Leo Update: யார் இந்த ஆண்டனி தாஸ்..? வெளியானது க்ளிம்ஸ் வீடியோ..!

விஜய் ஹீரோவாக நடித்துள்ள லியோ படத்தின் போஸ்ட் ப்ரெடக்ஷன் பணிகள் நடைப்பெற்று வருகின்றன. இந்த மாதத்தின் தொடக்கத்தில் விஜய் தன் பங்கு காட்சிகளுகளை நடித்து முடித்து கொடுத்தார். இதைத்தொடர்ந்து படத்தின் மொத்த படப்பிடிப்பு பணிகளும் சில வாரங்களுக்கு முன்னர் முடிவடைந்தன. இந்த நிலையில், படத்தின் முக்கிய அப்டேட் ஒன்று, இன்று வெளியாகியுள்ளது. 

லியோ பாடல்..

லியோ படத்தில் சஞ்சய் தத் நடித்துள்ளார். இவரது கதாப்பாத்திரத்திற்கான க்ளிம்ஸ் வீடியா தற்போது வெளியாகியுள்ளது. 

பிரபல நடிகர் சஞ்சய் தத், லியோ படத்தில் முக்கிய கதாப்பாத்திரமாக வருகிறார். இவருக்கு இன்று பிறந்தநாள். இதையொட்டி படக்குழு இன்று இந்த அப்டேட்டை வெளியிட்டுள்ளது. 

இதுதான் சஞ்சய் தத்தின் கதாப்பாத்திரம்..!

பிரபல பாலிவுட் நடிகர் சஞ்சய் தத், கே.ஜி.எஃப் படத்தில் நடித்ததற்கு பிறகு இவரது தென்னிந்திய திரையுலக மார்கெட் ஏறுமுகமாக உள்ளது. இவர், லியோ படத்தில் விஜய்யின் அப்பா கதாப்பாத்திரத்தில் நடித்துள்ளதாக தகவல்கள் வெளியாகியுள்ளது. இன்று வெளியாகியுள்ள வீடியோவைப்பார்த்தால் இது உண்மைதான் என தெரிகிறது. அது மட்டுமன்றி இவர் பயங்கர கேங்ஸ்டர் கதாப்பாத்திரத்தில் நடித்துள்ளதாகவும் இவர், படங்களின் வில்லன்களில் ஒருவர் என்றும் கூறப்படுகிறது. ஆனால், லியோ படம் குறித்த தகவல்களை படக்குழு மிகவும் பாதுகாப்பாக வைத்துள்ளது. அதனால் படம் வந்த பிறகே எதையும் உறுதியாக கூற முடியும். 

நா ரெடி பாடல்:

நடிகர் விஜய்யின் பிறந்தநாளையொட்டி லியோ படத்தின் முதல் சிங்கிளான ‘நா ரெடி’ பாடல் வெளியானது. இந்த பாடலை நடிகர் விஜயே பாடியிருந்தார். ‘நான் ரெடிதான் வரவா..’ என தொடங்கிய இந்த பாடலின் வரிகள் ரசிகர்களை பெரிதும் கவர்ந்தது. அனிருத்தின் துள்ளள் இசையும், லிரிக்கல் வீடியோவில் இடம் பெற்றிருந்த படத்தின் போஸ்டர்களும் ரசிகர்களை ஈர்த்தன. இந்த பாடல் வெளியாகி ஒரே மாதத்தில் சுமார் 79 மில்லியன் வியூஸ்களை கடந்துள்ளது. 

லியோ படத்தில் இத்தனை பாடல்கள்தான்..!

லியோ படம் குறித்த தகவல்கள் தினமும் ஒன்று கசிந்து கொண்டிருக்கின்றன. சமீபத்தில் வெளியான ஒரு தகவலில், லியோ படத்தில் மூன்று பாடல்கள் மட்டுமே இடம் பெற்றுள்ளதாகவும் ஆங்காங்கே மொரட்டு தனமான தீம் இசை வைக்கப்பட்டுள்ளதாகவும் கூறப்படுகிறது. ஏற்கனவே வெளியான ‘நா ரெடி’ பாடலின் பிடியில் இருந்து ரசிகர்கள் இன்னும் மீளாத நிலையில் அடுத்த பாடலின் ரிலீஸ் எப்போது என ஆவலுடன் காத்துக்கொண்டுள்ளனர். அனிருத்-லோகேஷ் கனகராஜ்-விஜய்யின் கூட்டணியில் இதற்கு முன்னர் வெளிவந்த மாஸ்டர் படத்தில் இடம்பெற்றிருந்த பாடல்கள் யாவும் மாஸ் ஹிட் அடித்தன. அதே போல லியோ பட பாடல்களும் கண்டிப்பாக ரசிகர்களை ஈர்க்க தவறாது என எதிர்பார்க்கப்படுகிறது. 

வெளியில் கூறப்படாத படக்குழு:

லியோ படத்தில் நடிப்பவர்களின் லிஸ்ட் எப்போதோ வெளியாகி விட்டது. விஜய் ஹீரோவாக நடிக்க அவருக்கு ஜோடியாக த்ரிஷா நடிக்கிறார் என்பது உலகறிந்த கதை. மிஷ்கின், சஞ்சய் தத் ஆகியோர் நெகடிவ் ஷேட் பொருந்திய கதாப்பாத்திரத்தில் வருகின்றனர் என்பதும் ரசிகர்களுக்கு சலித்துப்போன கதையாகி விட்டது. இவர்களுடன் இயக்குநரும் நடிகருமான கௌதம் வாசுதேவ் மேனனும் இணைந்துள்ளார். பிரியா ஆனந்த், ஆக்‌ஷன் கிங் அர்ஜுன் ஆகியோரும் இதில் முக்கிய கதாப்பாத்திரமாக வருகின்றனர். இவர்களைத்தவிர வெளியில் சொல்லப்படாத நடிகர்களும் லியோ படத்தில் இருப்பதாக தகவல்கள் கசிந்துள்ளன. நடிகர் அர்ஜுன் தாஸ் மற்றும் மடோனா சபாஸ்டியன் ஆகியோரும் நடித்துள்ளதாக கூறப்படுகிறது. முன்னர் வெளிவந்த ‘விக்ரம்’ படத்தில் சூர்யாவின் கேமியோ ரோலை படக்குழு சீக்ரெட்டாக வைத்திருந்தது. ஆனால், படப்பிடிப்பின் போது எடுக்கப்பட்ட போட்டோ வெளியானதால் சூர்யாவின் கதாப்பாத்திரத்தையும் படக்குழு வெளியிட்டு விட்டது. இந்த தவறு இனி நிகழக்கூடாது என முடிவெடுத்துள்ள படக்குழு, ஷூட்டிங்கின் போது செல்போன்களை கூட அனுமதிக்கவில்லை என கூறப்படுகிறது. இதனால், படத்தில் ரசிகர்களை ஷாக் ஆக்கும் அளவிற்கு பல விஷயங்கள் இருக்கும் என எதிர்பார்க்கப்படுகிறது. 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ