ஆப்பிள் ரசிகர்களுக்கு ஒரு Good News.. அட்டகாசமான அம்சத்துடன் களமிறங்கும் iPhone 13!

ஆப்பிள் ஐபோன் 12 சீரிஸ் ஸ்மார்ட்போன்களை அறிமுகமாகி மூன்று மாதங்களே ஆகின்றன, ஆனாலும் ஆப்பிள் நிறுவனத்தின் 2021 ஸ்மார்ட்போன் வரிசையிலிருந்து, வரவிருக்கும் ஐபோன் 13 தொடரைப் பற்றிய விவரங்கள்  இப்போதே வெளியாக ஆரம்பித்துவிட்டன. இப்போது, ​​ஒரு புதிய அறிக்கை ஐபோன் 13 மாடலின் முக்கிய இணைப்பு அம்சத்தைப் பற்றிய தகவலை வெளியிட்டுள்ளது.

ஜிஸ்சைனாவின் அறிக்கையின்படி, பார்க்லேஸ் ஆய்வாளர்கள் பிளேனே கர்டிஸ் மற்றும் தாமஸ் ஓ மாலே ஆகியோர் ஆப்பிள் தனது முதல் ஐபோன் மாடல்களை வைஃபை 6E 2021 க்கான ஆதரவுடன் வெளியிடும் என்று தெரிவித்துள்ளார். எளிமையாக சொல்லவேண்டுமெனில், ஐபோன் 13 தொடர் வைஃபை 6E இணைப்பு அம்சத்துடன் வரும்.

பிராட்காம் இந்த நடவடிக்கையின் மிகப்பெரிய பயனாளிகளில் ஒருவராக இருக்கும் என்றும் ஆய்வாளர்கள் நம்புகின்றனர். சாம்சங் கேலக்ஸி S21 அல்ட்ரா ஸ்மார்ட்போனை பிராட்காம் சிப்களின் அடிப்படையில் அறிமுகப்படுத்தியது, இது வைஃபை 6E க்கான ஆதரவைக் கொண்டுள்ளது. இப்போது, ​​ஆப்பிள் அதன் வழியைப் பின்பற்ற வாய்ப்புள்ளது. 

சுவாரஸ்யமாக, ‘ஐபோன் 13’ பெயரைத் தேர்வுசெய்வதற்கு பதிலாக ‘ஐபோன் 12s’ பெயரை ஆப்பிள் தேர்வுசெய்ய வாய்ப்புள்ளது என்றும் அறிக்கை கூறுகிறது. ஆனால், நிச்சயமாக, இது நடக்குமா என்பதை பொறுத்திருந்து தான் பார்க்க வேண்டும்.