தாத்தா ஆனார் சியான் விக்ரம்....!..மகிழ்ச்சியில் குடும்பத்தினர்

நடிகர் சியான் விக்ரம் தற்போது அஜய் ஞானமுத்து இயக்கத்தில் கோப்ரா எனும் படத்தில் நடித்து வருகிறார். இவருக்கு துருவ் விக்ரம் மகன் மற்றும் அக்ஷிதா எனும் ஒரு மகள் இருக்கிறார்கள். 

நடிகர் விக்ரமின் மகள் அக்‌ஷிதாவுக்கும் மறைந்த திமுக தலைவர் கருணாநிதியின் மகன் மு.க.முத்து மகள் வழி பேரனான மனுரஞ்சித் என்பவருக்கும் கடந்த 2017-ம் ஆண்டு திருமணம் நடைபெற்றது. அப்போது உடல்நலக்குறைவால் வீட்டில் ஓய்வெடுத்து வந்த திமுக தலைவர் மற்றும் முன்னாள் முதல்வர் கருணாநிதி தலைமையில் நடைபெற்றது. சமீபத்தில் விக்ரம் மகள் அக்‌ஷிதா கர்ப்பமாக இருப்பதாக செய்திகள் வெளியாகி இருந்தன. கொரோனா அச்சுறுத்தலால் இவருக்கு வீட்டளவில் குடும்பத்தினர் சிறிய விழா எடுத்ததாகவும் தகவல்கள் வெளியாகின.

இந்நிலையில் நடிகர் விக்ரமின் மகள் அக்‌ஷிதாவுக்கு இன்று மகள் பிறந்திருக்கிறார். அதன் மூலம் நடிகர் சியான் விக்ரமுக்கு தாத்தாவாக புரமோஷன் கிடைத்திருக்கிறது. இந்த செய்தியை அடுத்து அவரின் குடும்பத்தினர் அனைவரும் மகிழ்ச்சியில் உள்ளனர்.