Revolt RV 400 மின்சார வாகனத்தின் முன்பதிவு மீண்டும் துவங்கியது: முழு விவரம் உள்ளே

புதுடெல்லி: இந்தியாவில் பிரபலமான RV400 எலக்ட்ரிக் பைக்கிற்கான முன்பதிவுகளை ரிவால்ட் மோட்டார்ஸ் வியாழக்கிழமை (ஜூலை 15) தள்ளுபடி விலையுடன் மீண்டும் துவக்கியது. முந்தைய விற்பனையில், எதிர்பார்த்தை விட மிக அதிகமான முன்பதிவுகள் வந்ததால், நிறுவனம் முன்பதிவை நிறுத்த வேண்டியதாயிற்று. இந்த முறையும் அதே போன்ற வரவேற்புடன் கூடிய பம்பர் முன்பதிவு இருக்கும் என நிறுவனம் நம்புகிறது.

முந்தைய விற்பனையில், ரெவால்ட் மோட்டார்ஸ் ரூ .50 கோடி மதிப்புள்ள Revolt RV400 ஐ விற்றதாக நிறுவனம் கூறியது. அப்போது முன்பதிவு செய்த அதிர்ஷ்டசாலி வாடிக்கையாளர்களுக்கு நிறுவனம் ஆர்.வி 400 எலக்ட்ரிக் பைக்குகளை டெலிவரி செய்யத் தொடங்கியுள்ளது.

Revolt RV400 விலை

FAME India (இந்தியாவில் வலுவான ஹைப்ரிட் மற்றும் மின்சார வாகனங்கலின் வேகமான அங்கீகாரம்)-வின் கீழ் இந்திய அரசு வழங்கும் மானியத்திற்கு நன்றி தெரிவிக்கும் வகையில், ரெவால்ட் மோட்டார்ஸ் சமீபத்தில் பைக்கின் விலையை ரூ .28,000 வரை குறைத்துள்ளது.

சமீபத்திய விலைக் குறைப்புடன், Revolt RV400 இப்போது ரூ .90,799 (எக்ஸ்-ஷோரூம்) க்கு விற்பனை செய்யப்படுகிறது. முன்னதாக டெல்லியில் அதன் எக்ஸ்ஷோரூம் விலை ரூ .1,18,999 ஆக இருந்தது. இதற்கிடையில், அகமதாபாத்தில், இந்த பைக் இப்போது ரூ .87,000 க்கு விற்பனை செய்யப்படுகிறது.

Revolt RV400 ஐ வாங்க எவ்வாறு முன்பதிவு செய்வது?

Revolt RV400 ஐ அதன் அதிகாரப்பூர்வ வலைத்தளமான https://www.revoltmotors.com/ மூலம் பதிவு செய்யலாம். மற்றவர்களை விட முன்னரே முன்பதிவு செய்வதற்கான ப்ரீ-ரெஜிஸ்டர் ஆப்ஷனும் இதில் இருந்தது.

தற்போது, ​​ரெவால்ட் மோட்டார்ஸ் தனது பைக்குகளை (Electric Bike) ஹரியானாவில் உள்ள மானேசர் தொழிற்சாலையில் உற்பத்தி செய்கிறது. வாடிக்கையாளர்கள் தங்கள் பைக்குகளின் டெலிவரி குறித்து VOLT (வாகன ஆன்லைன் கண்காணிப்பு) வசதி வழியாகவும் கண்காணிக்க முடியும்.

Revolt RV400 முன்பதிவு நேரம்

ஆன்லைன் முன்பதிவுகள் ஜூலை 15 மதியம் 12 மணி முதல் மீண்டும் துவங்கும் என நிறுவனம் அறிவித்திருந்தது. இருப்பினும், தற்போது டெல்லி, மும்பை, புனே, சென்னை, அகமதாபாத் மற்றும் ஹைதராபாத் ஆகிய 6 நகரங்களில் மட்டுமே ஆர்.வி 400 விற்பனை செய்யப்படுகிறது.

Revolt RV 400 விவரக்குறிப்புகள் மற்றும் அம்சங்கள்

Revolt RV 400 85 கி.மீ வேகத்தில் இயங்கக்கூடியது. இந்த பைக்கில் ஈகோ, நார்மல் மற்றும் ஸ்போர்ட்ஸ் என மூன்று ரைடிங் மோட்கள் உள்ளன. ECO பயன்முறை 45 கிமீ வேகத்தையும் 156 கிமீ வரம்பையும் வழங்குகிறது. நார்மல் பயன்முறை 65 கி.மீ வேகம் மற்றும் 110 கி.மீ. ரேஞ்சை அளிக்கின்றது. ஸ்போர்ட் பயன்முறை 65 கி.மீ வேகம் மற்றும் 80 கி.மீ ரேஞ்சை வழங்குகிறது

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR