கார் சக்கரத்தில் மாட்டிய ஆடை; சாலையில் இழுத்து செல்லப்பட்டு பரிதாபமாக இறந்த பெண்!

புதுடெல்லி: டெல்லியின் புறநகர் பகுதியில் ஸ்கூட்டர் விபத்தில் சிக்கி, கார் சக்கரத்தில் ஆடைகள் சிக்கியதில் சிறுமி பரிதாபமாக உயிரிழந்த சம்பவம் அதிர்ச்சியை ஏற்படுத்தியுள்ளது. சனி - ஞாயிறு இரவு  நடந்த இந்த விபத்தில் சிறுமியின் ஆடைகள் கிழிந்த நிலையில், அவரது நிர்வாண உடலை போலீசார் கண்டுபிடித்தனர்.

முன்னதாக, அவர் பாலியல் பலாத்காரம் செய்யப்பட்டு,  இழுத்துச் செல்லப்படுவதற்கு முன்பு கொலை செய்யப்பட்டிருக்கலாம் என்று சந்தேகிக்கப்பட்டது.  ஆனால் தற்போது அவர் விபத்தில் கொல்லப்பட்டதாகவும், அவரது உடல் காரில் சிக்கியதாகவும் போலீசார் கூறியுள்ளனர்.

அதிகாலை 3.24 மணியளவில் தங்களுக்கு இந்த விவகாரம் தொடர்பாக அழைப்பு வந்ததாக மூத்த போலீஸ் அதிகாரி ஒருவர் தெரிவித்தார். அதிகாரி மேலும் கூறுகையில், "ஒரு பெண்ணின் உடலை பலேனோ காரில் இழுத்துச் செல்லப்படுவதாக அழைப்பாளர் கூறினார். கஞ்சவாலா காவல் நிலையக் குழு அழைப்பாளரின் மொபைல் எண்ணின் மூலம் பலமுறை தொடர்பு கொண்ட நிலையில், பின்னர் அந்த வாகனம் சாம்பல் நிற பலேனோ கார் என அழைப்பாளர் அடையாளம் காட்டினார்."

PCR அழைப்பைப் பெற்ற பிறகு, ஒரு போலீஸ் குழு சம்பவ இடத்திற்கு அனுப்பப்பட்டது, மேலும் செக் போஸ்டில் பணியில் நிறுத்தப்பட்ட ஊழியர்களுக்கு அறிவிக்கப்பட்டது. வாகனத்தைத் தேடும் செய்தியும் திரையில் ஒளிர்ந்தது. பின்னர், அதிகாலை 4:11 மணியளவில், கஞ்சவாலா பகுதியில் ஒரு சடலம் கிடப்பது குறித்து காவல்துறைக்கு இரண்டாவது PCR அழைப்பு வந்தது.

ரோகினி மாவட்ட குற்றப்பிரிவும் சம்பவ இடத்திற்கு வரவழைக்கப்பட்டது. குற்றப் புலனாய்வுப் பிரிவினர் சம்பவ இடத்தை ஆய்வு செய்து, பல்வேறு கோணங்களில் புகைப்படம் எடுத்து, குற்றம் நடந்த இடத்தில் இருந்து காட்சிப் பொருட்களை அகற்றினர்.

அதைத் தொடர்ந்து, இறந்தவரின் உடல் மங்கோல்புரியில் உள்ள எஸ்ஜிஎம் மருத்துவமனைக்கு கொண்டு செல்லப்பட்டது, அங்கு நோயாளி இறந்துவிட்டதாக மருத்துவர் அறிவித்தார். கார் கண்டுபிடிக்கப்பட்டதாகவும், விசாரணையில், சுல்தான்புரி காவல் நிலையம் அருகே கார் விபத்தில் சிக்கியதாக வாகனத்தில் இருந்தவர்கள் கூறியதாகவும் அந்த அதிகாரி குறிப்பிட்டார்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ