தனுஷின் ராயன் நடத்திய வசூல் வேட்டை.. 100 கோடியை கடந்தது

Raayan Box Office Collection Day 8: ராயன் படத்திற்கு முதல் நாளில் இருந்தே மக்கள் மத்தியில் அமோக வரவேற்பு கிடைத்து வருகிறது. தற்போது ராயன் படம் செய்த வசூல் குறித்த தகவலை இந்த கட்டுரையில் காணலாம்.

ராயன் திரைப்படம்:
தனுஷின் இயக்கம் மற்றும் நடிப்பில் உருவாகியிருக்கும் ராயன் (Raayan) திரைப்படம், இவரது 50வது படமாகும். இந்த படத்தில் தனுஷ் (Dhanush 50th Movie) உடன் இணைந்து காளிதாஸ் ஜெயராம், அபர்ணா பாலமுரளி, துஷாரா விஜயன், சந்தீப் கிஷன், வரலட்சுமி சரத்குமார் உள்ளிட்டோர் முக்கிய கதாப்பாத்திரங்களில் நடித்திருக்கின்றனர். மேலும் இந்த படத்தில் வில்லனாக எஸ்.ஜே.சூர்யா நடித்துள்ளார். இவர்களுடன் இந்த படத்தில் தனுஷின் (Dhanush) அண்ணன் செல்வராகவனும் முக்கிய கதாபாத்திரத்தில் நடித்துள்ளார். இந்த படத்திற்கு ஏ.ஆர்.ரஹ்மான் இசையமைத்துள்ளார். அதனுடன் கேங்ஸ்டர் மற்றும் குடும்ப செண்டிமெண்ட்டை மையமாகக் கொண்டு இந்த படம் எடுக்கப்பட்டுள்ளது. தற்போது இந்த படம் நேற்று முன்தினம் உலகமெங்கும் இருக்கும் திரையரங்கில் வெளியாகி ரசிகர்கள் மத்தியில் நல்ல வரவேற்பை பெற்று வருகிறது. 

ராயன் விமர்சனம்:
இதனிடையே ராயன் திரைப்படத்தை பார்த்த ரசிகர்கள் பலர் சமூக வலைதளங்களில் தங்களது விமர்சனங்களை தெரிவித்து வருகின்றனர். இது, கேங்க்ஸ்டர் டிராமா என்பதால் பெரிதும் குடும்பத்துடன் இந்த படத்திற்கு யாரும் செல்லவில்லை என கூறப்படுகிறது. மேலும், படத்தின் முதல் பாதி பயங்கரமாக இருப்பதாகவும், அடுத்த பாதி கொஞ்சம் சொதப்பலாக இருப்பதாகவும் ஒரு சிலர் தங்களின் விமர்சனங்களை தெரிவிக்கின்றனர். படம் இன்னும் கொஞ்சம் நன்றாக இருந்திருக்கலாம் என்பது ரசிகர்களின் கருத்தாக இருக்கிறது. அந்த வகையில் பெரிதும் எதிர்பார்ப்பில் வெளியான ராயன் விமர்சன ரீதியாகவும், வசூல் ரீதியாகவும் நல்ல வரவேற்பை பெற்றுள்ளது. 

ராயன் முதல் நாள் வசூல்:
மொத்தம் 100 கோடி பட்ஜெட்டில் (Raayan Movie Budget) எடுக்கப்பட்டுள்ள ராயன் திரைப்படம் முதல் நாளிலேயே 12.5 கோடி ரூபாய் வசூலித்துள்ளது. நேற்று சனிக்கிழமை இன்று ஞாயிற்றுகிழமை என்பதால் இப்படத்தின் வசூல் மேலும் அதிகரிக்கக்கூடும் என்று திரையரங்க உரிமையாளர்கள் நம்பிக்கை தெரிவித்தனர்.

ராயன் வசூல் நிலவரம்:
இந்த நிலையில், ராயன் படம் 8 நாட்களில் உலகளவில் செய்துள்ள வசூல் குறித்து தகவல் வெளியாகியுள்ளது. அதன்படி, இந்த திரைப்படம் உலகளவில் இதுவரை ரூ. 107 கோடிக்கும் மேல் வசூல் செய்துள்ளது என தகவல் கூறப்படுகிறது. 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!