டுகோள் விடுத்தார். இந்நிலையில், கைது செய்யப்பட்ட சீமா ஹைதர் மற்றும் சச்சின் மீனா ஆகிய இருவருக்கும் ஒரு நாள் முன்பு நகர நீதிமன்றத்தால் ஜாமீன் வழங்கப்பட்டது. ஜாமீன் கிடைத்த பின் பாகிஸ்தானின் சீமா ஹைதர் மற்றும் அவரது இந்திய காதலர் சச்சின் மீனா இருவரும் மழையில் நனைந்தபடி சனிக்கிழமையன்று கிரேட்டர் நொய்டாவில் உள்ள தங்கள் ரபுபுரா வீட்டிற்குத் திரும்பினர்.

சிறையில் இருந்து வெளியே வந்த இருவரும், தாங்கள் மகிழ்ச்சியாக இருப்பதாகவும், திருமணம் செய்து கொள்வதற்கான அனைத்து ஆவண  வேலைகளையும் முடித்து விரைவில் திருமணம் செய்து கொள்ள திட்டமிட்டுள்ளதாகவும் தெரிவித்தனர். சீமா தான் இந்து மதத்தை ஏற்றுக்கொண்டதாகவும், சச்சினின் பெயரை வைத்துக் கொள்ள ஹைதர் என்ற தனது குடும்பப்பெயரை நீக்கி விட்டதாகவும் கூறினார். "சீமா என்பது இந்துக்கள் மற்றும் முஸ்லீம்களுக்கு பொதுவான பெயர், எனவே எனது முதல் பெயரை மாற்ற வேண்டியதில்லை என்று சச்சின் கூறினார். நான் என்னை சீமா அல்லது சீமா சச்சின் என்று அழைப்பேன். நாங்கள் எனது குழந்தைகளின் பெயர்களை ராஜ், பிரியங்கா, பாரி மற்றும் முன்னி என்று மாற்றியுள்ளோம்," என்று அவர் கூறினார்.

முன்னதாக, சச்சின் உடன் இணைந்த சீமா, ஆரம்பத்தில், தான் டெல்லியிலிருந்து வந்தவர் என்றும் சச்சினை திருமணம் செய்து கொண்டதாகவும் அண்டை வீட்டாரிடம் கூறுவார். அவள் உணர்வுபூர்வமாக உருதுவைத் தவிர்த்து, அதிக ஹிந்தி வார்த்தைகளைப் பயன்படுத்தினாள். இருப்பினும், விரைவில் ஒரு பாகிஸ்தானில் வசிப்பதாக மக்கள் கிசுகிசுக்கத் தொடங்கினர், மேலும் போலீசார் புகாரின் அடிப்படையில் தேடுதலைத் தொடங்கினர். தம்பதியினர் பல்லப்கருக்கு தப்பி ஓடிவிட்டனர், ஆனால் ஜூலை 4 அன்று கைது செய்யப்பட்டனர்.

சனிக்கிழமையன்று, சச்சின் சீமாவுடன் வீட்டில் இருப்பது மகிழ்ச்சியாக இருந்தது என்றார். "எனது குடும்ப உறுப்பினர்கள் சீமாவை அவரது குழந்தைகளுடன் ஏற்றுக்கொண்டுள்ளனர். சீமாவுக்கு இந்திய குடியுரிமை வழங்க உத்தரபிரதேச முதல்வர் யோகி ஆதித்யநாத் மற்றும் பிரதமர் நரேந்திர மோடியை நான் கேட்டுக்கொள்கிறேன். பாரம்பரிய இந்து முறைப்படி திருமணத்தை நடத்த திட்டமிட்டுள்ளோம்," என்று அவர் கூறினார். இந்த ஆண்டு மார்ச் 13 ஆம் தேதி காத்மாண்டுவில் திருமணம் செய்து கொண்டதாகவும், ஆனால் தங்களிடம் ஆவணமோ சாட்சியோ இல்லை என்று தம்பதியினர் தெரிவித்தனர்.

இதற்கிடையில், சவுதி அரேபியாவில் பணிபுரியும் சீமாவின் கணவர் குலாம் ஹைதர் வீடியோ செய்தியில் கூறியிருப்பதாவது: விவாகரத்து செய்யாத ஒரு பெண்ணை ஆணுடன் திருமணம் செய்ய இஸ்லாமோ, இந்து மதமோ அனுமதிப்பதில்லை. சீமாவை திருப்பி அனுப்ப மோடி அரசை வலியுறுத்துகிறேன்” என்றார். இருப்பினும், சீமா, தனது கணவர் தன்னை தொலைபேசியில் விவாகரத்து செய்ததாகவும், அவர்கள் நீண்ட காலமாக தொடர்பில் இல்லை என்றும் கூறினார். சச்சினின் பெற்றோர்கள் கங்கா ஸ்னானம் (கங்கையில் புனித நீராடல்) செய்வித்து இந்து பாரம்பரியத்தின்படி தம்பதியினருக்கான முறையான திருமண விழாவை விரைவில் நடத்த திட்டமிட்டுள்ளதாக தெரிவித்தனர். 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ