மூத்த குடிமக்களுக்கு சிறப்பு திட்டம்: ஆண்டுக்கு ரூ.60,000 பென்ஷன் பெறலாம்

அடல் பென்ஷன் யோஜனா 2023: அடல் பென்ஷன் யோஜனா 9 மே 2015 அன்று தொடங்கப்பட்டது. இந்த திட்டத்தின் நோக்கம் அனைத்து குடிமக்களுக்கும், குறிப்பாக அமைப்புசாரா துறைகளில் பணிபுரிபவர்களுக்கு முதியோருக்கு பாதுகாப்பான வருமானம் வழங்குவதாகும்.

அடல் பென்ஷன் திட்டத்தின் பலன்களைப் பெற எப்படி விண்ணப்பிப்பது?
* அடல் பென்ஷன் யோஜனா படிவங்கள் ஆன்லைனிலும் வங்கிகளிலும் கிடைக்கின்றன.
* ‘அனைத்து தேசியமயமாக்கப்பட்ட வங்கிகளும் இந்தத் திட்டத்தின் பலனைத் தருகின்றன. இந்த திட்டத்திற்கு விண்ணப்பிக்க, அதிகாரப்பூர்வ இணையதளத்தில் இருந்து படிவத்தை பதிவிறக்கம் செய்யலாம்.
* தற்போதைக்கு, ​​அடல் பென்ஷன் திட்டத்திற்கு (Atal Pension Yojana) ஆன்லைனில் விண்ணப்பிக்க எந்த ஏற்பாடும் இல்லை. நீங்கள் உங்கள் வங்கிக்குச் சென்று மட்டுமே படிவத்தை நிரப்ப வேண்டும்.
* விண்ணப்ப படிவத்தை பூர்த்தி செய்து உங்கள் வங்கியில் சமர்ப்பிக்கவும்.
* உங்கள் ஆதார் அட்டையின் புகைப்பட நகலை சமர்ப்பிக்கவும்.
* உங்கள் விண்ணப்பம் அங்கீகரிக்கப்பட்டால் உறுதிப்படுத்தல் செய்தியைப் பெறுவீர்கள்.

அடல் பென்ஷன் திட்டத்தின் நன்மைகள் என்ன?
தேசிய ஓய்வூதிய அமைப்பின் (NPS - National Pension Scheme) ஒட்டுமொத்த நிர்வாக மற்றும் நிறுவன கட்டமைப்பின் கீழ் APY ஓய்வூதிய (Pension) நிதி ஒழுங்குமுறை மற்றும் மேம்பாட்டு ஆணையத்தால் (PFRDA - Pension Fund Regulatory and Development Authority) நிர்வகிக்கப்படுகிறது.

ஓய்வூதிய நன்மைகள்:
வாடிக்கையாளர்களுக்கு அவர்களின் பங்களிப்பைப் பொறுத்து 60 வயது முதல் ஒவ்வொரு மாதம் ரூ 1000 முதல் ரூ 5000 வரை குறைந்தபட்ச உத்தரவாத ஓய்வூதியம் வழங்கப்படும், இது அடல் பென்ஷன் திட்டத்தில் (APY) சேரும் வயதைப் பொறுத்து மாறுபடும்.

மரண நன்மைகள்:
சந்தாதாரரின் மரணத்திற்குப் பிறகு, அவரது மனைவிக்கு சமமான ஓய்வூதியம் வழங்கப்படும் மற்றும் சந்தாதாரர் மற்றும் மனைவி இருவரும் இறந்தவுடன், சந்தாதாரரின் 60 வயது வரை திரட்டப்பட்ட ஓய்வூதியத் தொகை நாமினிக்கு திருப்பித் தரப்படும்.

APYக்கான வயது வரம்பு:
18 முதல் 40 வயது வரை உள்ள எந்த இந்திய குடிமகனும் அடல் பென்ஷன் யோஜனாவில் (Atal Pension Yojana) சேரலாம். குறைந்தபட்சம் 20 ஆண்டுகளுக்கு பரிந்துரைக்கப்பட்ட உறுப்பினரால் பங்களிப்பு செய்யப்பட வேண்டும். சந்தாதாரர் 60 வயதை அடைந்த பிறகு ஓய்வூதியம் வழங்கப்படும்.

APYக்கான தகுதி என்ன?
* இந்திய குடிமகனாக இருக்க வேண்டும்.
* வயது வரம்பு 18 முதல் 40 ஆண்டுகள் நிர்ணயிக்கப்பட்டுள்ளது.
* குறைந்தது 20 ஆண்டுகள் பங்களிக்க வேண்டும்.
* ஆதாருடன் இணைக்கப்பட்ட வங்கிக் கணக்கு இருக்க வேண்டும்.
* செல்லுபடியாகும் மொபைல் எண்.

முன்னதாக, கடந்த ஆகஸ்ட் 2022 ஆம் ஆண்டு இந்த திட்டத்தின் விதிகளில் அரசு பெரும் மாற்றத்தை ஏற்படுத்தியது. இதன்படி வருமான வரி செலுத்துபவர்கள் இந்தத் திட்டத்தைப் பயன்படுத்திக் கொள்ள முடியாது. இந்த மாற்றம் அக்டோபர் 1, 2022 முதல் அமல்படுத்தியது என்பது குறிப்பிடத்தக்கது.

வரி விலக்கின் பலனையும் பெறுவீர்கள்: 
APY திட்டத்தில் முதலீடு செய்வதன் மூலம், நீங்கள் உத்தரவாதமான ஓய்வூதியத்தைப் பெறுவது மட்டுமல்லாமல், பல நன்மைகளையும் பெறுவீர்கள். இதில் முதலீடு செய்வதன் மூலம் ரூ.1.5 லட்சம் வரை வரியைச் சேமிக்கலாம். இந்த வரிச் சலுகை வருமான வரியின் 80சி பிரிவின் கீழ் வழங்கப்படுகிறது. மேலும் ஏற்கனவே அடல் ஓய்வூதியத்தின் பயனாளியாக இருக்கக்கூடாது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!