‘எதிர்நீச்சல்’ ஆதி குணசேகரனின் புது அவதாரம்..! ரஜினி டைலாக் பேசி மாஸ் காட்டிய மாரிமுத்து..!

தமிழ் தொலைக்காட்சி தொடர்களுள் மிகவும் பிரபலமான ஒன்றாக விளங்குவது, எதிர்நீச்சல். இந்த தொடரை திருசெல்வம் இயக்கி வருகிறார். பெண்களுக்கு எதிரான அடக்கு முறைகளையும் அதை அவர்கள் எப்படி எதிர்கொள்ள வேண்டும் என்பதையும் காண்பிப்பதே இந்த எதிர்நீச்சல் தொடர். இதில் முக்கிய கதாப்பாத்திரமாக வருவது, “ஆதி குணசேகரன்”. இந்த கேரக்டரில், மாரி முத்து நடித்து வருகிறார். 

‘எதிர்நீச்சல்’ மாரி முத்து..

நடிகர் மாரி முத்து, எதிர்நீச்சல் தொடரில் நடிப்பதற்கு முன்பு பல படங்களில் குணசித்திர வேடங்களிலும் வில்லத்தனமாக ரோல்களிலும் நடித்திருக்கிறார். இவர், ஒரு நடிகராக பிரபலமாக இருந்தாலும், இவரது கதாப்பாத்தரங்களின் பெயர் பெரிதாக வெளியில் தெரியாது. ஆனால், இப்போது இவரை ‘எதிர்நீச்சல்’ மாரி முத்து என்றால்தான் பலருக்கும் தெரிகிறது. அந்த அளவிற்கு சின்னத்திரை ரசிகர்கள் மத்தியில் நங்கூரம் போல நச்சென்று இறங்கி விட்டார், மாரி முத்து. குடும்பத்து பெண்கள் கூறும் கருத்துகளை சாதாரணமாக உதாசீனம் செய்யும் அக்மார்க் ஆணாதிக்க வாதியாக எதிர்நீச்சல் தொடரில் வரும் கதாப்பாத்திரம்தான் ‘ஆதி குணசேகரன்’. இந்த கேரக்டரை பலர் ‘பூமர் அங்கிள்’ என்று கலாய்ப்பதுண்டு. அதையெல்லாம் கண்டு கொள்ளாமல் தனது பாத்திரத்திற்கு ஏற்ற பங்களிப்பை அசால்டாக வெளிப்படுத்தி வருகிறார், மாரி முத்து. எதிர்நீச்சல் தொடரின் ஹீரோவை விட இவருக்குத்தான் தற்போது மவுசு அதிகமாக உள்ளது. 

வைரல் வீடியோ: 

தமிழ் சின்னத்திரை நடிகர் நடிகைகள் அவ்வப்போது ஏதேனும் ரீல்ஸ் செய்து வெளியிடுவது வழக்கம். அப்படி எதிர்நீச்சல் தொடரை சேர்ந்த நடிகர்களும் ஒரு ரீல்ஸ் வீடியோவை வெளியிட்டுள்ளனர். சமீபத்தில் வெளியான ஜெயிலர் படத்தில் ஒரு ஐகானிக் காட்சி இடம் பெற்றிருந்தது. ரம்யா கிருஷ்ணன், ரஜினிகாந்த்தை பார்த்து “கொஞ்சம்..இதோட நிறுத்திக்கலாம்ல..” என்று கேட்பார். அதற்கு ரஜினி, “ரொம்ப தூரம் போய்டேன்..Fullஆ முடிச்சிட்டுதான் திரும்பி வருவேன்..” என்பார். இந்த டைலாக் மீம்ஸ் ஆகவும் ரீல்ஸ் ஆகவும் மிகவும் பிரபலமானது. 

தற்போது எதிர்நீச்சல் ஆதி குணசேகரனும் இந்த டைலாக்கை பேசி ரீலஸ் செய்துள்ளார். இது சமூக வலைதளங்களில் தற்போது வைரலாகி வருகிறது. 

மாரி முத்து மீது புகார்..

தமிழ் சினிமா உலகிலும் சின்னத்திரை உலகிலும் ட்ரெண்டிங்கிள் இருக்கும் பிரபலங்களுள் ஒருவர், மாரி முத்து. இவர் சமீபத்தில் ஒரு விவாத நிகழ்ச்சியில் கலந்து கொண்டார். அதில், ஜோசித்தை நம்புவாேர் Vs. ஜோசியக்காரர்கள் ஆகியோர் இடையே விவாதம் நடத்தப்பட்டது. இந்த நிகழ்ச்சியில் சிறப்பு விருந்தினராக கலந்து கொண்ட மாரி முத்து, “ஜோசியக்காரர்களால்தான் நாடே இன்னும் வளராமல் இருக்கிறது. இவையனைத்தும் பொய்..” என்பது போல பேசினார். இதற்கு அந்நிகழ்ச்சியில் இருந்த ஜோசியக்காரர்கள் எதிர்ப்பு தெரிவித்தனர். இதையடுத்து அவர்கள் கூட்டாக இணைந்து காவல் நிலையத்திலும் புகார் கொடுத்தனர். இந்த சம்பவம் சின்னத்திரை உலகில் பரபரப்பை ஏற்படுத்தியது. 

யார் இந்த மாரிமுத்து..? 

கிராமங்களில் இருந்து சினிமா கனவுகளுடன் சென்னைக்கு வந்தவர்களுள் மாரிமுத்துவும் ஒருவர். முன்னணி இயக்குநர்களின் சில படங்களில் உதவி இயக்குநராக இருந்தார். சில படங்களை இயக்கவும் செய்தார். அவ்வப்போது படங்களில் துணை கதாப்பாத்திரங்களில் நடித்து வந்தார். தற்போது தமிழ் சினிமாவின் பிரபலமான குணச்சித்திர நடிகர்களுள் இவரும் ஒருவர். பலருக்கு பலவகையான கண்டெண்டுகளை கொடுப்பதால் பல யூடியூப் தளங்களும் தொலைக்காட்சிகளும் இவரை அழைத்து நேர்காணல் செய்து வருகின்றனர். 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ