பீர் மட்டும் குடிப்போர் கவனத்திற்கு! இதையும் தெரிஞ்சுக்கோங்க!

பீர் எப்போதுமே கொண்டாட்டங்களில் முதன்மையானதாக உள்ளது. ஆல்கஹால் பிடிக்காதவர்கள் கூட பீர் மட்டும் குடிப்பது வழக்கம்.

பொதுவாக பீர்களில் ஆல்கஹால் அளவு 6 முதல் 8 சதவிகிதம் மட்டுமே உள்ளன. பீரில் சில தாதுக்கள் மற்றும் வைட்டமின்கள் உள்ளன. எனவே, கம்மியாக குடிக்கும் போது பீர் ஆரோக்கியத்திற்கு உதவும்.

சில வகையான பீர்களை குடிப்பது இதய நோய் அபாயத்தைக் குறைக்கும் என்று கூறப்படுகிறது. பீர் குடிக்காதவர்களுடன் ஒப்பிடும்போது பீர் குடிப்பவர்களுக்கு இதய நோய்க்கான ஆபத்து 42 சதவீதம் குறைவாக இருப்பதாக அறியப்படுகிறது.

இரத்த சர்க்கரை ஒரு பொதுவான உடல்நலப் பிரச்சினையாகும். குறைவான அளவு பீர் உட்கொள்வது நீரிழிவு நோய்க்கான ஆபத்து காரணியான இன்சுலின் எதிர்ப்பை குறைக்கிறது.

குறைவான அளவு பீர் சாப்பிடுபவர்கள் இறப்பதற்கான வாய்ப்பு 19 சதவீதம் குறைவாக இருப்பதாக ஆராய்ச்சியாளர்கள் கண்டறிந்துள்ளனர்.

பீர் குடித்தால் எலும்பின் அடர்த்தி அதிகரிப்பதாக சில ஆய்வுகள் தெரிவிக்கின்றன. மேலும் இது ஆஸ்டியோபோரோசிஸ் அபாயத்தைக் குறைக்கும்.

மிதமான அளவில் பீர் குடிப்பது சிறுநீர் பாதை அமைப்பில் அதிகப்படியான கால்சியம் படிவுகளைத் தடுக்க உதவுகிறது. இது சிறுநீரக கற்களை வலியின்றி வெளியேற்றுகிறது.