கமலுக்கும், மக்களுக்கும் நன்றியுடன் இருப்பேன் - லோகேஷ் கனகராஜ் நெகிழ்ச்சி

மாநகரம், கைதி உள்ளிட்ட படங்களின் மூலம் கவனம் ஈர்த்த லோகேஷ் கனகராஜ் விக்ரம் படத்தை இயக்கினார். கமலின் ராஜ்கமல் நிறுவனம் தயாரித்த இப்படத்தில் விஜய் சேதுபதி, ஃபஹத் பாசில்,சூர்யா உள்ளிட்டோர் நடித்திருக்கின்றனர். 

அனிருத் இசையமைத்திருக்கும் இப்படம் கடந்த 3ஆம் தேதி உலகம் முழுவதும் திரையரங்குகளில் வெளியானது. படத்தை பார்த்த ரசிகர்கள், லோகேஷ் கனகராஜ் கமல் ஹாசனின் ரசிகன் என்பதை நிரூபித்துவிட்டார். தனக்கு பிடித்த நாயகனை திரையில் பார்த்து பார்த்து செதுக்கியிருக்கிறார் என புகழ்கின்றனர். 

விமர்சன ரீதியாக மட்டுமின்றி வசூல் ரீதியாகவும் படத்துக்கு நல்ல வரவேற்பு கிடைத்திருக்கிறது. அதுமட்டுமின்றி தமிழ் படங்கள் சமீபமாக பெரிதாக ஓடாமல் ஆர்ஆர்ஆர்., புஷ்பா, கேஜிஎஃப் 2 போன்ற வேற்று மொழி படங்கள் வெற்றி பெற்றன. 

ஆனால் விக்ரம் படம் வெளியாகி வெற்றி பெற்றுள்ளதால் இனி தமிழ் படங்கள் தொடர்ந்து வெற்றியடையும் என்று திரையுலகத்தைச் சேர்ந்தவர்களும் நம்பிக்கை தெரிவித்துள்ளனர்.

இந்நிலையில் படம் மாபெரும் வெற்றி பெற்றதையடுத்து இயக்குநர் லோகேஷ் கனகராஜ் நெகிழ்ச்சியுடன் சமூக வலைதளத்தில் பதிவு ஒன்றை வெளியிட்டிருக்கிறார்.

அதில், “நான் இந்த அளவுக்கு எப்போதுமே உணர்ச்சிவசப்பட்டதில்லை. எனக்கும், விக்ரம் படத்திற்கு மக்களாகிய நீங்கள் வழங்கிக்கொண்டிருக்கும் பேராதரவு என்னை வியப்படைய செய்திருக்கிறது. 

இந்த அன்பை நான் எப்படி திரும்ப கொடுக்கப்போகிறேன் என்பது எனக்கு தெரியவில்லை. கமல் சாருக்கும், மக்களுக்கும் நான் என்றும் நன்றியுடன் இருப்பேன்” என குறிப்பிட்டிருக்கிறார்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR