நயன்தாரா Vs தனுஷ்: யார் செய்தது தவறு? மக்கள் ஆதரவு யாருக்கு?

Nayanthara Vs Dhanush : நடிகர் தனுஷ்-நயன்தாராவின் விவகாரம் தற்போது சமூக வலைளதளங்களில் கொழுந்து விட்டு எரிந்து வருகிறது. இந்த நிலையில், ரசிகர்கள் நயன்தாரா பக்கம் இருக்கின்றனரா? தனுஷ் பக்கம் இருக்கின்றனரா? என்பது குறித்து பார்க்கலாம். 

தனுஷ்-நயன்தாரா நட்பு:

நயன்தாராவும் தனுஷும், ஆரம்பத்தில் நல்ல நண்பர்களாக இருந்தனர். யாரடி நீ மோகினி திரைப்படத்தில் ஜோடியாக நடித்திருந்த இவர்கள் திரைக்கு பின்னாலும் நல்ல நண்பர்களாக இருந்த வந்தனர். இதையடுத்து, எதிர்நீச்சல் படத்தில் ‘சத்தியமா நீ எனக்கு தேவையே இல்ல’ பாடலில் தனுஷ் மற்றும் சிவகார்த்திகேயனுடன் நடனமாடியிருந்தார். இதையடுத்து, தயாரிப்பாளராக அவதாரம் எடுத்த தனுஷ், 2015ஆம் ஆண்டு வெளியான நானும் ரெளடி தான் படத்தை தயாரித்திருந்தார். இந்த படத்தை விக்னேஷ் சிவன் இயக்கி இருந்தார். இதில் ஒன்றாக இணைந்து பணிபுரிந்த போதுதான், இருவருக்கும் காதல் ஏற்பட்டது. 

இருவருக்குள்ளும் நன்றாக வளர்ந்து வந்த நட்பு, நாளடைவில் விரிசல் விட தொடங்கியது. இப்போது இருவரும் சேர்ந்து எந்த படங்களிலும் சேர்ந்து நடிக்கவில்லை. இப்போது, இவர்களுக்குள் ஏற்பட்டிருக்கும் விரிசல் குறித்த காரணம் குறித்து தெரிந்திருக்கிறது.

தனுஷ் Vs நயன்தாரா:

நயன்தாரா, தனது இன்ஸ்டாகிராம் பக்கத்தில் ஒரு பதிவை வெளியிட்டிருக்கிறார். அதில், தனுஷ் குறித்து ஆணி வேர்-அக்கு வேறாாக பிரித்து மெய்ந்திருக்கும் அவர், “நீங்கள் இசை வெளியீட்டு விழாக்களில் பேசுவது போல பாதி கூட ரியாலிட்டியில் இல்லை” என்று கூறியிருக்கிறார். நயன்தாரா-விக்னேஷ் சிவன் திருமணம் கடந்த 2022ஆம் ஆண்டு நடைப்பெற்றது. இந்த திருமணத்தை நெட்ஃப்ளிக்ஸ் டாக்குமெண்டரியாக வெளியிட முடிவு செய்தனர். இந்த படத்தில், நானும் ரெளடி தான் BTS 3 வினாடி வீடியோ மற்றும் பாடல்கள் இடம் பெற இருந்தன. இதை, அப்படத்தில் உபயோகிக்க கூடாது என்று நயன்தாராவிற்கு வக்கீல் நோட்டீஸ் அனுப்பிய தனுஷ், அப்படி மீறி அதை உபயோகித்தால் அவர் மீதும் நெட்ஃப்ளிக்ஸ் நிறுவனம் மீதும் 10 கோடி கேட்டு வழக்கு தொடர இருப்பதாக அதில் குறிப்பிட்டிருக்கிறார். 

நயன்தாராவின் ஆவணப்படம், வரும் நவம்பர் 18ஆம் தேதி நெட்ஃப்ளிக்ஸில் இறங்குகிறது. இதையடுத்து, படத்தை பிரபலப்படுத்த வேண்டும் என்பதற்காக அவர் இவ்வாறு செய்கிறாரா என்றும் சிலர் கேள்வி எழுப்பி வருகின்றனர். 

தனுஷிற்கு ஆதரவு தெரிவிப்பவர்கள், “அவருடைய படம், அவர் காசு கேட்கிறார். நீங்கள் மட்டும் நெட்ஃப்ளிக்ஸிற்கு உங்கள் வீடியாேவை கொடுக்க 80 கோடி வாங்கவில்லையா?” என்று கேட்டு வருகின்றனர். இது, படத்தை பிரபலப்படுத்த செய்யப்படும் மார்கெட்டிங் ஆகவும் இருக்கலாம் என சிலர் பேசி வருகின்றனர். அதே சமயத்தில் காயத்ரி, பார்வதி உள்ளிட்ட ஒரு சில நடிகைகள் நயன்தாராவிற்கு ஆதரவாக குரல் கொடுத்திருக்கின்றனர். 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!