த்ரில்லர் காட்சிகள் நிறைந்த ‘டேனி’ திரைப்பட டீசர் வெளியானது...

மக்கள் செல்வி வரலக்ஷ்மி சரத்குமார் நடிப்பில் உருவாகியுள்ள டேனி திரைப்படத்தின் டீசர் வெளியானது.

தமிழ் சினிமாவில் சமீபகாலமாக சவாலான கதாபாத்திரங்களை ஏற்று நடிக்கும் நடிகைகளில் ஒருவராக கருதப்படுபவர் நடிகர் வரலக்ஷ்மி. அதற்கு சான்றாய் அமைந்தவை அவரது ‘தாரை தப்பட்டை’, ‘விக்ரம் வேதா’, ‘சத்யா’, ‘சண்டக்கோழி 2’ திரைப்படங்கள் ஆகும்.

இந்த வரிசையில் தற்போது ‘டேனி’ திரைப்படம் இணையவுள்ளது. தமிழ் ரசிகர்களிடையே பெரும் எதிர்பார்ப்பினை தூண்டியுள்ள இத்திரைப்படத்தின் டீசரினை படக்குழுவினர் வெளியிட்டுள்ளனர். டீசரில் வரலக்ஷ்மி சரத்குமாரின் பெயருக்கு மக்கள் செல்லி என்னும் அடை மொழி கொடுக்கப்பட்டுள்ளது குறிப்பிடத்தக்கது. போல்டான நடிகையாக ரசிகர்களால் பார்க்கப்பட்டு வரும் வரலட்சுமிக்கு மக்கள் செல்வி என்ற பட்டபெயரும் சரியாகவே பெருந்தும் என கருத்துக்கள் வெளியாகி வருகின்றன.

தார தப்பட்டை, சண்டக்கோழி, நீயா 2 , சர்க்கார் போன்ற படங்களில் நடித்து தனது கதாபாத்திரத்தை மக்களின் அவ்வளவு அற்புதமாக வெளிப்படுத்தி தனக்கான ரசிகர்கள் பட்டாளத்தை உருவாக்கி கொண்ட அவர், தற்போது டேனி படத்தில் காவல்துறை அதிகாரியாக நடித்துள்ளார்.

சந்தான மூர்த்தி இயக்கத்தில் உருவாகிவரும் இப்படத்தை பிஜி மீடியா வொர்க்ஸ் சார்பில் ஒளிப்பதிவாளர் பி.ஜி.முத்தையா தயாரிக்கிறார். க்ரைம் திரில்லராக உருவாகி வரும் இத்திரைப்படத்தில் வரலட்சுமியுடன் சாயாஜி ஷிண்டே, வேல ராமமூர்த்தி, அனிதா சம்பத் ஆகியோர் நடிக்கின்றனர். இந்நிலையில் தற்போது இப்படத்தின் டீசர் இணையத்தில் வெளியாகியுள்ளது குறிப்பிடத்தக்கது.

டேனி திரைப்படத்துடன் கன்னி ராசி, வெல்வெட் நகரம், ரனம், காட்டேரி ஆகிய படங்களிலும் வரலக்ஷ்மி நடித்து வருகின்றார்.