கமலை ஓரம் கட்டும் பிக்பாஸ்! 5 நடிகர்களை தேர்வு செய்துள்ள நிறுவனம்!

Bigg Boss Tamil: பிக் பாஸ் நிகழ்ச்சி உலகம் முழுவதும் புகழ்பெற்ற ஒரு ரியாலிட்டி ஷோ ஆகும்.  இந்தியாவிலும் இந்த நிகழ்ச்சி பல மொழிகளில் வெற்றிகரமாக நடைபெற்று வருகிறது, குறிப்பாக ஹிந்தியில் இந்த நிகழ்ச்சிக்கு மிகப்பெரிய வரவேற்பு உள்ளது. இந்நிலையில் 7 ஆண்டுகளுக்கு முன் தமிழில் பிக் பாஸ் நிகழ்ச்சி முதல் முறையாக தொடங்கப்பட்டது. விஜய் டிவியில் ஒளிபரப்பாகும் இந்த பிக் பாஸ் நிகழ்ச்சியை கடந்த ஏழு சீசன்களாக கமல்ஹாசன் தொகுத்து வழங்கி வருகிறார். இந்த நிகழ்ச்சி கமல் தனக்கான, தன் கருத்தை பேசும் ஒரு அரசியல் மேடையாகவும் பயன்படுத்தி வருகிறார்.

பிக் பாஸ் நிகழ்ச்சிக்காக கமலுக்கு மிகப்பெரிய தொகை சம்பளமாக வழங்கப்படுவதாக கூறப்படுகிறது. கிட்டதட்ட 100 நாட்கள் நடைபெறும் இந்த நிகழ்ச்சியில் ஒரு வாரத்தில் இரண்டு நாட்கள் மட்டுமே கமல் வருவார், இதற்காக கமலுக்கு 100 முதல் 150 கோடி வரை சம்பளமாக கொடுக்கப்படுவதாக தகவல்கள் வெளியாகி உள்ளது.  பிக் பாஸ் வீட்டில் உள்ள போட்டியாளர்கள் தவறு செய்யும் போது கமல் அதனை அவரது பாணியில் தட்டி கேட்பார், இது ரசிகர்களிடையே மிகுந்த வரவேற்பை பெறும். ஆனால் இந்த வருட பிக் பாஸ் சீசன் 7 நிகழ்ச்சி எல்லாமே தலைகீழாக மாறி உள்ளது. சமூக வலைதளங்கள் முழுவதும் கமல்ஹாசனை ரசிகர்கள் திட்டி தீர்த்து வருகின்றனர்.  பிக் பாஸ் வீட்டில் உள்ள ஒரு சிலருக்கு ஆதரவாக கமல்ஹாசன் நடந்து கொள்கிறார் என்று ரசிகர்கள் அவர் மீது கோபத்தில் உள்ளனர். மேலும் பிக் பாஸை தொகுத்து வழங்க கமல் தகுதி இழந்துவிட்டார் எனவும் ,வேறு ஒருவரை மாற்றும் படியும் கோரிக்கை வைத்து வருகின்றனர்.

இந்நிலையில், கமல்ஹாசன் பிக் பாஸ் நிகழ்ச்சியை தொகுத்து வழங்குவது இதுவே கடைசி முறை என்றும் அடுத்த ஆண்டு அவர் வரமாட்டார் எனவும் கூறப்படுகிறது. இதனால் விஜய் டிவி தரப்பில் இருந்து வேறு சில நடிகர்களை தேடும் முயற்சியில் இறங்கியுள்ளனர். அதில் முதலாவதாக இருப்பது சிம்பு தான், ஏனெனில் சிம்பு ஏற்கனவே இந்த நிகழ்ச்சியை தொகுத்து வழங்கியுள்ளார். அதனால் ரசிகர்களும் சிம்பு வந்தால் நன்றாக இருக்கும் என்று கூறி வருகின்றனர். சிம்பு தவிர விஜய் சேதுபதி, மாதவன், அர்ஜுன், சரத்குமார் போன்ற சீனியர் நடிகர்களிடமும் பேச்சுவார்த்தை நடைபெற்று வருவதாக கூறப்படுகிறது. இவர்களில் அர்ஜுன் ஏற்கனவே ஜீ தமிழில் வந்த சர்வைவர் நிகழ்ச்சியை தொகுத்து வழங்கியுள்ளார் என்பது குறிப்பிடத்தக்கது.  எவ்வராயினும் கடந்த ஏழு சீசன்களை தொகுத்து வழங்கிய கமல்ஹாசன் அடுத்த வருடமும் பிக் பாஸ் நிகழ்ச்சியை தொகுத்து வழங்கினால் ஆச்சர்யபடுவதற்கு இல்லை.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!