இந்தியன் 2 படத்தில் கமலுக்கு கேமியோ ரோலா? ஷங்கர் பதில்!

Indian 2 Kamal Haasan Cameo Role : தமிழ் திரையுலகம் மட்டுமன்றி, ஒட்டுமொத்த தென்னிந்திய திரையுலக ரசிகர்களின் எதிர்பார்ப்பாக இருக்கிறது, இந்தியன் 2 படத்தின் ரிலீஸ். இப்படம், வரும் 12ஆம் தேதி உளகளவில் வெளியாக இருக்கிறது. இதில், கமல்ஹாசன் ஹீரோவாக நடித்திருக்கிறார்.

28 ஆண்டுகள் கழித்து இரண்டாம் பாகம்..!

இந்தியன் 2 படத்தின் ஹைலைட்டே, இந்த படம் 28 ஆண்டுகள் கழித்து ரீ-ரிலீஸ் ஆக இருக்கிறது என்பதுதான். இந்தியன் திரைப்படம் 1996ஆம் ஆண்டு வெளியானது. அதில் நடிகர் கமல்ஹாசன் சேனாபதி என்ற தந்தையின் கதாப்பாத்திரத்திலும் சந்துரு என்ற மகனின் கதாப்பாத்திரத்திலும் நடித்திருந்தார். பிரம்மாண்ட இயக்குநர் என்று பெயர்பெற்ற ஷங்கரின் படைப்பான அது, அப்போதைய ரசிகர்கள் மட்டுமன்றி, இப்போதைய இளம் தலைமுறை ரசிகர்களையும் கவர்ந்திருந்தது. இந்த படத்தின் இரண்டாம் பாகத்திற்கான பணிகள் பல ஆண்டுகளாக நடைப்பெற்று வந்தது. 

5 ஆண்டுகளாக நடைப்பெற்ற பணிகள்..!

இந்தியன் 2 படத்தின் ரிலீஸ்தான் இப்போது. ஆனால், இதன் கதை எழுதும் பணிகளும் ப்ரீ-ப்ரொடக்ஷன் பணிகளும் எப்போதோ தொடங்கி விட்டது. ஆனால், பட தயாரிப்பில் பிரச்சனை, படத்தை தயாரிக்கும் நிறுவனத்துடன் பிரச்சனை, படப்பிடிப்பு தளத்தில் விபத்து ஏற்பட்டு உயிரிழப்பு, கமலுக்கும் ஷங்கருக்கும் தகராறு என பல்வேறு பிரச்சனைகள் காரணமாக, இந்த படத்தை எடுத்து முடிக்கவே 5 ஆண்டுகள் ஆகிவிட்டது. மிகவும் தாமதமாக எடுக்கப்பட்ட படம் என்பதால் இந்த படம் ஒரு வேளை ரசிகர்களின் எதிர்பார்ப்புகளுக்கு ஏற்றார் பாேல இருக்காதோ என்ற சந்தேகமும் ரசிகர்களுக்கு இருக்கிறது. 

கமலுக்கு காமியோ ரோலா?

இந்தியன் 2 படத்தில் மிக முக்கிய கதாப்பாத்திரமே நடிகர் கமல்ஹாசன்தான் என்பது அனைவருக்கும் தெரியும். ஆனால், அவர் சமீப காலமாக நடிக்கும் பல படங்களில் இவருக்கான காட்சிகள் மிகவும் குறைவாகவே கொடுக்கப்பட்டு வருகின்றன. அதாவது, இவருக்கு பில்ட்-அப் கொடுக்கப்படும் காட்சிகள் அதிகமாகி, இவரது ஸ்கரீன் டைமிங் குறைவாக இருப்பதாக கூறப்படுகிறது. விக்ரம் மற்றும் கல்கி 2898 ஏடி திரைப்படத்திலும் இதே கதைதான். இதே போல இந்தியன் 2 படத்திலும் கமலுக்கு குறைவான அளவிலேயே ஸ்கிரீன் டைமிங் கொடுக்கப்பட்டிருப்பதாக கூறப்படுகிறது. இது குறித்து இயக்குநர் ஷங்கரிடம் சமீபத்தில் கேள்வியும் கேட்கப்பட்டது. இதற்கு அவர் பதிலளித்திருக்கிறார். 

ஷங்கர் பதில்..

நடிகர் கமல்ஹாசனின் கேமியோ குறித்து பேசியிருக்கும் ஷங்கர், அப்படியொன்றும் இல்லை என்றும், அவரை திரையில் காண்பிக்காத காட்சிகளில் கூட அவரை பற்றிதான் பேசிக்கொண்டிருப்பர் என்று கூறியிருக்கிறார். இதை கேட்ட ரசிகர்கள், ஒரு வேளை விக்ரம் படம் போல ஒரு சில கெத்து காட்சிகளில் மட்டும் கமலை காண்பித்து படத்தை முடித்து விடுவார்களோ என டவுட்டில் இருக்கின்றனர். 

இந்தியன் 3:

இந்தியன் 2 படத்தை எடுக்கும் போதே, இந்தியன் 3 படமும் எடுக்கப்பட்டு விட்டதாக தகவல்கள் வெளியாகி உள்ளது. இரண்டாம் பாகம் இந்த ஆண்டில் வெளியாக, 3ஆம் பாகம் அடுத்த ஆண்டு வெளியாகும் என எதிர்பார்க்கப்படுகிறது. இது குறித்து பேசியிருக்கும் கமல்ஹாசன், தான் இந்தியன் 3 படத்தின் ரசிகன் என்றும் ஒரு முறை கூறினார். 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!