ரயில்களில் செல்லப்பிராணிகளை கொண்டு செல்லலாமா... விதிகள் சொல்வது என்ன?

Pets Rule In Indian Railways: பயணிகளின் ரயில் பயணத்தை எளிதாகவும் வசதியாகவும் செய்ய இந்திய ரயில்வே பல்வேறு விதிகளை வைத்துள்ளது. சிறப்பு ரயில் சேவைகளைத் தொடங்குவது முதல் செல்லப்பிராணிகளை ரயிலில் அனுமதிப்பது வரை, பயணிகளுக்கு வசதியை வழங்குவதில் இந்திய ரயில்வே எதையும் விட்டுவைக்கவில்லை. 

செல்லப்பிராணிகள் உண்மையில் குடும்ப உறுப்பினர்களைப் போலவே இருக்கின்றன. எனவே, இந்திய ரயில்வே சட்டப்பூர்வ அமைப்பின் சில வழிகாட்டுதல்களைப் பின்பற்றுவதன் மூலம் பயணிகள் தங்கள் செல்லப்பிராணிகளுடன் பயணிப்பதை மிகவும் எளிதாக்கியுள்ளது. 

விதிகள் என்னென்ன?

யானைகள் முதல் பறவைகள் வரை விலங்குகளின் அளவைப் பொறுத்து பின்பற்ற வேண்டிய விதிமுறைகள் மற்றும் வழிகாட்டுதல்களை ரயில்வே கொண்டுள்ளது. சில விலங்குகள் தனித்தனியாக நியமிக்கப்பட்ட பெட்டிகளில் கொண்டு செல்லப்பட வேண்டும் என்றாலும், பூனைகள் மற்றும் நாய்கள் போன்ற வீட்டு விலங்குகள் அதே பெட்டிகளில் தங்கள் அதன் உரிமையாளர்களிடம் இருக்கலாம்.

இந்த விதியின் கீழ், கடந்தாண்டு பயணி ஒருவர் தனது செல்லப் பிராணியுடன் பயணம் மேற்கொண்டதை அடுத்து, இந்திய ரயில்வேக்கு நன்றி தெரிவித்து ட்விட்டரில் பதிவிட்டுள்ளார். "இந்திய ரயில்வேக்கு மிக்க நன்றி. நான் விதிமுறைகளை பின்பற்றினேன், எனக்கும் என் செல்லப்பிள்ளை குஸ்ஸிக்கும் ஒரு கூபே ஒதுக்கப்பட்டது. நாங்கள் இருவரும் இப்போது மிகவும் மகிழ்ச்சியாக இருக்கிறோம்" என்று அந்த பயணி ட்வீட் செய்துள்ளார். இதற்கு இந்திய ரயில்வே ஒரு ட்வீட்டில் பதிலளித்திருந்தது குறிப்பிடத்தக்கது.

செல்லப்பிராணிகளை அழைத்துச்செல்ல இதையெல்லாம் தெரிஞ்சிக்கோங்க:

1) செல்லப்பிராணிகளுடன் பயணிக்க, பயணிகள் முழு கூபேயையும்- இரண்டு அல்லது நான்கு பெர்த்களை- ஏசி முதல் வகுப்பு மற்றும் முதல் வகுப்பு பெட்டிகளில் மட்டுமே முன்பதிவு செய்ய வேண்டும்.

2) பயணிகள் தங்கள் செல்ல நாய்களை, நாய்களுக்கான பெட்டிகளில் இரண்டாம் வகுப்பு சாமான்கள் மற்றும் பிரேக் வேனில் கொண்டு செல்லலாம். ராஜ்தானி மற்றும் சதாப்தி விரைவு ரயில்களில் நாய்களுக்கு என்றே தனித்த பெட்டிகள் உள்ளன.

3) செல்லப்பிராணியை நாய்களுக்கான பெட்டியில் கொண்டு சென்றால், ஒரு கிலோவிற்கு ரூ.30 செல்ல நாய் உரிமையாளரிடம் இருந்து வசூலிக்கப்படும். இதற்கிடையில், செல்லப்பிராணியின் உரிமையாளர்கள் பயணிகள் பெட்டியில் பயணம் செய்தால் ஒரு கிலோவுக்கு ரூ.60 வசூலிக்கப்படும்.

4) செல்லப்பிராணிகளுக்கு என முன்பதிவு செய்ய முடியாது. செல்லப்பிராணிகளுக்கான முன்பதிவு ரயில் புறப்படுவதற்கு ஒரு மணி நேரத்திற்கு முன்னதாக கவுன்டர்களில் செய்யப்படுகிறது, எனவே உரிமையாளர்கள் தேவையான நேரத்தில் நிலையத்தை அடையுமாறு கேட்டுக்கொள்ளப்படுகிறார்கள்.

5) ஒரு செல்லப் பிராணிக்கு முன்பதிவு செய்யவில்லை என்றால், செல்லப்பிராணியின் உரிமையாளரிடம் குறைந்தபட்சம் ரூ. 50க்கு உட்பட்டு லக்கேஜ் அளவிலான ஆறு மடங்கு கட்டணம் விதிக்கப்படும்.

6) ஏசி இரு அடுக்கு, ஏசி மூன்றடுக்கு, ஏசி நாற்காலி கார், ஸ்லீப்பர் கிளாஸ் மற்றும் இரண்டாம் வகுப்பு பெட்டிகளில் செல்லப் பிராணிகள் அனுமதிக்கப்படுவதில்லை. 

7) பயணம் முழுவதும் செல்லப்பிராணிகளுக்கு உணவளிப்பது செல்லப்பிராணி உரிமையாளர்களின் பொறுப்பாகும்.

விதியின்படி, ரயில்வே சட்டத்தின் 99ஆவது பிரிவில் வரையறுக்கப்பட்டுள்ளபடி போக்குவரத்து நிறுத்தப்பட்ட பிறகு விலங்குகளின் இழப்பு, அழிவு, சேதம், சீரழிவு அல்லது விலங்குகளை காணமல் போவது ஆகியவற்றுக்கு ரயில்வே பொறுப்பாகாது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ