Venkat Prabhu Next Movie Hero : கோலிவுட் திரையுலகில் முக்கிய இயக்குநராக வலம் வரபவர், வெங்கட் பிரபு. இவர், இந்த ஆண்டின் பெரிய வெற்றிபெற்ற தமிழ் படத்தை கொடுத்தவர்களுள் ஒருவராகவும் மாறிவிட்டார். இவர் குறித்தும், தி கோட் படத்தை அடுத்து அவர் இயக்கும் படம் குறித்த தகவல் வெளியாகி இருக்கிறது. 


COMMERCIAL BREAK
SCROLL TO CONTINUE READING

தி கோட் படத்தை இயக்கிய வெங்கட் பிரபு:


விஜய் நடிப்பில் இந்த ஆண்டில ஒரே ஒரு படம் மட்டும்தான் வெளியானது. அதுதான், தி கோட் (The Greatest Of All Time). இந்த படத்தில் விஜய் ஹீரோவாக நடிக்க அவருடன் சேர்ந்து சினேகா, மீனாட்சி செளத்ரி, பிரபு தேவா, பிரசாந்த், சிவகார்த்திகேயன் உள்ளிட்ட பலர் நடித்திருந்தனர். 


இந்த ஆண்டின் மிகவும் எதிர்பார்க்கப்பட்ட படங்களுள் ஒன்றாக இருந்த தி கோட் படம், கலவையான விமர்சனங்களையே பெற்றது. இருப்பினும், விஜய் ரசிகர்களுக்கும், ஜாலியான படத்தை பார்க்க வேண்டும் என்று நினைக்கும் சினிமா ரசிகர்களுக்கும் இப்படத்தை பிடித்திருந்தது. பொதுவாகவே ஜாலியான கதைகளை இயக்கி, மக்கள் மத்தியில் இடம் பிடித்த வெங்கட் பிரபு, இந்த படம் மூலமாகவும் மக்களை கவர்ந்தார். 


அடுத்த படம்..


வெங்கட் பிரபு, சமீபத்தில் ஒரு நேர்காணலில் கலந்து கொண்டார். அதில், தி கோட் படத்தில் நடித்தது குறித்தும், அதன் பிறகு தான் இயக்க இருக்கும் படம் குறித்தும் பேசினார். அப்போது, தி கோட் படத்திற்கு முன்னரே ஏஜிஎஸ் நிறுவனத்தின் தயாரிப்பில் ஒரு படத்தை தயாரிக்க பேச்சு வார்த்தை நடந்ததாகவும், அதில் சிவகார்த்திகேயன் ஹீரோவாக நடிக்க இருந்ததாகவும் தெரிவித்திருக்கிறார். ஆனால், ஒரு சில காரணங்களினால் இந்த படம் அடுத்த கட்டத்தை நோக்கி செல்லவில்லை.  இதன் பிறகுதான் தி கோட் படத்தின் கதையுடன் விஜய்யிடம் சென்றதாகவும் அவர் ஓகே சொன்னவுடன் படத்தின் வேலைகள் நடைப்பெற்றதாகவும் கூறியிருக்கிறார். 


மேலும் படிக்க | விடாமுயற்சி-குட் பேட் அக்லி படத்திற்கு பிறகு அஜித் நடிக்கும் படம் எது? இயக்குநர் யார்?


கமிட்டாகியிருக்கும் புதிய படம்!


இயக்குநர் வெங்கட் பிரபு, அடுத்து சத்யஜோதி நிறுவனத்துடன் சேர்ந்து ஒரு படத்தை இயக்க இருப்பதாக அந்த நேர்காணலில் தெரிவித்திருக்கிறார். இது குறித்த பேச்சுவார்த்தை தற்போது நடைப்பெற்று வருவதாக கூறியிருக்கிறார். மேலும், எல்லாம் நல்லபடியாக ஓகே ஆனவுடன் அடுத்த படத்தின் ஹீரோ யார் என்பது குறித்த தகவலையும் வெளியிடுவாராம். 


ஹீரோ யாராக இருக்கக்கூடும்? 


ஏற்கனவே சிவகார்த்திகேயனுடன் சேர்ந்து ஒரு படத்தில் பணிபுரிய இருந்ததால், இவரது அடுத்த படத்தில் சிவகார்த்திகேயனே நடிக்கலாம் என கூறப்படுகிறது. தி கோட் படத்தில் சிவகார்த்திகேயனை கேமியோ கதாப்பாத்திரத்தில் நடிக்க வைத்த அவர், அவரது கதையில் கண்டிப்பாக சிவாவை ஹீரோவாக நடிக்க வைப்பார் என எதிர்பார்க்கப்படுகிறது.



வெங்கட் பிரபு இயக்கிய வெற்றிப்படங்கள்:


இயக்குநர் வெங்கட் பிரபு, 2007ஆம் ஆண்டு முதல் தமிழ் திரையுலகின் இயக்குநராக இருக்கிறார். இவர் இயக்கிய முதல் படமான சென்னை 600028 படம் வெற்றி பெற்றது. அடுத்து இயக்கிய சரோஜா படத்தின் மூலம் தோல்வியை தழுவிய அவர், தொடர்ந்து கோவா மற்றும் மங்காத்தா படம் மூலம் ஹிட் இயக்குநராக மாறினார். இடையிடையே இவர் இயக்கத்தில் மோசமான படங்களும் வெளியாகின. இதையடுத்து வெளியான மாநாடு படம் இவருக்கும் சிம்புவுக்கும் கம்-பேக் படமாக அமைந்தது. தி கோட் படம், உலகளவில் சுமார் ரூ.464 காேடி வசூலித்திருப்பதாக கூறப்படுகிறது. இதுதான், தமிழில் இந்த ஆண்டில் அதிகம் வசூலித்த படமாகும். 


மேலும் படிக்க | கூலி, ஜெயிலர் 2 படத்திற்கு பிறகு ரஜினி நடிக்கும் படம்! யார் இயக்குநர் தெரியுமா?


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..


முகநூல் - @ZEETamilNews


ட்விட்டர் - @ZeeTamilNews


டெலிக்ராம் - https://t.me/ZeeTamilNews 


வாட்ஸ்-அப் - https://whatsapp.com/channel/0029Va5XFvI90x2plF9cKY1r


அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ