தர்பூசணியில் உப்பு சேர்த்து சாப்பிட்டு இருக்கிறீர்களா? ஆச்சரியமளிக்கும் பலன்கள்!

கோடையில் நீரேற்றமாக இருப்பதும் மிகவும் அவசியம். கோடை காலத்தை சமாளிக்க பழங்கள் நமக்கு உதவுகின்றன. இந்த சீசனில் மட்டுமே கிடைக்கும் சில பழங்களும் உள்ளன. இவை உடலை நீரேற்றமாக வைத்திருக்க உதவுகின்றன. அதிக நீர் சத்து கொண்ட பழங்களும் சந்தையில் கிடைக்கின்றன. இது போன்ற பழங்கள் உடலில் உள்ள நீர் பற்றாக்குறையை சரி செய்கிறது. சிலருக்கு பழங்களில் உப்பு சேர்த்து சாப்பிடும் பழக்கம் உள்ளது. தர்பூசணி தண்ணீர் நிறைந்த பழம். கோடை காலத்தில் தர்பூசணி சாப்பிடுவதால் பல நன்மைகள் கிடைக்கும். இந்நிலையில், தர்பூசணி பழத்தில் உப்பு சேர்த்து சாப்பிடுவதால் என்னென்ன நன்மைகள் கிடைக்கும் என்பதை தெரிந்து கொள்ளுங்கள். 

தர்பூசணி பழம்

கோடை காலம் தொடங்கியவுடன் அனைத்து இடங்களிலும் விற்பனை செய்யப்படும் பழம் தர்பூசணி ஆகும். இவற்றில் அதிக நீர்சத்து உள்ளது. கோடை முழுவதும் உடலை நீரேற்றமாக வைத்திருக்க உதவும் பழங்களில் இதுவும் ஒன்று. மதிய வேளையில் வெயிலை சமாளிக்க காரணமான உணவுகளை தவிர்த்துவிட்டு தர்பூசணி பழம் அல்லது ஜூஸ் குடிப்பதை பலரும் வழக்கமாக வைத்து உள்ளனர். தர்பூசணியில் நிறைய தண்ணீர் உள்ளது. பெரும்பாலான மக்கள் தர்பூசணியில் உப்பு சேர்த்து சாப்பிட விரும்புகிறார்கள். இதற்கு பல காரணங்கள் உள்ளது. இவை பழத்தின் சுவையை அதிகரிப்பது மட்டும் இல்லாமல், அதன் நன்மைகளையும் அதிகப்படுகிறது. 

தர்பூசணியில் உப்பு கலந்து சாப்பிட்டால் அதிலுள்ள ஊட்டச்சத்துக்கள் செரிமான அமைப்பை மேம்படுத்த உதவுகிறது. தர்பூசணி அதிக ஈரப்பதம் கொண்ட பழமாகும், இதை சாப்பிடுவதன் மூலம் வெப்ப அலையிலிருந்து தப்பிக்கலாம். இதனால் நீரேற்றத்தை உறுதி செய்ய முடியும். தர்பூசணியில் உப்பு சேர்ப்பதன் மூலம் அதில் உள்ள நீர் மேற்பரப்புக்கு வருகிறது, இதனால் பழம் ஜூசியாக மாறும். நீங்களும் பழங்களில் உப்பு சேர்த்து சாப்பிட விரும்பினால், கடல் உப்பு அல்லது ஹிமாலயன் இளஞ்சிவப்பு உப்பு பயன்படுத்துவது நல்லது. இந்த உப்பு பழத்தை அதன் இயற்கையான சுவையை கெடுக்காமல் சுவையை அதிகரிக்கும்.

இதர நன்மைகள்

தர்பூசணி சுமார் 92% தண்ணீரைக் கொண்டுள்ளது, குறிப்பாக வெப்பமான கோடை மாதங்களில் நீரேற்றமாக இருக்க உதவுகிறது. நீர்ச்சத்து அதிகமாக இருந்தாலும், தர்பூசணியில் அத்தியாவசிய வைட்டமின்கள், தாதுக்கள் மற்றும் ஆக்ஸிஜனேற்றங்கள் அதிகம் உள்ளன. இது வைட்டமின் சி, வைட்டமின் ஏ, பொட்டாசியம் மற்றும் லைகோபீன் ஆகியவற்றின் நல்ல மூலமாக உள்ளது. மேலும் தர்பூசணி பல்வேறு ஆரோக்கிய நன்மைகளுடன் தொடர்புடைய சக்திவாய்ந்த ஆக்ஸிஜனேற்றியாகும். இது மட்டும் இல்லாமல் தர்பூசணி புற்றுநோய் அபாயத்தைக் குறைக்கிறது. தர்பூசணியில் உள்ள லைகோபீன் மற்றும் பிற ஆக்ஸிஜனேற்றங்கள் ஃப்ரீ ரேடிக்கல்களை எதிர்த்துப் போராடுவதன் மூலமும் ஆக்ஸிஜனேற்ற அழுத்தத்தைக் குறைகிறது. இதன் மூலமும் சில புற்றுநோய்களின் அபாயத்தைக் குறைப்பதாக ஆய்வுகள் தெரிவிக்கின்றன.

(பொறுப்பு துறப்பு: அன்புள்ள வாசகரே, எங்கள் செய்திகளைப் படித்ததற்கு நன்றி. இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!