இயக்குநர் விக்னேஷ் சிவன் மற்றும் நயன்தாரா ஆகியோர் விரைவில் திருமணம் செய்து கொள்ள உள்ளனர். அதற்கான ஏற்பாடுகளில் மும்முரமாக இருக்கும் இருவரும், கோயில்களுக்கும் சென்று வருகின்றனர். அண்மையில் திருப்பதி சென்று வந்த நயன்தாரா - விக்னேஷ் சிவன் ஜோடி, நேற்று திருச்சிக்கு சென்றனர். திருச்சி அருகே வழுத்தூரில் இருக்கும் விக்னேஷ்சிவனின் குலதெய்வ கோவிலில் இருவரும் பொங்கல் வைத்து வழிபட்டனர்.


COMMERCIAL BREAK
SCROLL TO CONTINUE READING

மேலும் படிக்க | படப்பிடிப்பின் போது சமந்தாவிற்கு விபத்து..ரசிகர்கள் அதிர்ச்சி!


அவர்களின் வருகையால் அந்தப் பகுதியில் மக்கள் கூட்டம் அலைமோதியது. சென்னையில் இருந்து திருச்சி சென்ற அவர்கள், அங்கிருந்து கார் மூலம் வழுத்தூர் சென்றனர். முன்னதாக திருச்சி விமான நிலையத்தில் செல்பி எடுக்க தயங்கி நின்று கொண்டிருந்த பெண்ணை அழைத்து போட்டோ எடுத்துக் கொண்டபிறகு குல தெய்வ கோவிலுக்கு கிளம்பினர். அங்கு, ஊர் மக்கள் புடைசூழ பொங்கல் வழிபாடு நடந்தது.



அதன்பின்னர், நேற்றிரவு சென்னை திரும்பிய இருவரும் கறி விருந்து ஒன்றை ஏற்பாடு செய்துள்ளனர். நயன்தாராவுக்காக விக்னேஷ் சிவன் ஸ்பெஷலாக இந்த விருந்தை ஏற்பாடு செய்துள்ளார். சிக்கன், மட்டன், நண்டு, மீன் என பலவகைகளில் தயார் செய்யப்பட்ட ஐட்டங்கள் உணவு மேஜையை அலங்கரிக்கிறது. அந்த உணவை சுவைத்து சாப்பிடும் விக்னேஷ் சிவன், நயன்தாராவையும் அழைத்து அந்த உணவின் சுவை குறித்து கூறி ஊட்டி விடுகிறார்.


இந்த அழகான காட்சியை இருவரும் வீடியோவாக பதிவு செய்து இன்ஸ்டாகிராமிலும் வெளியிட்டுள்ளனர். விக்னேஷ் சிவன் இன்ஸ்டாகிராம் பக்கத்தில் இருக்கும் அந்த வீடியோ, 2 மணி நேரத்துக்கு முன்பு தான் பதிவு செய்யப்பட்டிருக்கிறது.இருப்பினும், லைக்ஸூகளும், பார்வைகளும் ஜெட் வேகத்தில் சென்று கொண்டிருக்கின்றன. இதுவரை ஒன்றை லட்சம் பேர் அந்த வீடியோவை லைக் செய்துள்ளனர். 


மேலும் படிக்க | 'விக்ரம்' படத்தின் கதை ரஜினிக்காக எழுதப்பட்டதா? வெளியான தகவல்!


விக்னேஷ் சிவன் கடைசியாக காத்து வாக்குல ரெண்டு காதல் படத்தை இயக்கியிருந்தார். அதில் சமந்தா மற்றும் நயன்தாரா, விஜய் சேதுபதி ஆகியோர் நடித்திருந்தனர். வசூல் ரீதியாக வெற்றி பெற்ற அந்தப் படத்தைத் தொடர்ந்து தல அஜித்தை இயக்குகிறார் விக்னேஷ் சிவன். ஹெச். வினோத்தின் படப்பிடிப்புக்குப் பிறகு, விக்னேஷ் சிவன் படத்தின் சூட்டிங் தொடங்க இருக்கிறது. அதற்கான பணிகளிலும் ஈடுபட்டுக் கொண்டிருக்கிறார் விக்னேஷ் சிவன். 


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link - https://bit.ly/3hDyh4G


Apple Link - https://apple.co/3loQYeR