கருப்பு திராட்சை நீர்... பெண்களுக்கான பவர்ஹவுஸ் பானம்: ஏகப்பட்ட நன்மைகளின் பொக்கிஷம்

கருப்பு திராட்சை பெண்களின் பிரச்சனைகளில் நன்மை பயக்கும். இதில் உள்ள சில குறுகள் பெண்களுக்கான ஆரோக்கியத்தில் அதிக பங்களிப்பை அளிக்கின்றன. 

பெண்கள் கருப்பு திராட்சை தண்ணீரை குடித்து வந்தால், பல பிரச்சனைகள் குறையும். கருப்பு திராட்சை உடல் ஆரோக்கியத்துடன், தோல் மற்றும் சருமத்திற்கும் நன்மை பயக்கும்.

கருப்பு திராட்சைப்பழத்தில் அதிக அளவு வைட்டமின்கள் மற்றும் தாதுக்கள் உள்ளன, அவை ஆரோக்கியத்திற்கு மிகவும் முக்கியம். இதில் வைட்டமின் கே, நார்ச்சத்து மற்றும் பொட்டாசியம் மற்றும் வைட்டமின் சி உள்ளது, இது பெண்களின் உடலில் நோய் எதிர்ப்பு சக்தியை அதிகரிக்க உதவுகிறது, நாள் முழுவதும் சுறுசுறுப்பாக இருக்க வைக்கிறது.

பெண்கள் தங்கள் சருமத்தை மேம்படுத்த, சந்தையில் கிடைக்கும் விலையுயர்ந்த பொருட்களுடன் பல்வேறு வீட்டு வைத்தியங்களையும் பயன்படுத்துகின்றனர். ஆனால் தினமும் கருப்பு திராட்சை தண்ணீரை குடித்து வந்தால், அது உங்கள் சருமத்தை உள்ளிருந்து ஆரோக்கியமாக்கும், முகம் பளபளக்கும். கருப்பு திராட்சையில் உள்ள ஆன்டிஆக்ஸிடன்ட்கள் மற்றும் வைட்டமின் சி சருமத்தை மேம்படுத்த உதவும்.

கர்ப்ப காலத்தில் கருப்பு திராட்சை தண்ணீர் நன்மை பயக்கும். பல நேரங்களில் பெண்கள் கர்ப்ப காலத்தில் மலச்சிக்கலால் அவதிப்படுவார்கள். அத்தகைய சூழ்நிலையில், கருப்பு திராட்சையை 1 கப் தண்ணீரில் இரவு முழுவதும் ஊறவைத்து, காலையில் இந்த தண்ணீருடன் திராட்சையும் சேர்த்து மென்று சாப்பிடுங்கள். இது கர்ப்ப காலத்தில் மலச்சிக்கலில் இருந்து நிவாரணம் அளிக்கும்.

கால்சியம் நிறைந்த கருப்பு திராட்சை நீர் உடலில் உள்ள எலும்புகளுக்கு நன்மை பயக்கும். அதில் உள்ள தாதுக்கள் கால்சியத்தை உறிஞ்சுவதற்கு உதவுகின்றன. இதன் காரணமாக எலும்புகள் வலுப்பெறுகின்றன. ஆஸ்டியோபோரோசிஸ் அபாயம் குறைகிறது. 

7 முதல் 8 கருப்பு திராட்சையை ஒரு முறை தண்ணீரில் கழுவி சுத்தம் செய்து, 1 கிளாஸ் தண்ணீரில் இரவு முழுவதும் ஊற வைக்கவும். மறுநாள் காலையில், ஊறவைத்த கருப்பு திராட்சை தண்ணீரைக் குடிக்கவும், பின்னர் கருப்பு திராட்சையையும் உட்கொள்ளுங்கள். நீங்கள் திராட்சை தண்ணீரை சிறிது வெதுவெதுப்பாகவும் உட்கொள்ளலாம். 

பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.