Vikram Update: விக்ரம் படத்தில் இணைந்த பிரபல நடிகர்

ரசிகர்கள் மத்தியில் பெரிதும் எதிர்ப்பார்ப்பில் இருக்கும் படங்களில் ஒன்று கமல்ஹாசனின் விக்ரம். மாஸ்டர் படத்தின் வெற்றியை அடுத்து இயக்குனர் லோகேஷ் கனகராஜ் இயக்கத்தில் வெயியாக போகும் படம் என்பதால் எதிர்பார்ப்பு அதிகம் ஆகியுள்ளது. இந்த படம் நடிகர் கமலின் (Kamal Haasan) 232 வது படம் ஆகும். அனிருத் இப்படத்திற்கு இசையமைக்க உள்ளார். 

லோகேஷ் கனகராஜ் (Lokesh kanagaraj) இயக்கும் இப்படத்தின் பர்ஸ்ட் லுக் போஸ்டர் சமீபத்தில் வெளியாகி ரசிகர்கள் மத்தியில் மிகுந்த வரவேற்ப்பை பெற்றது. விக்ரம் (Vikram) போஸ்டரில் ரசிகர்களை ஆச்சயப்படுத்திய விசயம் நடிகர் விஜய் சேதுபதி இப்படத்தில் நடிக்கிறார் என்பதுதான். அத்துடன் இந்த போஸ்டர் மூலம் இப்படத்தில் மலையாள நடிகர் பகத் பாஸில் நடிக்கிறார் என்ற தகவலும் வெளியானது. இப்படத்தின் படப்பிடிப்பு சென்னையில் விறுவிறுப்பாக நடைபெற்று வருகிறது.

இந்நிலையில், நடிகர் ஜெயராமின் மகன் காளிதாஸ் விக்ரம் படத்தில் இணைந்திருக்கிறார். இதை இயக்குனர் லோகேஷ் கனகராஜ் உறுதிபடுத்தி இருக்கிறார். இப்படத்தில் கமல்ஹாசனுக்கு மகனாக காளிதாஸ் நடிக்க உள்ளதாக கூறப்படுகிறது. 

இப்படத்தை நடிகர் கமல்ஹாசன் தனது சொந்த தயாரிப்பு நிறுவனமான ராஜ்கமல் பிலிம்ஸ் நிறுவனம் மூலம் தயாரிக்கிறார். இப்படத்திற்கு கிரீஷ் கங்காதரன் ஒளிப்பதிவு செய்கிறார்.

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR