7th Pay Commission: அடி தூள்... மத்திய அரசு ஊழியர்களுக்கு இரட்டை ஜாக்பாட்!!

7 ஆவது ஊதியக்குழு, சமீபத்திய புதுப்பிப்பு: இன்னும் சில நாட்களில் மத்திய அரசு ஊழியர்கள் மற்றும் ஓய்வூதியதாரர்களுக்கு மோடி அரசாங்கம் வலுவான ஒரு அறிவிப்பை வெளியிட உள்ளது. இது ஊழியர்களின் மனதில் மகிழ்ச்சியை வழவழைக்கக்கூடிய அறிவிப்பாக இருக்கும் என்பதில் சந்தேகமில்லை. மத்திய அரசு ஊழியர்களின் அகவிலைப்படி மற்றும் ஃபிட்மென்ட் ஃபாக்டரை விரைவில் அரசாங்கம் பெரிய அளவில் உயர்த்தப் போகிறது என்று வட்டாரங்கள் தெரிவித்து வருகின்றன. இது பற்றிய விவாதமும் தீவிரமடைந்துள்ளது.

இம்முறை அரசாங்கம் அகவிலைப்படியை சுமார் 4 சதவிகிதம் அதிகரிக்கும், அதன் பிறகு அடிப்படை சம்பளத்தில் பம்பர் அதிகரிப்பு இருக்கும் என்று நம்பப்படுகிறது. இதன் மூலம் சுமார் ஒரு கோடி குடும்பங்கள் பயன்பெறும். மறுபுறம், அகவிலைப்படி அதிகரிக்கும் தேதியை அரசாங்கம் இன்னும் அதிகாரப்பூர்வமாக அறிவிக்கவில்லை. ஆனால் ஊடக அறிக்கைகள் பெரிய கோரிக்கைகளை முன்வைக்கின்றன.

அகவிலைப்படி பற்றிய அதிரடி தகவல்

மத்தியில் மோடி அரசு இப்போது அகவிலைப்படியில் கணிசமான அதிகரிப்பை செய்யக்கூடும். அதன் பிறகு ஊழியர்களின் மாத வருமானத்தில் நல்ல அதிகரிப்பு இருப்பது உறுதி. அகவிலைப்படி சுமார் 4 சதவிகிதம் அதிகரிக்கப்படும் என்று நம்பப்படுகிறது. அதன் பிறகு ஊழியர்களின் மொத்த அகவிலைப்படி 46 சதவிகிதமாக உயரும். அதன்படி, அடிப்படை சம்பளத்தில் வரலாறு காணாத உயர்வு ஏற்படும். தற்போது ஊழியர்களுக்கு 42 சதவீத அகவிலைப்படி கிடைக்கிறது என்பது குறிப்பிடத்தக்கது. 

ஆண்டுக்கு இரு முறை அகவிலைப்படி அதிகரிப்பு

ஏழாவது ஊதியக் குழுவின் படி, அரசாங்கம் ஆண்டுக்கு இரண்டு முறை அகவிலைப்படியை  அதிகரிக்கிறது. ஜனவரி மற்றும் ஜூலை மாதங்கள் முதல் அதிகரித்த விகிதங்கள் அமலுக்கு வருகின்றன. அரசாங்கம் இப்போது அகவிலைப்படியை உயர்த்தினால், அதன் விகிதங்கள் ஜூலை 1 முதல் நடைமுறைக்கு வரும். எனினும் இதற்கான அறிவிப்பு செப்டம்பர் மாதத்தில் வெளிவரும் என எதிர்பார்க்கப்படுகின்றது. 

ஃபிட்மெண்ட் ஃபாக்டர் பற்றிய பெரிய புதுப்பிப்பு

மற்றொரு நல்ல செய்தியாக, மத்திய அரசு ஊழியர்கள் மற்றும் ஓய்வூதியதாரர்களின் ஃபிட்மெண்ட் ஃபாக்டரை அரசாங்கம் மிக விரைவில் அதிகரிக்கும் என வட்டாரங்கள் தெரிவிக்கின்றன. ஃபிட்மெண்ட் ஃபாக்டர் அதிகரிக்கப்பட்ட பிறகு குறைந்தபட்ச அடிப்படை சம்பளத்தில் நல்ல ஏற்றம் இருக்கும். மத்திய அரசாங்கம் மத்திய அரசு ஊழியர்களின் ஃபிட்மென்ட் ஃபாக்டரை 2.60 மடங்கிலிருந்து 3 மடங்காக அதிகரிக்கலாம் என்று நம்பப்படுகிறது. இது ஊழியர்களுக்கு ஒரு மிகப் பெரிய பரிசாக இருக்கும். உதாரணமாக ஒரு ஊழியரின் குறைந்தபட்ச சம்பளம் 18,000 ரூபாய் என்றால், ஃபிட்மெண்ட் ஃபாக்டர் அதிகரித்த பிறகு அது 26,000 ரூபாயாக உயரும்.

அகவிலைப்படி 50% ஆகும்

ஜூலையை தொடர்ந்து ஜனவரி 2024 -லும் அகவிலைப்படி 4 சதவிகிதம் அதிகரித்தால், ஊழியர்களின் மொத்த அகவிலைப்படி 50 சதவிகிதத்தை எட்டும். ஜனவரி 1 ஆம் தேதிக்கான டிஏ 2024 ஆம் ஆண்டு மார்ச் மாதத்தில் அறிவிக்கப்படும் என்று எதிர்பார்க்கப்படுகிறது.

மத்திய அரசு ஊழியர்களின் சம்பளம் எவ்வளவு உயரும்?

2016 ஆம் ஆண்டின் குறிப்பாணையில், அகவிலைப்படி (DA) 50% அதாவது அடிப்படை சம்பளத்தில் 50% ஆகும்போது, அது பூஜ்ஜியமாகக் குறைக்கப்படும் என்று கூறப்பட்டுள்ளது. அதாவது அகவிலைப்படி பூஜ்ஜியமான பிறகு, இப்போது 42 சதவீத அகவிலைப்படி கிடைப்பது போல, மீண்டும் அகவிலைப்படியின் சதவிகிதம் 1, 2 என்ற முறையில் தொடங்கும். அகவிலைப்படி 50 சதவீதத்தை அடைந்தவுடன், அது அடிப்படை சம்பளத்துடன் இணைக்கப்படும். 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ