Movie Update Released On Rajinikanth Birthday : இந்திய திரையுலகில், மிக முக்கிய நடிகராக விளங்கி வருபவர், ரஜினி. இவர், கிட்டத்தட்ட 40 வருடங்களாக ஹீரோவாக வலம் வரும் இவர், தற்போது தனது 70களை கடந்தும் பெரிய ஹீரோவாக வலம் வந்து கொண்டிருக்கிறார். இந்த நிலையில், அவர் அடுத்தடுத்து, 2 படங்களில் நடித்து வருகிறார். 


COMMERCIAL BREAK
SCROLL TO CONTINUE READING

ரஜினிகாந்த் நடிக்கும் இரண்டு படங்கள்:


நடிகர் ரஜினிகாந்த், தற்பாேது இரண்டு படங்களில் கமிட் ஆகி இருக்கிறார். இதில் ஒன்று, தற்பாேது அவர் நடித்து வரும் கூலி. இந்த படத்தை, லோகேஷ் கனகராஜ் இயக்கி வருகிறார். இந்த படம் குறித்த அறிவிப்பு, சில மாதங்களுக்கு முன்பு வெளியானது. இதில், ரஜினிகாந்துடன் இணைந்து நாகார்ஜுனா, ஸ்ருதிஹாசன், சத்யராஜ், உப்பேந்திரா உள்ளிட்ட பலர் நடித்து வருகின்றனர். 


கூலி படத்திற்கு அனிருத் இசையமைக்கிறார். இந்த படத்தின் படப்பிடிப்புகள் ஐதராபாத், சென்னை உள்ளிட்ட இடங்களில் நடைப்பெற்று வருகிறது. இந்த படம், அடுத்த வருடம் வெளியாக இருக்கிறது. இந்த படத்தின் முக்கிய அப்டேட் ஒன்று, சர்ப்ரைஸாக ரஜினிகாந்தின் பிறந்தநாளை முன்னிட்டு, வரும் டிசம்பர் 12ஆம் தேதி வெளியாக இருக்கிறதாம். அது மட்டுமல்ல, இன்னொரு படத்தின் க்ளிம்ஸ் வீடியோ மற்றும் ரஜினிகாந்தின் ஸ்பெஷல் போஸ்டர் ஒன்று வெளிவர இருக்கிறது. 


ஜெயிலர் 2:


கடந்த ஆண்டு ஆகஸ்ட் மாதம் வெளியாகி, ரஜினிகாந்திற்கு மிகப்பெரிய வெற்றியை தேடித்தந்த படம், ஜெயிலர். இந்த படத்தை நெல்சன் திலீப்குமார் இயக்கியிருந்தார். ரஜினியுடன் சேர்ந்து, இந்த படத்தில் ரம்யா கிருஷ்ணன், மிர்ணா மேனன், வசந்த் வரி, தமன்னா, ஜாக்கி ஷ்ராஃப், மோகன்லால், சிவராஜ்குமார் உள்ளிட்ட பலர் நடித்திருந்தனர்.  இந்த படத்தின் இரண்டாம் பாகம் தயாராக இருப்பதாக ஏற்கனவே பல தகவல்கள் வலம் வர தொடங்கின. 


வரும் டிசம்பர் 5ஆம் தேதி,  ஜெயிலர் 2 படத்தின் ப்ரமோ வீடியோ ஷூட்டிங் செய்யப்பட இருப்பதாக கூறப்படுகிறது. இதில், ரஜினிகாந்த் கலந்து கொள்வார் என்றும் எதிர்பார்க்கப்படுகிறது. இந்த வீடியோ, ரஜினியின் பிறந்தநாளில் வெளியாக இருக்கிறது. ஜெயிலர் 2 படத்திற்கு ஹுக்கும் என பெயரிடப்பட்டிருப்பதாக கூறப்படுகிறது. 



மூன்றாவது சர்ப்ரைஸ்..


ரஜினி ரசிகர்களுக்கு, மூன்றாவதாகவும் ஒரு சர்ப்ரைஸ் காத்துக்கொண்டுள்ளது. அது வேறு ஒன்றுமில்லை, அவர் நடிப்பில் 1991 ஆம் ஆண்டு வெளியான தளபதி படத்தின் ரீ-ரிலீஸ்தான். இந்த படத்தில் ரஜினிகாந்துடன் சேர்ந்து மம்மூட்டி, அரவிந்த் சாமி, ஷோபனா உள்ளிட்ட பலர் நடித்திருந்தனர். மணிரத்னம் இயக்கத்தில் வெளியாகி இருந்த இந்த படம், அப்போதே மிகப்பெரிய வெற்றி பெற்றது. இந்த படத்தை, ரஜினியின் பிறந்தநாளில் மீண்டும் திரையரங்குகளில் பார்க்கலாம். 


மேலும் படிக்க | அமரன் படத்திற்கு ரஜினிகாந்த் கொடுத்த விமர்சனம்! என்ன சொன்னார் தெரியுமா?


வேட்டையன் படத்திற்கு கிடைத்த வெற்றி..


நடிகர் ரஜினிகாந்த் நடிப்பில் கடைசியாக வெளியான படம், வேட்டையன். இந்த படத்தை, டி.ஜே.ஞானவேல் இயக்கியிருந்தார். வழக்கமான படங்களில் இருந்து சற்று வேறுபட்டிருந்த இந்த திரைப்படம், ஓரளவிற்கு ரசிகர்கள் மத்தியில் நல்ல வரவேற்பினை பெற்றிருந்தது. இந்த படத்தில் ரஜினிக்கு வில்லனாக ராணா டகுபதி நடித்திருந்தார். 


துஷாரா விஜயன், மஞ்சு வாரியர், அபிராமி என பலர் முக்கிய கதாப்பாத்திரங்களில் நடித்திருந்த இந்த படம், உலகளவில் சுமார் ரூ.250 கோடிக்கும் மேல் வசூலித்ததாக கூறப்படுகிறது. இப்படத்தில் ரஜினிகாந்த், காவல் அதிகாரியாக நடித்திருந்தார். ஆனால், இதற்கு அடுத்து நடித்து வரும் கூலி படத்தில் அப்படியே ஆப்போசிட் ஆக, கேங்ஸ்டர் ரோலில் நடித்து வருவதாக கூறப்படுகிறது. 


மேலும் படிக்க | ஜெயிலர் 2: ரஜினியுடன் சேர்ந்து நடிக்கும் தனுஷ்!! Ex மாமனாரை எப்படி எதிர்கொள்வார்?


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..


முகநூல் - @ZEETamilNews


ட்விட்டர் - @ZeeTamilNews


டெலிக்ராம் - https://t.me/ZeeTamilNews 


வாட்ஸ்-அப் - https://whatsapp.com/channel/0029Va5XFvI90x2plF9cKY1r


அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ