நிவின் பாலியின் ‘ரிச்சி’ படத்தின் புதிய அப்டேட்!!

பிரேமம் படத்தில் நடித்ததற்குப் பிறகு நிவின் பாலிக்கு தமிழ், மலையாளம் என அதிக அளவில் ரசிகர்கள் இருக்கிறார்கள். 

நேரம் படத்தை அடுத்து நிவின் பாலி மீண்டும் நேரடியாக தமிழில் நடித்துள்ள படம் 'ரிச்சி'. இப்படத்தை கவுதம் ராமச்சந்திரன் இயக்கி உள்ளார். நிவின் பாலி, நட்டி, ஷ்ரத்தா ஸ்ரீநாத், லட்சுமி ப்ரியா என பலர் நடித்து உள்ளனர்.

கன்னடத்தில் வெற்றி பெற்ற ‘உலிடவரு கண்டந்தி’ என்ற படத்தின் தமிழ் ரீமேக்காக உருவாகி இருக்கும் இந்த படத்தில் தூத்துக்குடி மாவட்டத்தில் வசிக்கும் ஒரு ரவுடி கதாபாத்திரத்தில் நிவின் பாலி நடித்திருக்கிறார். 

அஜனீஷ் லோக்நாத் இசையமைத்தள்ள இந்த படத்தின் டீசர் வெளியாகி நல்ல வரவேற்பை பெற்றிருந்த நிலையில், படத்தின் இசை வெளியீடு நாளை வெளியிடப்போவதாக படக்குழு தெரிவித்துள்ளது. இப்படம் வரும் 8-ம் ரிலீசாக போவது குறிபிடத்தகது.