பாஸ்போர்ட் வாங்க நினைப்பவர்களுக்கு, பாஸ்போர்ட் வைத்திருப்பவர்களுக்கும் குட்நியூஸ் சொல்லி இருக்கிறது மத்திய அரசு. வெளிநாட்டுப் பயணங்களுக்கு மட்டுமல்லாமல் முக்கிய அடையாள ஆவணங்களில் ஒன்றாக இருக்கும் பாஸ்போர்ட் (கடவுச்சீட்டு), தற்போது புத்தம் புதிய வடிவத்துடன் இ - பாஸ்போர்ட்டுகளாக அவதாரம் எடுக்க உள்ளன. தொழில்நுட்ப வளர்ச்சிக்கு ஏற்ப சமீபகாலமாக மக்களின் அடிப்படை ஆவணங்கள் நவீனமயமாகி வருகின்றன. ஆதார் அட்டை, ரேஷன் அட்டை என அனைத்தும் ஸ்மார்ட் கார்டுகளாக மாறிவிட்டன. அந்த வகையில், தற்போது பாஸ்போர்ட்டுகளும் இ - பாஸ்போர்ட்டாக வந்துவிட்டன. அந்த வகையில், ஒரு மேஜிக் கார்டு போல இருக்கும் இந்த  புதிய இ - பாஸ்போர்ட்டில் அடங்கியுள்ள விஷயங்கள் குறித்தும், வசதிகள் குறித்தும் இங்கு பார்ப்போம்.


COMMERCIAL BREAK
SCROLL TO CONTINUE READING

பாஸ்போர்ட் சேவையில் இந்த திட்டம் தொடங்கப்பட்ட பிறகு, மக்கள் ஒரு சிப் கொண்ட இ-பாஸ்போர்ட்டைப் பெறுவார்கள்.
பாஸ்போர்ட் சேவை விரைவில் மக்களுக்கு நம்பகமான, அணுகக்கூடிய மற்றும் வெளிப்படையான முறையில் பாஸ்போர்ட் வசதியை வழங்கும் என்று வெளியுறவு அமைச்சர் கூறினார். செயற்கை நுண்ணறிவு அதாவது AI நுட்பத்தின் புதிய சிப்களுடன் மேம்படுத்தப்பட்ட கடவுச்சீட்டுகளைத் தயாரிக்கப்படும் என அமைச்சர் தெரிவித்தார். வெளிநாட்டு பயணங்களை எளிதாக்கும் வகையிலும், விசா சிக்கல்களை தீர்க்கும் விதமாகவும் இந்த இ - பாஸ்போர்ட்டுகள் உருவாக்கப்படவுள்ளன. 


பாஸ்போர்ட்டில் இருக்கும் வசதிகள்


இ - பாஸ்போர்ட் பார்ப்பதற்கு சாதாரண பாஸ்போர்ட் போலவே இருக்கும். ஆனால் அதற்குள் எலக்ட்ரானிக் சிப் (Electronic Chip) பொருத்தப்பட்டிருக்கும். பாஸ்போர்ட் வைத்திருப்போரின் கைரேகை, கருவிழிரேகை உள்ளிட்ட தகவல்கள் அனைத்தும் இந்த எலக்ட்ரானிக் சிப்பில் பதிவு செய்யப்பட்டிருக்கும். 


வெளியுறவுத்துறை அமைச்சர் ஜெய்சங்கர் இது குறித்து கூறுகையில், பிரதமர் நரேந்திர மோடி தலைமையிலான மத்திய அரசு, மக்களின் வாழ்க்கையை எளிதாக்கும் வகையில், டிஜிட்டல் சேவைகளை தொடர்ந்து மேம்படுத்தி வருகிறது. இ-பாஸ்போர்ட் வசதி செயற்கை நுண்ணறிவுடன் தயாரிக்கப்படும். இந்த பாஸ்போர்ட்களில் சிப் இயக்கப்படும். இதன் மூலம் விசா நடைமுறைகள் எளிதாகிவிடும். வெளிநாடு செல்லும் போது விசாவை ஸ்டாம்பிங் செய்ய நீண்ட நேரம் வரிசையில் காத்திருக்க வேண்டிய தேவை ஏதும் இல்லாமல், விமான நிலையத்தின் குறிப்பிட்ட பகுதிக்குள் நுழைந்ததுமே, தானாக விசாவும், பாஸ்போர்ட்டும் சரிபார்க்கப்பட்டு விடும். AI நுட்பத்தைப் பயன்படுத்துவதன் மூலம், மக்களின் தரவு பாதுகாப்பாகவும் பாதுகாப்பாகவும் இருக்கும் என்றார்.


மேலும் படிக்க | இந்திய பாஸ்போர்ட் வைத்திருப்பவர்களுக்கு எளிமையான விசா செயல்முறைகள்


இ-பாஸ்போர்ட் திட்டம் 2.0 என்றால் என்ன?


இ-பாஸ்போர்ட் திட்டம் 2.0ன் கீழ், அதிநவீன தொழில்நுட்பத்தைப் பயன்படுத்தி பாஸ்போர்ட் தயாரிக்கப்படும். சமீபத்திய பயோமெட்ரிக்ஸ் தொழில்நுட்பமும் இதில் பயன்படுத்தப்படும். இந்த பாஸ்போர்ட்கள் AI உடன் கிளவுட் கம்ப்யூட்டிங், மேம்பட்ட தரவு பகுப்பாய்வு, சாட் போட், மொழி விருப்பம் ஆகியவற்றைப் பயன்படுத்தி உருவாக்கப்படும். இது பாஸ்போர்ட்டைப் பெறுவதை எளிதாக்குவதோடு, பயனரின் தரவுகளும் பாதுகாப்பாக இருக்கும். இ-பாஸ்போர்ட்டின் மென்பொருளை ஐஐடி கான்பூர் மற்றும் என்ஐசி உருவாக்கியுள்ளது என்பது குறிப்பிடத்தக்கது.


அதிகாரப்பூர்வ ஆவணம்


பாஸ்போர்ட் என்பது ஒரு நாட்டின் அரசாங்கத்தால் அதன் குடிமக்களுக்கு வழங்கப்படும் அதிகாரப்பூர்வ ஆவணமாகும். தாய் நாட்டிலிருந்து மற்ற நாட்டிற்கு வெவ்வேறு வெளிநாடுகளுக்குச் செல்வதற்கும், அடையாளத்தைச் சரிபார்க்கவும், குடியுரிமையைக் காட்டவும், வெளிநாட்டில் பாதுகாப்பிற்கான உரிமையைப் பெறவும் மற்றும் தனது தாய்  நாட்டிற்கு மீண்டும் நுழைவதற்கான உரிமையை இது சான்றளிக்கிறது.  


மேலும் படிக்க | பெல்ஜியம் குடிமகனான பிறகும் இந்திய பாஸ்போர்டை பயன்படுத்திய நபர் இந்தியா வர தடை!


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ