காஷ்மீரில் துப்பாக்கிச் சண்டையில் 2 பயங்கரவாதிகள் பலி

காஷ்மீரின் ஸ்ரீநகரில் நடந்த துப்பாக்கிச் சண்டையில் 2 பயங்கரவாதிகள் சுட்டுக் கொல்லப்பட்டுள்ளனர். 

ஜம்மு அருகே இன்று பாதுகாப்பு படையினருக்கும் பயங்கரவாதிகளுக்கும் இடையிலான மோதலில் இரண்டு பயங்கரவாதிகள் கொல்லப்பட்டனர். இதில் சிஆர்பிஎப் வீரர் ஒருவரும் வீரமரணம் அடைந்துள்ளார்.

காஷ்மீரின் ஸ்ரீநகரை அடுத்த பரிம்போரா சோதனைச் சாவடி அருகே, பாதுகாப்பு படையினரை குறிவைத்து பயங்கரவாதிகள் தாக்குதல் நடத்தி உள்ளனர். இதில் சிஆர்பிஎப் வீரர் வீரமரணம் அடைந்தார். அவரை தாக்கிய 2 பயங்கரவாதிகள் சுட்டுக் கொல்லப்பட்டனர். அவர்களிடம் இருந்து துப்பாக்கிகள் உள்ளிட்ட பயங்கர ஆயுதங்கள் கைப்பற்றப்பட்டுள்ளன. 

இந்நிலையில் தாக்குதலைத் தொடர்ந்து, பாதுகாப்புப் படையினர் அந்தப் பகுதியை சுற்றி வளைத்து, சம்பவம் குறித்து விசாரணையைத் தொடங்கினர்.