இந்தியன் 2 படம் இதுவரை செய்துள்ள வசூல்.. பாக்ஸ் ஆபிஸ் கலெக்ஷன் இதோ

Indian 2 Box Office Collection: கடந்த ஜூலை 12 ஆம் தேதி உலகம் முழுவதும் வெளியான திரைப்படம் இந்தியன் 2. இந்த திரைப்படம் தற்போது வெளியாகி எவ்வளவு வசூல் செய்துள்ளது என்பதை இந்த கட்டுரையில் காணலாம்.

இந்தியன் 2 திரைப்படம்:
இந்தியன் 2 திரைப்படம் ஒரு வழியாக பல்வேறு இன்னல்களை தாண்டி கடந்த 12 ஆம் தேதி வெளியாகி இருந்தது. ஷங்கர் இயக்கத்தில் 1996 ஆம் ஆண்டு வெளியான இந்தியன் திரைப்படத்தின் இரண்டாம் பாகம் இந்தியன் 2. சுமார் 28 ஆண்டுகள் கழித்து வெளியாகியிருக்கும் இத்திரைப்படத்தின் மீது ரசிகர்கள் நிறைய எதிர்பார்ப்பினை கொண்டிருக்கின்றனர்.

102 வயது தாத்தாவாக கமல்:
இந்தியன் படத்தில் சேனாபதி-சந்துரு என்ற தந்தை மகன் இரட்டை வேட கதாப்பாத்திரத்தில் நடித்திருந்த இவர் இதில் 102 வயது முதியவராக நடித்திருக்கிறார். ஆனால், அது துளியளவு கூட தெரியாத அளவிற்கு சண்டை காட்சிகளில் எல்லாம் கலக்கி இருக்கிறார்.

தாத்தா கதறவிட்டாரா?
இந்தியன் 2 திரைப்படத்திற்கு அனிருத் இசையமைத்திருந்தார். இதில் “தாத்தா வராறு கதற விடப்போறாரு” பாடல் இடம் பெற்றிருந்தது. படம் வெளியாகியிருப்பதை தொடர்ந்து இதை வைத்தே பலர் படத்தை ட்ரோல் செய்தனர். “தாத்தா வில்லன்களை கதற விட்டாறா.. அல்லது ரசிகர்களை கதற விட்டாறா..?” என பலர் கேள்வி கேட்டு வருகின்றனர். மேலும் விமர்சனங்களின் படி, படம் கொஞ்சம் சுமாராகத்தான் இருப்பதாக கூறப்படுகிறது. மேலும் கமலின் சண்டை காட்சிகள் நன்றாக வந்திருப்பதாகவும், க்ளைமேக்ஸ் காட்சிகள் நன்றாக இருப்பதாகவும் கூறப்படுகிறது. மேலும், இந்தியன் 3 படத்தின் க்ளிம்ஸ் காட்சிகளும் இதில் இடம் பெற்றிருக்கின்றன. இதுவும் நன்றாக இருப்பதாக ரசிகர்கள் கூறிவருகின்றனர்.

இந்தியன் 2 திரைப்படம் செய்துள்ள வசூல்:
இந்நிலையில் உலகளவில் இந்தியன் 2 திரைப்படம் கடந்த 9 நாட்களில் ரூ. 148 கோடி வரை மட்டுமே வசூல் செய்துள்ளதாக கூறப்படுகிறது. மேலும் தயாரிப்பாளருக்கு லாபமான படமாக இந்தியன் 2 அமைந்துள்ளது என கூறியுள்ளது. இனி வரும் நாட்களில் இந்தியன் 2விற்கு எப்படிப்பட்ட வசூல் கிடைக்கப்போகிறது என்று பார்ப்போம்.

இந்தியன் 2 நடிகர்-நடிகைகள்:
இந்தியன் 2 திரைப்படத்தில் கமல்ஹாசனுடன் இணைந்து சித்தார்த் நடித்திருக்கிறார். ஏற்கனவே ஷங்கரின் பாய்ஸ் படத்தில் நடித்திருந்த இவர் தற்போது இரண்டாவது முறையாக அவருடன் கைக்காேர்த்திருக்கிறார். இந்தி மற்றும் தமிழ் படங்களில் நடித்து வரும் ரகுல் ப்ரீத் சிங் நடித்திருக்கிறார். பிரியா பவானி ஷங்கர், காஜல் அகர்வால், பிரம்மானந்தம் உள்ளிட்டோர் நடித்திருக்கின்றனர். 

இந்தியன் 2 படத்தில் இடம் பெற்றிருந்த மறைந்த நடிகர்கள்:
இந்தியன் 2 திரைப்படத்தில் மறைந்த நடிகர்கள் விவேக், நெடுமுடி வேணு, மனோபாலா உள்ளிட்டோர் நடித்திருக்கின்றனர். இதில், ஒரு சிலரின் காட்சிகள் ஏஐ மூலம் உருவாக்கப்பட்டிருந்தது. 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!