வம்சி இயக்கத்தில் விஜய் நடித்திருக்கும் படம் வாரிசு.தில்ராஜு தயாரிப்பில் உருவாகியிருக்கும் வாரிசுக்கு தமன் இசையமைத்திருக்கிறார். ராஷ்மிகா மந்தனா, பிரகாஷ் ராஜ், சரத்குமார், ஷ்யாம், ஜெயசுதா உள்ளிட்ட பலர் நடித்திருக்கின்றனர். படத்தின் ஆடியோ வெளியீட்டு நிகழ்வு சமீபத்தில் நடந்தது.


COMMERCIAL BREAK
SCROLL TO CONTINUE READING

படத்தின் ட்ரெய்லர் சில நாள்களுக்கு முன்பு வெளியாகி கலவையான விமர்சனங்களை பெற்றுவருகிறது. அதுமட்டுமின்றி படம் முழுக்க தெலுங்கு வாடை அடிக்கப்போவதை ட்ரெய்லர் உறுதி செய்திருப்பதாக ஒரு தரப்பினரும், ட்ரெய்லரில் விஜய் பக்காவாக இருக்கிறார். படம் பக்கா ஃபேமிலி பேக்கஜாகவும், எமோஷனலாகவும் இருக்கப்போவதை ட்ரெய்லர் உறுதி செய்திருப்பதாகவும் மற்றொரு தரப்பினர் கூறிவருகின்றனர். படமானது ஜனவரி 11ஆம் தேதி வெளியாகவிருப்பது குறிப்பிடத்தக்கது.


வாரிசு திரைப்படத்திற்கான வெளிநாட்டு உரிமை பல மாதங்களுக்கு முன்பே விற்கப்பட்டுவிட்டது. இந்தச் சூழலில் படத்தின் அமெரிக்க, கனடா நாடுகளுக்கான தணிக்கை நடைபெற்றது. அதில் அந்த திரைப்படத்தை தணிக்கை குழுவினர் ரிஜெக்ட் செய்திருக்கின்றனர் என கூறப்படுகிறது.  குறிப்பாக படம் முழுமையாக தயாராகாத காரணத்தால் அவர்கள் படத்தை ரிஜெக்ட் செய்திருக்கிறார்கள் எனவும் தகவல்கள் கூறுகின்றன.



இதன் காரணமாக அமெரிக்கா, கனடா ஆகிய நாடுகளில் வாரிசு படம் வெளியாவதில் சிக்கல் எழுந்துள்ளது. எனவே அந்த நாடுகளை சேர்ந்த விநியோகஸ்தர்கள் ஒரே தேதியில் படத்தை வெளியிட வேண்டும் என தயாரிப்பாளரிடம் கோரிக்கை வைத்திருக்கிறார்களாம். இந்தியாவை பொறுத்தவரை தமிழ்நாடு, கேரளா,  கர்நாடகா ஆகிய மூன்று மாநிலங்களில் தமிழ் பதிப்பு மட்டும் வெளியாகிறது. 


மேலும் படிக்க | துணிவு வேற படம்...அந்த கதையில் அஜித் நடிக்கவில்லை; ஹெச்.வினோத் ஓபன் டாக்


ஆந்திரா, தெலங்கானா ஆகிய மாநிலங்களில் வெளியிடப்படும் தெலுங்கு பதிப்பு இன்னும் தயாராகவில்லை. அதற்கான தணிக்கையே வரும் திங்கள்கிழமைதான் நடக்கவிருக்கிறது. இதன் காரணமாக 11ஆம் தேதி வாரிசு திரைப்படத்தின் தெலுங்கு பதிப்பு அந்த இரு மாநிலங்களிலும் வெளியாகாத சூழல் ஏற்பட்டுள்ளது. அதனால் வேறு தேதியில்தான் படம் வெளியாகும் என தெரிவிக்கின்றனர்.


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEata